يقال اسأل خبير ولا تسأل طبيب!!!فما رايكم ...

[سووووبر]

بسم الله الرحمن الرحيم
السلام عليكم ورحمة وبركاته
اخبـــــــــاركم يا النشاما ...
بصراحة احترت كثيرا مع رمي الطاير..
من عــــــــــــدة اوجه
1/ حطيت 7,5 (32)
2/ حطيت فشق 6(36)
3 /وكذلك انشغلت مع الوصلات (الشوكات )
ما ادري ايش احط 1-2-3-4
4 / كم اقدم عن الطيـــــــــــر وهو طاير.
علمــــــا بان البارود هي
fusin evolve
فيجن ايفلوف ,,,بلجيكي
فمـــــــــــــــا رايكم انتـــــــــم ..




ولكم جزيـــــل الشكـــــــــــر ..

[مدمن النحم]

خلك على رقم ثلاثه للطيار وانا اخوك والفشق 36/6 او 32/9 اما الـ7.5 ماعندك احد واسألأ مجرب على ما قالو وانا والله ما ارمي الا ب،36/6 واحسن فشق رميت به لا الحين طيار باتريوت صراحه سريع وما تسبق واجد وبالنسبه للدقه بالتسبيق فيه عوامل كثيره تغير واليوم اكتشفت شيء جديد وهو سرعة الريح اليوم طلعة ارمي نحم وطارن نحمتين بينهن تقريبن شبرين باتجاه الرياح ويم شفت انهن بطيئات رميت الي قدام انصدمة بصراحه الي طاحة الي ورا مع ان الفرق بينهن كان ما يقارب شبر ونص المهم بالنسبه للتسبيق مع الممارسه بتعرف وخذها قاعده اعرف رميك دايم لا ترمي على عماها بعضهم لا استلم ام خمس نفض الطير نفض واذا تبي نصيحة بواردي قديم لا تحط بام خمس غير فشقه او فشتين عشان تتقن الرمي مجرد رأي بس وتقبل تحياتي واسف على الاطاله
اخوك / ابو سعود

[صقر البادية]

يااخي كل طير الو خرطوش وشوك معسن ياريتك تحدد نوع الطير لنقدر نساعدك

[العود&& الازرق]

مثل ماقال اخوي لوك مي رقم ثلاثه هي افضل للطيار

[تركي الرماي]

حط 32 7 ونص احسن سي للطيار

[الضرغامي]

عليكم السلام
والله انا ياخوي استخدم 6\36
وبالنسبه كم تقدم عن الطير على حسب بعده
اذا جا بعيد اقدم عنه شبر
واذا قريب اقدم شي بسيط
وانشاءلله مهوب مقصرين معك الشباب
تقبل مروري

[shaheen70]

أرجو أستخدام الشوك الي بداخل البندقية الأساسي(يعني الفل)وسبق مضبوط وسرعة الرياح لها دور ونوعية الفشق الناعم والخبرة وحب الهواية وكثر الطلعات
(ولا تطالع الخسارة وهذة هي المهمه والله يوفقك وإذا تبي الفزعه أبشربعزك )الله يحفظك

[ابو صاالح]

ما لخبطك إلا كثر التغيير بالفشق والوصل
اختار لك فشق نوع محدد على حسب بندقك ،، والافضل 6 - 36
واختار لك وصله ( تشوك ) محدده وبما انك غير متمرس يفضل تشوك رقم 2 اذا معك بانللي ولا برتا .
والباقي من كثر الرمي تستفيد ،، اهم شيء خل كثرة التغيير تلخبطك

[ساقي حماد]

السلام عليكم
شف اخوي سووووبر اذا رميت ولا تغير إتجاه الطير فالرمي ورا الطير
واذا رميت وارتفع الطير فالرمي تحت الطير
واذا رميت ونزل الطير فالرمي فوق الطير
واذا رميت ولف الطير يمين أو يسار فالرمي قدام الطير
هذا بالنسبة للطير المعارض
وكان غير كذا فتأكد هل في الفشق حلبي أم لا
آمل ان اكون قد أفدتك

[سووووبر]

يامرحــــــــــــــــــبا بكم
1_أبو مسعود .. اقدر رايك واحترامه بطبقه وبينفع باذن الله ..
والنحم بصراحه سريع ومتعب في الرمي .. الله يوفقك
ومشكور على افادتي بخبرتك ..
2_صقر البادية ..
اكثر ما ارمي قطــــا .. وما ادري ايش يصلحله من الخراطيش
3_ابو روان تســـــــلم..
4_ تركــي الرمادي
مشكــــــــــــور ..بس 32 مداه قريب ..


