▓ܓܨܓ Hummer رابطة ملاك الهمر H3.h2.h1 ܓܨܓ ▓

[sawa900]

هلا بخوي ممادو كيف الحال ها كيف انتطاعك عن السياره

والله يكفيك شرها ويعطيك خيرها واحنا ودنا تشرفنا بالرياض

[عرق جهام1]

اخوي سوى 900 تقبل مروري بصدر رحب انا اتوقع انك من موضفي الجميح لأنك تمجد في الهمر بشكل ملفت لنظر لأني الاحظ عدد الصفحات (5) ونصيبك منها نصيب الأسد لاننقص من قوة الهمر لا كن نريد الشيى المعقول والأعضاء الجدد اسمائهم ،،،،،،

[sawa900]

ههههههههههههههههههههههههههههه
حلوه ياخوي عرق جهام كيف الدرعيه يوم الثلاثاء


بس انت تعرف اني ماني من موظفين الجميح ولكن الحق حق يعني انت تودي الباثفيندر للحمراني تشيك عليه وترجع بلومزين او راعي ونيت
ولكن انا دخلت الهمر تشييك وعطوني سياره بديله كديلك cts 2007 وخليتك تدور فيه دوره
والهمر ياخوي عرق جهام مجهز بمساعدات خلفيه وسست يعني مافيه خوف في المناطق الوعره لكن الباثفيندر لازم ترهم وتغير وهنا تجي المشكله
اذا كانت دراهمك كثيره ومرفه نفسك بتركب ياي استرالي ومساعدات صفراء استراليه
واذا كانت قريشاتك على قدك بتركب ياي استرالي ومساعدات بيضاء جبريال

والهمر ياعرق جهام ماينقص الزيت اذا مشيت 2500 وعلبتك بمخباك كل شوي تشيك وتزود الهمر ماتغير زيته الى كل 10000
والهمر صاجته الاماميه مصممه من فولاذ لكن الباثفيندر بلاستيك مع اقرب حرمل ماتلقها ولازم تمر على محمد في الصناعيه تفصل حديد

واحب اذكرك ان الهمر داخل في تصنيف الماركات الفخمه لكن الباثفيندر وكيله الحمراني وانت تعرف الباقي
مع احترامي لكل ملاك الباثفيندر
وفيه اشياء كثيره ما اقدر اذكرها
لكن اقرب شي ان الفرق بين الهمر والباثفيندر مثل الفرق بين السماء والارض
ياحبي لك

[ابو محمد الزهراني]

هلا بخوي ممادو كيف الحال ها كيف انتطاعك عن السياره

والله يكفيك شرها ويعطيك خيرها واحنا ودنا تشرفنا بالرياض

هلا والله اخوي سوا

انطباعي على السيارة ماشاء الله خيالي هذا كله والمكينه خمس سلندر كيف لو نزل 8سلندر

واما الرياض في هذا القيظ ماتنفع لكن في الربيع ان شاء الله نزور الشرقيه ولابد من المرور على الرياض

[عرق جهام1]

اخوي سوا900 مايهمني كل الكلام الي قلته اهم شي عندي اني اذا بشارك في اي رابطة من ملاك السيارات بصير قدها وبكون جاهز لأي طلعة يتم الأتفاق عليها من قبل الملاك لاكن اني اجلس عند الشاشة اصرح واوضح السلبيات والأجابيات وانا توي شاري السيارة ولاسبق اني اجتمعت مع الرابطة ويكون عندي خبر بطلعات الخاصة بهم ولا اذهب بل اكتفي بي مشاهدتهم من موقعنا الغالي على قلوبنا فهاذي مشكلة اخي سوا اتمنا ان تذهب معي الخميس لتضبيب واتكفل بجميع العزب لأني على حسب علمي انك بعد بيعك لسيارتك الباث فيندر2002م انك بعت العزب فهل اغراض البر تشتراء وتباع على حسب السيارات .
تقبل مروري بصدر رحب ،،،

[ابو محمد الزهراني]

