معلومات قيمة تخص ملاك اليوكن والتاهو والجمس والكابرس عن الزيت والبواجي

[كبسولة2]

موتري دينالي 2001 مكينته 6.0 واغيرله زيت اسي ديلكو 20 :50w ونفس الزيت استعمله لجمس2005 ونيسان التيما و وانيت باتريوت s10 اربعه سلندر وشرايك وش اللي يصلحله هالزيت واللي مايصلحله من هالسيارت على فكره جربت الكاسترول 10 /30 للدينالي وبدا ينقص معي فغيرت الى 20 /50 وهم نقص ولاكن مع الوقت فجائه بدا ماينقص

أخوي عاشق الجمس

كتالوج السيارة مكتوب فيه زيت 30 5 وأيضاً على غطاء فتحة الزيت في المحرك

وعندنا في السعودية مافيه غير 30 10 أقرب شئ له

زيت 50 20 ثقيل على محركات الفورتك ومع الوقت يعدم لك طرمبة الزيت ويطلع صوت

البلوف تك تك تك عند التشغيل

وبعض الزيوت عند أستخدامها في الفترة الأولى تبدأ تنقص ويشك صاحب السيارة

بأن سياراته فيها مشكلة لكن مع الوقت يوقف النقص وتتعود عليه المكينة !!!!!!

ومعلومة زيادة لك هناك زيت 40 5 مثل الزيت الموصى به من الوكالة من شركة

كاسترول ماجربته بس أعتقد أنه مناسب للجمسات بسبب تقارب لزوجته مع الموصى به

[كبسولة2]

يرررفع للفائدة

[برق السما]

أول شي اشكر لك حرصك واهتمامك بالامريكي وبالسيارات عموماً ..

ثاني شي اتمنى مرة ثانية تقرأ مواضيعك اللي كتبتها قبل اعتمادها لانها تشمل اخطاء لغوية كثيره , وقد يختل المعنى من الاخطاء هذي ..
ما اخفيك اني اقرأ كلمتين , وثلاث ما افهمن !!



عموماً عندي تعليق بسيط , عشان مانطير بالعجه ..

السيفون الأول بأمكانه المشي عليه أكثر من 20 ألف كيلو بدون مشاكل

أما السيفون الثاني فيجب تغيره مع كل مرة تغير الزيت وأقصى شئ يتحمله بعدها

يبدأ بالتهريب من الداخل هو 10 آلآف كيلو متر ,,,,,,,,,,

أنت تحكم من خلال تجربة شخصية وهذا حق مشروع لك ..
لكن (لاتحكّم) غيرك بحكمك !!

اعني أن السيفون على حسب استخدام الموتر وموديله , المقصد ان من موتر لموتر يفرق , بالنسبة لي كانت لي سابق تجربه مع كابرس صابونه , السيفون ما اغيره إلا كل 3 مرات تغيير زيت , واللهم لك الحمد والمنه الزيت ماينقص ولزوجته تمام ..
ليش الخساير !!




بالنسبة للبواجي

أحذر من تركيب بواجي As Delco للجمس وللكابرس

حتى وإن كانت من الوكالة نفسها لأن جودتها قلة عن قبل

ركب بواجي Ngk ويجب أن تتأكد من تطابق رقمها مع رقم Asdelco

بصراحة اول مره اسمع بهذا المسمى Ngk ولم اجربه !
قد يكون قصور مني
لكن ما اضن اني بحتاجه , إذا كان الاي سي ديلكو مؤدي عمله بإتقان !
بواجي اي سي ديلكو (الاصليه) جربتها على 3 سيارات كابريس وفورد وجمس ولله الحمد ما اشتكيت منهن ابد ..
قد يكون ماذكرته أن Ngk افضل لكن ماطرى في بالي استخدمه إلا إذا كان فيه فارق سعري كبير !!


والمعلومات الباقيه اقول بيض الله وجهك , واشكرك مره ثانيه على حرصك : )

[المدني]

... مشكورين يا إخوان ... وجزاكم الله خير على هذه المعلومات .. أنا معي صالون شفر 2003 استخدام شاريه قبل أيام .. وما عندي اي خلفية عن الزيوت المناسبة له .. لكن بعد ما قرأت معلومات الأخ الفاضل ارتاح بالي وعلى طول طبعتها وحطيتها في درج السيارة .. وأرجوكم لا تبخلون علينا في أي معلومات تخص سيارتي بارك الله فيكم ....

[أبوسليم]

ثانياً مايخص البواجي

أحذر من تركيب بواجي As Delco للجمس وللكابرس

حتى وإن كانت من الوكالة نفسها لأن جودتها قلة عن قبل

ركب بواجي Ngk ويجب أن تتأكد من تطابق رقمها مع رقم Asdelco

لسياراتك وهذا الشئ مجربه شخصياً في ثلاث سيارات جمس وتاهو وكابرس 2000

ركبت لها بواجي Asdelco وبدأت تفتف السيارة تفتفه حفيفة تحس بها بيدك

على الدركسون وقمت بشراء بواجي Ngk نفس الرقم وركبتها صفت السيارة صفاء

لا مثيل له لو تحط فنجال الشاهي على المكينة لا يهتز أبداً ,,,,,,,,

بعد ان قرات كلامك ذهبت ابحث عن البواجي فما وجدت لها سبيل ثم سألت عن وكالتها ودلوني عليه في الصناعية بالرياض (الحاج رضا) ولم أجد عندهم طبعا بحثنا في كتالوجهم واحضرت لهم بوجي جديد للجمس وبحثو في الكمبيوتر دون ان يجدو عندهم بواجي للجمس سوبربان 2005


