الله يخلي الشروكي بلا لانكروزر بلا بافندر

[السالمي]

السلام عليكم ورحمة الله وبركاته

انا الصراحه احترت قبل فتره وش اشتري للوالد من موتر خصوصا انه يبغى جيب

وسألت ناس كثيره واكثر الناس نصحني بالتايوتا والنيسان

لاكن انا كان براسي الشروكي وكثيرررررررر اللي قالو انحش قطع غيار غالي

المهم رحت للرياض وحصلت لي شروكي نضيف بمعنى الكلمه وشريته

موديل 94 وهو من النوع الـ 6 سلندر واقسم لكم بالله من اروع مايكون

اولا قوه مع النفود ماتعادل قوة التايوتا والنيسان ثاني شي قلت صرفيه بالبنزين

لدرجت ان التانكي يوصلني من الشرقيه الى الخرج وباقي الربع وانا على سرعة 140

والحين افكر ابيع اللومينا وادور على شروكي 2000 لان الشايب طردني عن موتره من كثر ما اخذه

وانا استغرب الللي يسبون قطع غياره مع انها مقارنه مع النيسان والتايوتا تجدها حول السعر

والشروكي بحجم البافندر صح لاكن ماهو حواله ابد لاصرفيه لا عزم لا مواصفات

البافندر ذا اللي انتم تمدحونه صار موضه فقط لاكن مايعطيك زي الشروكي ابد

واذا قصدكم الحراره انا ركبت لشروكي اللي عند الشايب مراوح لومينا ثنتين والحراره الان من افضل مايكون

طبعا الشروكي الا موديل 2004 والدبل حقه دفرنس ماتغير ماهو اعكوس زي الهقط الاند كلوزر

اتمنى رايكم بكلامي

[رفيع الشان]

اخونا الطيب السالمي ... مسيك بالخير ..


في كذبه بين السيارات ان الشروكي يسخن ... من المعلوم ان السيارات الامريكيه غالبا ترتفع درجة حرارتها الى النص وبعضها تسخن لأن الجو عندنا مخصص للضبان ...

عندنا واحد اوفر لاند 2002 طبعا افضل من اللمتد ... لاكن قسم ان الكرف عليه على داير المليم تقول هايلكس ... ومع ذلك ماشاء الله بس موديله حديث ...

قريب لي عنده واحد موديل 95 ومايخلي ديره الا ويوقع على جبالها ووديانها ... وماشي تمام

صح سعر القطع غويلي شوي بس موتر راسي ومريح وفخم وممشا واللي تبي ...
اتمنى اكون قدمت لك شي


سلملي

[الكروان]

السلام عليكم

نعلم ان الشيروكى نشيط وقوى وايضا ممتع بالقياده وايضا المنضر الخارجى
لاكن المشكله اهى كثرت خرابه ومشاكله واجد عشان كذا الناس ماياخذونه ونا خوك

المهم الله يطعمك خيره ويكفيك شره

اخوك الكروان

[مهند]

افااااااااااااااااااااااااااااااا
تراكم اخطيتوا في حق هالشايب الله يسامحكم



اللي مايعرف الصقر يشويه

[القناص]

والله انك يالسالمي احسنت احسنت احسنت
يا اخي سمعة اليابانيات فوق المعقول "شعب كامري"
ولا يعجب في الياباني ،،،، الا اللي ما جرب غيرها
يا اخي السوق مليان جيوب اشكال والوان

يعجبني السالمي جرب ولا يصح الا الصحيح
لقا الشيروكي جيب فعلا جيب
واللي ما يدري يقول مهوب زين ،،،،،إلا زين وغصب عن جميل وحمراني كمباني
والميدان يا حميدان
يعني اذا تعدين المئتين الف ريال دور الالماني المصفح
ولكم في التوقيع فكرة
ودمتم

..

