مطلوب من الجميع المشاركه :... مالذي يؤكل من الضب ومالذي يرمى . بحسب وجهة نضرك ؟؟؟

[مهيلان]

السلام عليكم ورحمة الله وبركاته

من خلال رحلاتي مع انواع من الكشاته


اكتشفت اختلاف كبير في طريقة طبخ الضب وما يرمى منه وما يؤكل

منهم من لا يبقي منه شي الا واكله


منهم من يرمي الكبد والجهاز الهضمي

منهم من ينضفها وياكلها


الجلد فيه اختلاف كبير : منهم من اذا شافه مع الاكل قال ( كثر الله خيركم ) وقام !!!!
منهم من يصر على ان الضب ما يصلخ ...

الثروب او السلايق او الزهوم ( اختر الاجابه الصحيحه )

هذي ايضا فيها شيل وحط واحد يقول كل النكهه والريحه الزينه فيها .. والثاني يقول هذي كلها كلسترول ..


عطونا رايكم



والسلام

[Desert man]

السلام عليكم ورحمة الله
الحين الله ماحدكم على اكل ها الحيوان اللي لا شكل ولا ريحة ...
والمشكلة انة من الحيوانات اللي مهددة با الأنقراض من السعودية بسبب الصيد اللي ماله داعي ...لأن صيد الضب مايبغى لة اي مهارة او خبرة ..

والمشكلة اننا كلنا نحاول نقتدي بالرسول علية الصلاة والسلام . بس اذا جيتوا للضب تغيرون رايكم الله يهديكم مع علمي ويقيني انكم كلكم تعرفون ان الرسول رفض اكل الضب وعارف انكم بتقولون بس ماحرمة ... تبون يا حلال او حرام .... واعتقد ولست جازم ان مخالفة الحاكم حرام والحاكم منع صيد الضب . يعني اللبيب با الأشارة يفهم .
وجهة نظري الشخصية البحتة.
وتحياتي للجميع
ولك صاحب الموضوع

[سحاب الخير]

هلا مهيلان
يرمى منة الجهاز الهضمى والرأس والكفوف والأحشاء ....
ويؤكل بجلدة اذا كان مشوي ...
اما اذا كان مطبوخ لإانة يسلق ثم ينزع جلدة ثم يعاد طبخة