شنطة الطاقة الشمسية للرحلات صور + السعر

[رجل كريم]

السلام عليكم ورحمة الله وبركاته


بعد بحث مضن وجدت ضالتي ولله الحمد وهي عبارة عن شنطة تحوي لوحين شمسيين وسعرها 350 ريال ولقيتها في احد المواقع بسعر اقل بـ50 ريال يعني 300 ريال وهي تشحن الجوال واللاب توب وجميع البطاريات 12 فولط بس تجينا بدون القسام المنظم لـ 3 و6 و9 و12 فولط وكانت لي تجربة قصيرة معها لشحن بطارية 100 امبير جديدة في اجواء غير مناسبة وشحنتها 50 % وحسب كلام البائع ان بها منظم خاص حتى تتوقف عن الشحن اذا امتلأت البطارية والحمدلله ..

رابط الموقع

http://www.alibaba.com/product-gs/52...Generator.html

تحياتي للجميع.,

[mhm-191]

الصراحه :
شي رائع..
مشكوووور.

[سلومي سار]

الله يرزقك من كل خير ( انت شريت عن طريق الموقع ولا من وين )

[ابو صقر 111]

كم احتاجت من الوقت لملء نصف البطاريه وهل لو تركتها وقتا أطول عبأت البطارية بالكامل وشكرا

[رجل كريم]

الاخ الكريم/ mhm-191

شرفني مرورك الكريم


الاخ الكريم /سلومي سار

اللهم آمين ولك بالمثل وجزاك الله خير, وانا شريتها من عند العمودي بالدمام (المستودع)

الاخ الكريم / ابوصقر 111

حياك الله الوقت تقريبا من 5 الى 8 ساعات لكن البطارية عاديةو جديدة 100 امبير ولا كانت مشحونة والجو مغيم شوي .,

على العموم كلمت العامل وقلت له خلها لا تستخدم البطارية يومين او اكثر لين امرك واشوفها, بانتظر و يمكن احتاج شنطة ثانية في المستقبل ..

لك وللجميع خالص التحايا.,

[رياض 2005]

أخي العزيز
هل جربتها في البر
حفظك الله

[رجل كريم]

أخي العزيز
هل جربتها في البر
حفظك الله

الاخ الكريم رياض انا حطيتها في الصندقة منها يستفيد العامل ومنها للدكة والحوش . ويبغالي وقت اطول حتى احكم عليها .,

حفظك الله وتقبل تحياتي .,

[لاتكب البيالة]

ما شاء الله سعره طيب ورخيص جدا
بس فيه كم سؤال
كم قدرة الالواح ؟؟؟وهذا اهم شي لانه لازم تاخذ بالحسبان ان ان الليل مافيه شمس
وطبعا اللوح بيكون كفائته اقوى حسب وضع زاويته مع الشمس
واذا كان عليه غبار او وسخ تبي تقل كفائته بشي كبي

[رجل كريم]

ما شاء الله سعره طيب ورخيص جدا
بس فيه كم سؤال
كم قدرة الالواح ؟؟؟وهذا اهم شي لانه لازم تاخذ بالحسبان ان ان الليل مافيه شمس
وطبعا اللوح بيكون كفائته اقوى حسب وضع زاويته مع الشمس
واذا كان عليه غبار او وسخ تبي تقل كفائته بشي كبي

الله يطيب مقدارك اخوي لاتكب البيالة

قدرة الالواح 13 واط وبالنسبة للغبار فهي مغبرة لانها على الصندقة وهذا بقلل من كفاءتها اكيد وغير كذا الشمس ماتسقط عليها بشكل عمودي لاني وضعتها بشكل مائل بحيث اي واحد يمر من جنبها مايلحظها ابد الا اذا علمته مكانها . وللعلم بها لمبة زرقاء اذا ومضت بشكل مسمتمر معناها تشحن بنسبة عالية واذا كانت متقطعة تومض فالشحن ضعيف وهي تشحن على اقل ضوء غير مباشر .

كما ذكرت انه يبغالي فترة عشان احكم على جودتها والوقت كفيل بذلك ان شاء الله ..,

تحياتي لك .,

[kha6622]

كما ذكرت انه يبغالي فترة عشان احكم على جودتها والوقت كفيل بذلك ان شاء الله ..,

تحياتي لك .,

الصراحة رووووووعة
وجزاك الله خير
أخي نحن بأنتظارك ان جد جديد
ارجو ان لاتقطع

[MNH]

هل ممكن تشغل لمبات وكم عددها تقريبا

وكيف طلبتها ياليت بالتفصيل

[ابو عنقا]

هل عندك معلومات اكثر لو تكرمت

يعني هل هي موجودة هنا او يتم طلبها من النت


وشكرا

[يحيي بن حمد]

مشكووووووووووووووور

[االديحاني]

رهيبه
تشكرررررررررررررر

[رجل كريم]

الاخ الكريم kha6622

شاكر لك مرورك الكريم وابشر ان شاء الله .

الاخ الكريم MNH

يجي معها فيشين حق لمبتين 12 فولط اذا بغيت تشغلها بشكل مباشر.

الاخ الكريم ابو عنقا

الخلية الشمسية متوفرة بمستودع العمودي بافيل بالدمام الصناعية الاولى جهة المستودعات وهذي احداثيات المستودع..
N 26 24. 952
E050 09.105

والمحل مغمور يعني لقيت عندهم ثلاجات انجل وشغلات كثيرة .
المسؤول مبارك . وان شاء الله بحاول اجيب لكم تلفون المستودع ان امكن.

الاخوة الكرام

يحي بن محمد
الديحاني

شاكر لكم مروركم الكريم .,


تحياتي للجميع .,