الفزعه يا النشاما اهل البراوونج

[عشقي دحروج]

السلام عليكم ورحمة الله وبركاته

عندي براوونج ام خمس اليابانيه وصار لها عندي اكثر من 15 سنه وما عمري تجرأت وفتحت ترباسها

علشان انظفها حدي بس خشاب المخزن والسبطانه وابي فزعتكم يا اللي تعرفون طريقة فك اقسامها

برغي برغي والله لا يهينكم ابي شرح مصور عن طريقة فكها كامله تكفوووووون يا رجااااااااال

دمتم بود

تحياتي

[قانوص قديم]

والله يا خوي اذا ما تشكل معاك لاتفكها رجع الترباس وبفرشة اسنان نظف بيت النار وزلها على وجها لين ينزل الكربون البراوننج براغيها كثيره واحيانا اذا ما فكيتها بالشكل الصحيح تمولس البراغي ما انصحك تفكها وانا اخوك

[ابوفهيدان]

اقشر عيالك اللي يحورف بنارك
ماله داعي تفكها ثم تخربها او ماتعرف ترجعها خذ سبريه ورشه عليها وهي منكوسة
مثل ماقال اخونا قانوص قديم

[راع الطيب]

اخوي انتبه تفكها تورط كان عندي 2 واحده يابانيه واحده بلجيكيه فكيت وحده ابي انظفها ماقدرت اردها ولا خليت ولاواحد من اللي يصلحون الاسلحه الا جيته مايعرفون لها بالغربيه ولا ركبها الا ثلاثه عسكر مهندسين بالأسلحه واخذواعليها اكثر من5 ساعات وهم ماخلوا ولا سلاح الا فكوه وطبقوه مره ثانيه بس البراونج كلها صعب فكها اخذ نصيحت الشباب
وخلك من المخزن والماصوره وبس الاجزاء الداخليه بالفرشاه والبخ بداخلها واقلبها مثل ماقالوا الأخوان
وانت بكيفك

[عشقي دحروج]

مشكورين جميع والله ما قصرتوا زين انكم نصحتوني والا مخربها 1000 شكر لاخواني

قانوص وابوفهيدان وراع الطيب

تحياتي لكم وشاكر مروركم

[ضحية بيشة]

اذا انت بالرياض كثير محلات ينظفون السلاح ...

[حايز الصيد]

رح للهدف في

[عشقي دحروج]

اشكر جميع من مر على الموضوع وما قصرتوا هذي الهقوه بالطيبين