▓ܓܨܓ Hummer رابطة ملاك الهمر H3.h2.h1 ܓܨܓ ▓

[ابو محمد الزهراني]

منكم نستفيد طال عمرك

على فكره اتصلت على الرقم الي عطيتني وارجال موتره 2007 ويبغى قيمه اغلى من 2010 الي باقي ماطلع

يبغى 40000 الف عشان يتنازل عنه

و1950 اقساط لمده اربع سنين

ودفعة اخيره 19000الف

ضحكت على كلامه الله يهديه

[sawa900]

ادخل على الرابط وبتلقى همر لقطه
http://www.haraj.com.sa/1112225/مجمو...بيع_ويوجد_صور/
رقم جوال الرجال

0550578363
الرجال حده 91 الف لكن اذا صملت يمكن يتفاوض معك على السعر

[ابو محمد الزهراني]

اخوي سوا ابشرك حصلت واحد 2006 فل ابشن ناقصه نفقيشن بس

وسعره جداا مناسبني واتفقنا انا والرجال وبكره الاربعاء ان شاء تتيسر الامور ونخلص والسيارة ماشاء الله ماشيه 38 الف بس ماعمره وداه الوكالة ماادري الضمان يلغى والا كيف

السؤال الثاني يوم جيت اغير بين الدبلات يطلع صوت في الدبل تك تك عااااادي والا ايش وخصوصا الثقيل

السؤال الثالث الله يطول بعمرك

ازرار الدبل ثلاثة اول واحد من اليسار الي هو الاوتو
والوسطاني دبل خفيف
اول واحد من اليمين الثقيل صح كلامي والا كيف

السؤال الاخير كم اسعار الكفرات قوديير حقت الاتش ثري

ثقلنا عليك

لكن لازم عشان الرابطه تتحرك مواضيعها

[ابو محمد الزهراني]

نسيت بعد اسأل عن شاشة المعلومات الي في الطبلون بالنسبة للسعودي تجي عربي والا انجليزي

وكمان وش المعلومات الي فيها

[sawa900]

اخوي ممادو انصحك ماتاخذ 2006 لان المكينه ضعيفه
اسئل الرجال قله وش حجم المكينه اذا كانت 3500 لاتشتريه
واذا كانت 3700 حلو خذه

[sawa900]

بخصوص الشاشه ترى ماتجي عربي بالنسببه للوكاله لكن فيه محل يركب شاشه للهمر عربي بكل المواصفات

[ابو محمد الزهراني]

اخوي ممادو انصحك ماتاخذ 2006 لان المكينه ضعيفه
اسئل الرجال قله وش حجم المكينه اذا كانت 3500 لاتشتريه
واذا كانت 3700 حلو خذه

الي اعرفه ان 2006 كله المكينه 3500
و2007 وفوق 3700

وماحصلنا على قد القريشات الا ذا 2006 ماشي 38 الف والباقي كلها في المشي طاف الضمان والا حوله

لي واحد من الشباب ساق الهمر 2006 و2008 يقول في فرق لكن مو الفرق الكبير

استخرنا الله وبكره ان فيها خيره يكتبها الله وان مافي خيره عسى الله يصرفه عنا

بخصوص الشاشه ترى ماتجي عربي بالنسببه للوكاله لكن فيه محل يركب شاشه للهمر عربي بكل المواصفات

لا انا قصدي الشاشة الي داخل الطبلون مو النفقيشن

بعدين نشوف الفقيشن والا القارمن احلى

[sawa900]

شاشة الطلبون تجي في كل الفئات لكن ماهي هذاك الاهميه بصراحه
لكن اذا الله يسر الامور وشريت الموتر انشاء الله اني بركب الشاشه واعرضها عليكم قريب
انا طالبها واحتريها تاصل

[ابو محمد الزهراني]

تركبها ان شاء الله وانت في خير

ابشرك شرينا الموتر ولله الحمد

والله يعطينا خيره ويكفينا شره

[sawa900]