اخوي سوا900 مايهمني كل الكلام الي قلته اهم شي عندي اني اذا بشارك في اي رابطة من ملاك السيارات بصير قدها وبكون جاهز لأي طلعة يتم الأتفاق عليها من قبل الملاك لاكن اني اجلس عند الشاشة اصرح واوضح السلبيات والأجابيات وانا توي شاري السيارة ولاسبق اني اجتمعت مع الرابطة ويكون عندي خبر بطلعات الخاصة بهم ولا اذهب بل اكتفي بي مشاهدتهم من موقعنا الغالي على قلوبنا فهاذي مشكلة اخي سوا اتمنا ان تذهب معي الخميس لتضبيب واتكفل بجميع العزب لأني على حسب علمي انك بعد بيعك لسيارتك الباث فيندر2002م انك بعت العزب فهل اغراض البر تشتراء وتباع على حسب السيارات .
تقبل مروري بصدر رحب ،،،

اخي عرق جهام 1 رديت على موضوعك الاول برد طويل لكن النت فصل ومافي حيل اعيد الكلام

لكن اشوف ردودك كلها على اخوي سوا يااخي الرجال طرح فكره موضوع والاخوان حولوها الى رابطه

اذا بتفيد وتستفيد حياك الله

واما رمي الاتهامات على فلان وعلان فهذا من الدخول في النيات

وبعدين من قال يشترط حضور اجتماعات الرابطه عشان افيد واستفيد يااخي انا في جده هل من المعقول اضرب مسافة 1200كيلو وزود عشان اضر الرابطه

ممكن افيد واستفيد في اي رابطه وانا جالس على النت مايشترط ان كل طلعه اكون مسنتر ومترزز في كل كشته

وبعدين ان تقول ان الرجال باع عزبته بعد بيع الباث طيب وش المشكله الرجال يمكن يبغى غيرها

ونعم اغراض البر تباع وتشترى عند تغيير السيارة

فهل مثلا الخزان الي يركب على الباث يركب على الهمر او يمكن الرجال يبغى يجدد

وليش يوم كان معاه باث ماحد اتهمه بعمله عند الحمراني ويوم شرى همر وكتب موضوع جت التهم من كل مكان

والله اني مااعرف عن الرجال الا اسمه فقط لاغير ولكن لانزكيه على الله ان شاء الله رجال طيب ومنتدانا مافيه الا الرجال

وتقبل ردي ومودتي

[عرق جهام1]

اخوي مامادو اتقبل مرورك بصدر رحب بس كان بودي يكون الرد من اخوي سوا900 ،،،

[sawa900]

هلا والله وغلا بممادو

ترى اخونا وحبيبنا عرق جهام عزيز وغالي وهذا الكلام سواليف ولا اللي في القلوب شي كبير

وعلى قولت القايل اللي مايطول الهمر حامض عنه يقول

[ابو محمد الزهراني]

هلا والله وغلا بممادو

ترى اخونا وحبيبنا عرق جهام عزيز وغالي وهذا الكلام سواليف ولا اللي في القلوب شي كبير

وعلى قولت القايل اللي مايطول الهمر حامض عنه يقول

اجل مادام العلوم كذا

الله يرزقه بثلاث همرات h1/h2/h3

واخر موديل بعد

[adoli]

اللي يتكلم في الهمر يتكلم في شخصيا
الله يازينه <<< لاتقولون شغال عند الجميح

[عرق جهام1]

اخوي sawa900 اعتقد ان اي بسيط يقدر يمتلك همر لأنه ليس بسياره الفارة التي يطمح لها فلهمر يتم توزيعه عن طريق (الشرهه) او مقابل عزيمة على (الفطــور) او يتم عليه السحب في سوق الصواريخ مقابل الشراء من احد محلات الخردة بمبلغ (7) ريال اخي العزيز تمنيت انك امتلكت سيارة من الدفع الرباعي الي تبيض الوجة في الرحلات البرية لأني اعتقد ان الهمر يكون خلفية شاشات الجوال والكبيوترات .
اخي مامادو مشكور على الدعوة فيا ليتك دعوت لي بلجنة افضل من ان امتلك ثلاث مشيات .

[B.A]

[B.A]

[sawa900]

اخوي عرق جهام شكرا على تشريفك رابطتنا واتمنى انك تشرفني على الفطور
ومن جهتي ناوي اهديك شاص معروض عند العاب الحسين
الوعد باكر يالغالي
والف شكر b.a على الصور الجميله لاصل الهمر

[sawa900]

اخوي B.a
بكرى بيكون هناك اجتماع لملاك الهمر بعد صلاة العصر مباشره في بنبان شمال الرياض
بالتنسيق مع اخونا ابو سعد

وياليتني اقدر احضر واتمنى انك تكون هناك