وتقبلوا تحيــــــــــاتي ..

[سووووبر]

هــــــــــــــــــلا بكــــــم :
1/ الضرغامــــــــــــــــــــــــــي :
ممــــــــــــتاز6(36)
بس يبي تقديم واجد..
ولك الشكروالتقدير
2/shaheen 70
عـــــــــــــــز الله انك صدقت (طفرت من كثر شراي الفشق ) .. بس تدري ما عاد انا محسب ..
ومشكور وتسلم يالطيب نخدمك بالافراح
3/ابو صالح
صقت ما ضيعني الا كثر التغيير في الوصلات .. والفشق
وان شاء الله اطبق كلامك
4/ساقي حماد
كلامك عين العقل .....
بس اما الفشق فارغ بصراحـــــــه يبيلــــه ........هههههههههههه


تقبل تحيــــــــاتي

[ياهملالى]

لابد من التدريب

كل طير وله طريقه .. نوع الطير .. وموقع الطير بالنسبه للصياد لها طريقه .. وقرب الطير وبعده ..نوع الفشق

[الفهد11]

يختلفون الصيادين بالنسبه لها النقطه بالتحديد كل بواردي له شي يتعود عليه
والبواريد تختلف بعد

يعني ماراح ترسي علىا بر من هالنقطه بالتحديد الفشق المستخدم والتشوك ابد
كل واحد له طريقته

بس القاعده المعروفه او الاغلبيه اللي يمشيه عليه من اللي اشوفه انا
الطيار 36 6 التشوك الضيق لانه يسوق

ونصيحه وانا اخوك
لاتحاول تغير الشوك كل مره لانه يحوس رميك كل تشوك يختلف عن الثاني
يعني خل لك تشوك واحد واستمر عليه لاتغيره ابد تلاحظ بعد فتره انك اجدت الرمي وتعودت عليه

والطيور تختلف بالنسبه للفشق بس تبي نحم قطا قميري خضاري رقم 6 هو انسب شي

تحياتي لك.

[sal7]

سبحان الله 13 رد و لكل واحد طريقه مختلفه و انا ردي الـ 14 و راح يختلف عنهم

أخوي لازم ترمي على هدف ثابت تعرف وين الوزنه لان البنادق الجديده مطوره بحيث
أنك تقدر تازن الرمي على نظرك أي من الممكن أنها تزم أو تهفي أو ...... إلخ
أي أنك لابد تجرب ترمي على هدف ثابت و يكون لوح فلين 50 سم * 50 سم على بعد 40
يارده (اليارده 93 سم تقريباً) و بعدين تحدد نقطه في الوسط و تكون واضحه لك في هذا
البعد و إذا عرفت وين يكون الخردق بالضبط تقدر تتحكم بالبندق خلال الرمي طيار
يعني تشوف هل البندق رميها على النقطه بالضبط أي يجب أنك تضع الشعيره على الطير مباشره
و إذا كانت تزم أي الرمي يكون فوق الهدف أو النقطه لازم تنزل الشعيره مقدار الارتفاع و أغلب البنادق تزم

و العكس إذا هي تهفي (مع أن لم أرا هذا النوع من البنادق)

قضينا من كيف تعرف وزنيتها
لكن كيف تعرف أنك تبي تسبق أو تحطها بالطير هذا أمر مختلف الرمي ماله دخل بالتسبيق
هذا الامر يعود لنوع الفشق ( الخرطوش) مثال بسيط حين ترمي بماركة فوب (هذا النوع معروف
بسرعته الفائقه أي لا يجوز معه التسبيق) بعكس الجزال اللي لابد تسبق بذراع او شبر
و كذالك نوع الطائر يعني معك فشق جزال و الطير نعجه يبيلها شوي عشان ترف بجنحانه
يعني مب لازم تسبق أنو النيه و حطها بكبدها و أن شاء الله أنها بخرجك
طيب معك فوب و الطير نحم (التسبيق واجب في هذه الحاله)
البعد عن الطير يحتاج تسبيق أين كانت المسافه و الامر يعود للممارسه كل صندوق تخلصه
راح تتعلم أكثر

الشوك تكلمنا حتى أشبعنا القراء عنها تقدر تراجع المواضيع السابقه ستجد ما يشفي غليلك
لكن أفضل أنك ترمي بشوك رقم *** حتى تتقنه و بعدين ** و بعدين *
أخوي مقاس الخردق (الحلبي) له دور كبير ففي كل نوع من الصيد له مقاس معين
يعني ما ترمي كرك بفشق 7.5 و شوك رقم 3 لانه مب داري عنك

تمنياتي لك بالتوفيق