هنا الأعلان عن الإبل المفقوده

[الضاري]

بسم الله الرحمن الرحيم

السلام عليكم ورحمة الله

أخواني الأعزاء
هنا سيكون الأعلان عن الإبل المفقوده
حتى يسهل على الجميع متابعة الموضوع
وفي حالة العثور على الإبل المفقوده نرجو ابلاغنا بذلك
لكي نحرر المشاركه بأضافة ( عثر عليها)
وسيدمج أي أعلان خارج هذا الموضوع الى هنا
نرجو من الجميع فضلاً لا أمراً التقيد بذلك

تحياتنا

مشرفين خيمة الإبل والخيل

[الحاتمي1]

بسم الله الرحمن الرحيم
السلام عليكم ورحمة الله وبركاته
كل عام وانتم بخير واعاده الله علينا وعلى الامة الاسلاميه بحه وسلامه

يا اخوان الي مضيع ناقه شعرتها مابين الصفرا والملحى عليها مطاريق واجد ( وسوم واجد)
الناقه كبيره بالسن بس مو بالحيل يعني عمرها تقريبا السداس تقريبا
ذيلها قصير وهي فاطر وحايل ومبين عليها زمان ما عشرت ولا لقحت000
الوسم الي مبين عليها باب على رقبتها ومغزل من خلف اذنها ماني متاكد هي اليمين او اليسار0
(((((((((((())))))))))))))))))))))))
الناقه كانت ترد على ابل واحد من الباديه وكنت موصيه على ناقه لي اجفلت العام ودق علي الرجال ورحت شفتها وشككت بناقتي وحملتها لمزرعتي وبعد ما اعتدلت الناقه شوي بينت مواريها وعندي شك انها ماهي ناقتي00
المهم الناقه حملتها من النبك ابو قصر قريب من حدود محمية الحره في منطقة الجوف على طريق سكاكا القريات0
والناقه الحين بمزرعتي انا معتني بها ومعتبرها وحده من حلالي لين ما يجي راعيها انشالله وترد لاهلها0

ومزرعتي بسكاكا _ اللقائط
واي واحد عنده استفسار عنها على ايميلي goufe@msn.com
وبالله التوفيق

[جبل راف]

تسلم وعافاك الله على أمانتك وصدقك وشهامتك
كل سنة وانت طيب

[شبح500]

كل عام وانت بخير

طيب لوماجاك صاحبها وش تسوي ؟
من وجهة نظري القاصرة يالغالي انك تحملها وترجعها الى مكانها الى انت شلتها منه
احتمال ان صاحبها حول مكانها وانك تسببت الى ضياعها منة
وخذ بالاعتبار ان اكثر اهل البل وخاصة البادية منهم لايعرفون النت ولا يدخلون ولا راح يشوفون اعلانك
هذا والله يوفقك ويرد عليك ناقتك الي غادية واسف على الطالة

[الحاتمي1]

السلام عليكم ورحمة الله وبركاته

اخي العزيز شبح 500
والله هالفكره جت في بالي بس اخاف تتعرض لسيارات المسافرين على الخط الدولي وتسبب حوادث لاسمح الله وتعرف الابل الهامله اذا عطشت تجي على انوار السيارات في الليل 0
وانشالله الله يعقلها لراعيها0
وانا ناوي اضربها هالسنه وبخليها عندي واذا جا راعيها انشالله ياخذها هي وحيرانها بأذنالله0000
ولا تنسون ذكرها لاهل البل الي بالجوف ولكم تحياتي

[الحاتمي1]

اخي نشو الشمال تحيه طيبه
يالغالي هذا رقم جوالي واذكر هالناقه لاهل الابل ولك ودي
0555045279

[مسيطر]

الله لايهينك ويكتب اجرك وكل عام وأنت بخير وان كن فيها نصيب حصلها راعيها

[شبح500]

يالغالي تشكر على امانتك بس ياليت تحط عندالديرة الي انت شلتها منها خبر وخااصة اهل البل الي مستوطنين وليس البدو من اجل ينتشر الخبر ويلقاها صاحبها

[محمد الشاهر]

بيض الله وجهك

النيه مطيه

يبي يجيك راعيها بذن الله

[ماثل]

الله يجزاك خير ويكتب لك الاجر

لا كن لو تحط بلاغ عند اهل اسواق الابل في منطقتك افضل وتشوف اخر وسم لها وتذكره لهم

[ابو الشباب3]

الله يجزاك خير على امانتك وذمتك الله يوفقك ويرزقك على قدر نيتك

[صالح ناصر]

بسم الله الرحمن الرحيم

السلام عليكم ورحمة الله وبركاته تاهت مجموعة من الأبل وعددها18
6مجاهيم 6حشو والباقي عفر في شعيب الثمامة في طريق البويب وجرى البحث عنها في المناطق القريبة من المخيم الواقع في شعيب الثمامة وذكر لنا أنها متجهه نحو الشمال لأول عرق من الدهناء ونرجوا ممن يجدها أو يعرف عنها شيئا الاتصال على الجوال : 0554259151(هشام)
0555251098(أبو ريان)

(لايوجد بها وسم ) ولكم الدعاء000

[نايف الذيب]

ابو ناصر

الله يعقلها

وابشر اي علوم عنها بن ردلك

[سلطان الاحمد]

الله يعقلها

[ابوجازع]

السلام عليكم
الله يردها لك ولكن يا خوي تبي النصيحه لي ولك وللقراء
وها الشي نغفل عنه أما انه من الانشغال بامور الدنيا او انه من نسيان توض وصلي لك ركعتين وطول في السجود وأكثر فيه من الدعاء وبحول الله وقوته اللي رد يوسف لابيه انه يرجع لك أباعرك 00000000
بس مايمنع من فعل الاسباب انك تنشد عنها اهل البر وتدورها 000