كلامك يوسع الصدر انا ما اقدر اقول شي لاني ماجرب السياره في البر
لكن السياره في الخط ماعليها كلام
والسبب في عدم الخبره في السياره توني شاريها 2008
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
كلامك يوسع الصدر انا ما اقدر اقول شي لاني ماجرب السياره في البر
لكن السياره في الخط ماعليها كلام
والسبب في عدم الخبره في السياره توني شاريها 2008
تشكر على الموضوع ويشرفني المشاركه همر H1 موديل 2002
بالله ياشباب v8 h3 الفا متى ينزل للسعودية مليت الانتظار
السلام عليكم
اولا حبيت ارفع الموضوع لقيته في ثامن صفحة
ثانيا ان شاء الله اكون من ملاك الهمر h3 قريبا لكني متردد وحبيت اول شي استشير اهل الخبره ومنهم الاخ ناصر وبقية الاخوان
حبيت اسال عن القطع الاستهلاكيه مثل البريكات والفلاتر وغيرها كم اسعارها تقريبا
وهل تنصحوني في الهمر اساسا مع العلم اني ادور مستعمل والميزانية في حدود 85 الف
مشاويري قليلة وطلعاتي للبر قليلة من 5 الى 10 مرات في السنه لكن الصيفية في الجنوب الحبيب وتعرفون جبال ووناسه
فشوروا علي الله يبارك فيكم
وماخاب من استشار
ملاحظة الي بيدخل وينصح اتمنى ان يكون من ملاك الهمر الحاليين والسابقين اما من يقول ولد اخت خالي يقول والا ولد جار عمي وغيرها مانبغى
السلام عليكم للجميع
اخوي ممادو 444
بالنسبه لقطع الغيار والصيانه :
قطع الغيار معقول وقريب من قطع غيار اليوكن
ومقارنه بسعر قطع غيار لانكروزر تويوتا اتوقع ارخص في الوقت الحاضر بعد مارفع عبداللطيف جميل سعر قطع الغيار والصيانه
والميزه الاهم في وكالة همر ( الجميح ) انهم يصرفون لك سياره بديله من السيارات الفخمه ( كديلك Bls - ساب ) لكن لازم تاخذ موعد وتبلغهم برغبتك بالسياره البديله
اما بخصوص المبلغ 85 الف تقدر تجيب فيها همر موديل 2006 فل كامل ولكن ما انصحك باقل من موديل 2007 لان المكينه في موديل 2006 ضعيفه والتطوير وتلافي العيوب صار في موديلات 2007
اما بالنسبه للسياره بوجه عام
انا من حكم تجربتي للسياره انها سياره مناسبه للمدينه والبر والخط والرزه في نفس الوقت وسعره حاليا معقول
فئة ( قير توماتيك - فتحت سقف ) 114000
فئة ( قير تومتيك - فتحت سقف - شاشة ملاحه - جلد - نظام دفلوك - ومواصفات اخرى ) 135000
والميزه الاهم الهمر H3 ماراح يتغير شكله الى بعد 10 سنوات من موديل 2006 حسب كلام وكالة الجميح
وبخصوص كلام الناس انا كنت اظن انهم صادقين ولكن العكس في كلامهم هو الصحيح
( الى متى نكون اسرى لعبداللطيف جميل والحمراني )
اخوي خالد 030
حياك الله في الرابطه
بخصوص استفسارك انا سئلت قبل كذا عن الهمر الفا ولكن مبلغ السياره بيكون غالي جدا واتوقع والعلم عن رب العالمين بيكون سعره 180000 الف
لان السياره سعرها في امريكا 157000 الف
ولكن بصراحه سياره تستحق الانتظار
sawa900
اخوي مشكور على ردك وتوضيحك
فعلا انا مريت الجميح بجدة وقال باقي 12 سياره فقط h3 2008 والسبب انهم خفضوا سعره من 146 الف الى 135 في
فتره شهرين تقريبا هذا الفل الكامل
وانا فعلا قاعد ادور على 2007 او 2008 حتى لو بمواصفات اقل
والمشكله نزلت المعارض واكثرها كانت معروضة في منتدى مستعمل وكانوا طالبين فيها اسعار خيالية ونزلوا وباعوها للشريطية
برخيص والشريطية عاد واصلين باسعارها سابع سما
تخيل حصلت واح 2006 طالب فيه 105 الالاف
وحصلت 2008 طالب فيه 120 الف قلت ياخي سعره وكاله 135 الف قال روح خذ وكاله مع ان صاحب الهمر الاساسي في مستعمل
وصل معاه المزاد 92 الف ورفض يبيع بس موتر يستاهل وباعه على شريطي ب95 الف والشريطي يبغى مربح
25 الف
لالا وهذا واحنا نتنقد ابو جميل وغيره وهذا الشريطي حتى ثوبه مايغيره الا كل شهرر يمكن بعد
حال مزري وناس طماعة
اخوي ممادو فيه واحد ببيع سيارته 2007
رقم جواله 0500568277
طبعا العرض في موقع من المواقع للانترنت
اتصل على الرجال واستفسر منه
وين أبو خالد ؟؟ الرحاااال ؟؟
سجل أبو خالد معه همر H1 نادر ولا يوجد مثله في السعوديه إلا كم حبه !
الله يعطيك الف عافية اخوي sawa واشكرك على اهتمامك
تم الاتصال اكثر من مره ولم يتم الرد
من يعرف احد في جده اوحولها يبيع همر h3 2007 او 2008 يدلنا وله دعوة ان شاء الله
الشي الثاني ياشباب نبغى الموضوع هذا يتحرك وين اصحاب الهمرات
واخوي صاحب الموضوع مايقصر ان شاء الله بمتابعة الموضوع
اخويي ممادو هذا رقم واحد في جده ببيع السياره طبعا اقساط يعني نظام تحويل الاقساط لك
كلم الرجال وتفاهم معه 0544554430
ياجماعة الخير احب انوه عن الحراره الخاصه بالهمر H3
حسب كلام الوكاله لي بانه ثلاث ارباع طبيعي جدا في الصيف
لا اله الا الله
معقول الحراره ثلاث ارباع ويقولوا طبيعي
صدقني هذا كلام الواكاله وبعد ماسئلت واحد من الشباب عن الحراره بلغني انها طبيعي لان سيارة الرجال همر 2006 لكن يقول لو وش ماتسوي ماتتعدى ثلاث اربعاع في الصيف في الشتاء تنزل الى النصف ولكن ترى طبيعي حتى دخلت وسئلت في امريكا بلغوني نفس الكلام
السياره مصممه على الوضع هذا
الذين يشاهدون الموضوع الآن: 1 (0 من الأعضاء و 1 زائر)