[ابو شكاع]

ولا يهون ال yukon

الشيروكي صار لي فرصة يوم من الأيام اني اجربة في النفود

الموتر قوي لدرجة أنك تشعر معه بالرضا التام عن آدائه

شكرا لك

ولاهنت

[السالمي]

ياشيخ تسلمون لي على الردود

امـــــــــــا انت يامهند فيه مثل يقول هب بلا لب

هذا تراه مقيول على الاند كلوزر كبر حجم بس نفع مامن نفع

وبعدين وينا فيه فوق الميه اذا بتعدا الميه شريت جيب لكزس نضيف مامشى واجد

بقيمة لاند كلوزر جديد وفخامه وقوة وعزم مايعادلها الـ vxr

[راعي الحمره]

الله يعطيك العافيه يا خوي السالمي على موضوعك الطيب , وانا من اكثر الناس الي يحبون الشروكي , بس يا خوي انا استغربت من بعض الشباب في السعوديه يقولون ان سعر قطع غيار الشروكي غاليه جدا مع ان قطع الياباني اغلى قطع غيار في العالم تقريبا الياباني اغلى قطع غيار من الالماني والامريكي .


واما بالكويت عندنا قطع غياره كنها قطع غيار الكابرس 89 واذا رحت السكراب تلقاها رخيصه بالحيل يعني مثلا تاخذلك مكينة شروكي من السكراب موديل 97 او 98 تبدي من 1800 ريال الى 2500 النظيفه جدا ومكفوله شهر وشرط الفحص .


مع تحيات
اخوك راعي الحمره

[السالمي]

هذا الصحيح اخوي

والله يبعدنا عن السكراب ولايحدنا عليه

بس فعلا هم هنا بالمنتدى يشتكون من ارتفاع سعر المساعدات حقت البافندر

ومساعدات الشروكي ارخص منه

[مهراس]

السلام عليكم:
يوجد سيارات شعبيه بعض القطع فيها أغلى من الشيروكي وليست في مستواه!!!!!.
أي سؤال عن الشيروكي 93-98.

[الكاشت . كوم]

أنا أتوقع(( مجرد توقع)) إن الناس يهجون عن الشروكي لكثرة الخرابات مب علشان قطع الغيار لأن الي يصبر يستاهل ....أما إذا كان الموتر قطع غياره رخيص وكل يوم تحضر بالصناعية فلا تقربه أبد...

[السالمي]

وين الموتر اللي يصبر الحين بالله عليك قلي

الهقط الاندكلوزر يصبر يهبا ذاك يصبر

والشروكي انا اقولها وانا مجرب خرباته قليله ويكفي ان بديه اقوى من الاند كلوزر

[ساري نجد]

سلاااااااااااااااااااااااااااااااام

اخوكم مجرب ثلاث سيارات:

شيروكي 92 : مستعمل ونظيييييف ، حلو ووذف بس طلب قطع غيار ورّاني العين الحمراء، وصيانته مزعجه، ووين السوق وبعته، جلس معي سنه

باترول ربع 90 : رهيييييييب بمعنى الكلمه، وبعد سنه بعته بنفس قيمته

الآن باثفيندر 2001 : زي العسل، يمكن يكون حق مدينه اكثر من كونه للبر، لكن في البر معي مثل الصقر

يعني ترى الموتر يعتمد على السواق اولا ثم وضعه في السوق علشان الصيانه

وسلاااااااااااااااااااااااام

[Y&Y_4X4]

ترفق على روحك يابعدي !

وبدون تعصب ( وتك على العين ) ؟

انا اقول اذا قطعة الغيار المستهلكة تجلس في الامريكي سنه نفس القطعه في الياباني 5 سنين بدون تكلفة تذكر في عملية التركيب هذا مهم جدا ؟

والي مايطول العنب يقول حامض

[جميل جمال]

على قولة اخوي Y&Y_4X4 اللي مايطول العنب حامض عنه يقول ..

ولا اللي عنده مبلغ دسم ويبي جيب ما راح يفكر بغير اللاند ولا انا مخطي يا Y&Y_4X4

ما اقول الا هداكم الله بس