أرجو ان تخبرني من اين اشتريت البواجي للجمس


شاكرا لك يا غالي
وجزاك الله خيرا

[كبسولة2]

برق السما حياك الله وكلامك على العين والرأس وكلامي طال عمرك ليس قرآن منزل

أجتهادات شخصية وتجارب مريت بها

المدني حياك الله وأتمنى لك الفائدة

ابو سليم البواجي ان جي كي يابانية وأنا وجدتها عند قطع غيار سيارات يابانية

أبحث في السيارات اليابانية وسوف تجدها بإذن الله

[سمك سماك]

الله يجزاك بالخير ياخوي

[كبسولة2]

هلا بك اخي سمك سماك

[himo]

مساء الخير ياشباب
كلام حلو ومعلومات متشعبة لو يكون فيه تنظيم.
وعندي سؤال
بالنسبة للساعة في التاهو واليوكن من 2002 الى 2005 كيف اضبطها؟؟
ومشكورين،،،،،،،،،،،

[حسين السبيعي]

برق السما حياك الله وكلامك على العين والرأس وكلامي طال عمرك ليس قرآن منزل

أجتهادات شخصية وتجارب مريت بها

المدني حياك الله وأتمنى لك الفائدة

ابو سليم البواجي ان جي كي يابانية وأنا وجدتها عند قطع غيار سيارات يابانية

أبحث في السيارات اليابانية وسوف تجدها بإذن الله

الاخ كبسوله2 جزاك الله وجميع المسلمين بكل خير بنسبه لزيت سوبر جتي سوا كان لزوجته 50/20 او 10/30 انا اوصي به جميع الاخوان اصحاب السيارات يابني وامريكي من موديل 99 ومادونها فهومن افضل الزيوت الموجوده عندنا في السعودية وانا استخدمه من عشر سنوات في سيارت جديده وقديمه وبخصوص البواجي انت ذكرت انه موجوده في قطع غيار سيارت يابانيه ارجو تحديد الشركة مثل نيسان او تايوتا اومازدا ارجو تحديد اسم الشركة او المحل الذي شريتها منه ولك ولجميع لاخوان الشكر علي ماتقدمونه لنا جميعاً

ودمتم سالــــــــــميــــــــــــــن

[sa-z71]

بالنسبة لسؤالي ابو شوق وابن الحربي

الجواب هو الجمسات من موديل 98 إلى 2009

كاسترول جي تي أكس 10 30 W لأنه يلائم أجوائنا وتنصح به

الوكالة والشركة لسياراتها

والجمسات الي من موديل 97 و96 وتحت

زيت 20 50 w

أخوي كبسوله الله يبيض وجهك على عالمعلومات الأكثر من قيمه

ولكن أخوي بحسب خبرتي القاصره إن مكينة الجمس من 96 الى 99 وحده , اللي جت بخاخ نظام فورتيك ؟

أخوي كبسوله وش رايك بمبرد القير حق الجمس موديل 96 انا أشوفه صغير وش رايك أركب عليه مروحه أو أغيره بأكبر .. في حالة التغيير وش أفضل مبرد قير يركب عليه ؟

وتقبل خااالص تحياتي

[عاشق GM]

الصراحه هالموضوع خلاني ارجع للكتلوج اللي من شريت سيارتي وانا ناسي في الدرج وتاكدت ان معلومة الزيت صحيحه ميه بالميه واللي محيرني ان وكالة جمس وشفر في الكويت حتى نيسان تستعمل زيت 20 50 w على جميع سياراتها يالليت احد يوضح هل الكتلوج هو الصح والى الوكيل وما اعتقد ان الوكيل يجهل هالموضوع الى اذا كان في سبب او سر بينما وكيل جمس في الكويت بهبهاني يستعمل زيت كاسترول 20 50 w
وهو وكيل زيت اسي ديلكو ولازال يبيع الزيت في قطع الغيار المسأله معقده

[الربذي]

ولك تحية وسلام السلام عليكم .
فعلا معلومات قيمة بارك الله بك ونفعبك

[راعي المجهم]

الصراحه هالموضوع خلاني ارجع للكتلوج اللي من شريت سيارتي وانا ناسي في الدرج وتاكدت ان معلومة الزيت صحيحه ميه بالميه واللي محيرني ان وكالة جمس وشفر في الكويت حتى نيسان تستعمل زيت 20 50 w على جميع سياراتها يالليت احد يوضح هل الكتلوج هو الصح والى الوكيل وما اعتقد ان الوكيل يجهل هالموضوع الى اذا كان في سبب او سر بينما وكيل جمس في الكويت بهبهاني يستعمل زيت كاسترول 20 50 w
وهو وكيل زيت اسي ديلكو ولازال يبيع الزيت في قطع الغيار المسأله معقده

أخي الكريم الأمريكان لديهم قاعده دائماً يرددونها

(فالو ذا بوك ) وتعني أتبع التعليمات في الكتاب

والوكيل طال عمرك أهم شئ عنده الكسب المادي عشان تخرب عليك

قطع وتركب بذيك القيمة فصانع المركبة هو أدرى بما ينفع لها

[Alkhleegy]

اشوف ان الموضوع من افضل المواضيع

يالربع الرجال يحكي لكم من واقع تجربه تاجوا تطبوا في حلقه

عالعموم الله يجزاك خير
رايح ادور الكتلوج