الأخوة الأحبه
أسعد الله أوقاتكم بكل خير.
الأخ العزيز .. السالمي .. انا اللي قلت إن نص مكينة الشروكي موديل 94 (شروكي عادي .. مو قراند) انا اللي قلت إنها كلفت على ولد عمي 12000 ريال .. وما زلت مصر على رأي وبإمكاني أن أثبت لك وبالفواتير .. أو إنك تجي معي أو أي شخص تنتدبه للذهاب للوكالة على طريق الخبر الدمام السريع .. وأنا مستعد وفي أي وقت ..
حبيبي السالمي .. أنا ما ني ضدك ولا أحد من الشباب ضدك .. كلهم يقولون أن الشروكي موتر محترم وما عليه زود .. وأنا معك .. بس ياعمري يا عيوني .. أنت بكذا تظلم الشروكي وربي تظلمه يوم إنك تقارنه بالاند .. شف راح أقولك كلام وربي ما زليت فيه .. وتسألني عنه أمام الله عز وجل.
شف يا غالي .. قبل شهر تقريباً كنا في منطقة تسمى سيلين في دولة قطر .. وأعتقد أن أكثر الشباب يعرفون المنطقة فهي صحراوية جداً وأصغر صعس فيها أكبر من أكبر طعس من الطعوس اللي عندنا في ((الهاف مون)) .. كنا رايحين على ثلاث سيارات ..
1- شاص 94
2- لاند جي أكس أر 2002 قير اتوماتيك
3- شروكي 98 قير عادي
المهم .. صاحب الاند .. عليمي ما هو حق سواقه .. ومخلي واحد من الشباب يسوق عنه .. واللي يسوق الشاص سواق هندي .. أما سواق الشروكي فهو أحسن وأفهم سواق .. وسواق سواق راعي طاره .. وهاذا هو ثالث شروكي عنده .. ويتعامل مع الشروكي من موديل 94 .. تصدق انه يحلف بالله يقول .. وربي أن ما قوى قلبي إلا شوفت الشاص والاند بجنبي ولا لو على الشروكي لحاله .. كان رحت من صيد أمس .. يا خوي وربي الشروكي قوي لكن ما يصف جنب الاند ..
وفي الختام يا الغالي ارجو ان لا أكون اثقلت عليك وعلى الأخوة القراء.
نسيت أقولك .. كان عندي شروكي موديل 94 استخدمته تقريباً أربع سنوات .. بس يوم جربت الاند حق أخوي .. بعت الشروكي على طول. والحين معي باثفايندر 2003 ومبسوط منه أكثر من الشروكي .
وسلامتكم