الف مبروك اخوي ممادو والله يعطيك خيره ويكفيك شره

لكن الغريب بالامر انك قليل تلقى همر للبيع مستعمل وفي الوكاله ماتلقى موديل قديم
وهذا مخليني اضع علامة ؟ استفهام
وين اصحاب الهمرات نبي نعرف اكثر منهم الايجابيات والسلبيات
والاستفهام الاخر الناس تقول الهمر كله عيوب ولكن اللي اشوفه ان السياره قليل عرضها والطلب عليها معقول وفي الوكاله ماتلقى موديلات مخزنه
والاجابه لكم

[ابو محمد الزهراني]

الف مبروك اخوي ممادو والله يعطيك خيره ويكفيك شره

لكن الغريب بالامر انك قليل تلقى همر للبيع مستعمل وفي الوكاله ماتلقى موديل قديم
وهذا مخليني اضع علامة ؟ استفهام
وين اصحاب الهمرات نبي نعرف اكثر منهم الايجابيات والسلبيات
والاستفهام الاخر الناس تقول الهمر كله عيوب ولكن اللي اشوفه ان السياره قليل عرضها والطلب عليها معقول وفي الوكاله ماتلقى موديلات مخزنه
والاجابه لكم

الله يبارك في عمرك

واللهم آمييييييييييين

صحيح قليل تحصل h3 مستعمل للبيع في معارض جده على كبرها فيها تقريبا 12 او 13 همر وهذا العدد بالزياده

وغالبها 2006 والاسعار متفاوته بس سيارات اغلبها مامشت شي تصدق حصلت واحد 2006 ماشي 6الاف بس

اما 2007 او 2008 يمكن مافي الا 2 او ثلاثة بس حتى في واحد 2008 طالب فيه 120 الف ونزلها الى 118الف وبينزل زياده فل ابشن وماشي بس 6الالاف

والمشكله كل ماتسأل واحد عن قطع غيار والا اي شي قال والله ماادري ماعمري غيرت شي حتى البواجي والا القماشات
في واحد معانا في الرابطه اسمه ناصر ماشاء الله معلوماته كثيره وله مشاركات كثيره في منتدى آخر

لكن اشوفه مايشارك عسى المانع خير

الا في اسئله كثيره ودي أسأله عنها لاني ماابغى وكاله ولاني برايح لها من غير شر

[sawa900]

اخوي بالنسبه للقطع اتوقع مناسب وقريب من اليوكن
اما الصيانه عندك محطات اسديلكو تابعه للجميع واسعارها معقوله

شيكت عندهم على السوائل 130 ريال تقدر تسئل عنها واكيد موجوده عندكم في جده

[ابو محمد الزهراني]

اخوي بالنسبه للقطع اتوقع مناسب وقريب من اليوكن
اما الصيانه عندك محطات اسديلكو تابعه للجميع واسعارها معقوله

شيكت عندهم على السوائل 130 ريال تقدر تسئل عنها واكيد موجوده عندكم في جده

اغلب القطع يوكن وبليزر

ومحطات اسديلكو اعتقد موجوده

لكن السوائل الي شيكوا عليها شاملة ايش يعني

يعني تغيير زيت المكينه مع السيفون

والتشييك على الزيوت الاخرى

انا مريت على محطات قلف قال التغيير ب141 شامله السيفون زيت كاسترول 10دبليو 30

وقال نحسب العلبة ب17 ريال وتصدق حصلته اسعار جمله الحبة ب9ريال ونص وابو يمن يبيعوه ب16 ريال

[sawa900]

اخوي بالنسبه لسعر الزيت الشي هذا معروف من زمان نشتريه من الجمله في شارع الريل بالرياض سعر العلبه 9 ريال ونروح لحق الزيت ونعطيه 15 ريال شغل يد ونصير نوفر نصف السعر
اما بخصوص اسديلكو علشان يكون تحت الضمان بالنسبه للسيارات الجديده

[B.A]

انا ان شاء الله رايح اكون عضو معكم بس عندي استفسار:

موديل 2008 h2 الاستبنه الخلفيه تجي خارج السيارة عكس الموديل السابق تكون داخل السيارة بسبب ان الموديل الجديد اصبح بصف ثالث .... السؤال : هل اقدر افك الاسبير الخلفي مع قاعدته يعني يكون زي الموديل القديم او لا ؟؟ وشكراً