السلام عليكم ورحمة الله وبركاته
مساء الخير
قالوا : أبو طبيع مايخلي طبعه
طلعت اليوم لأم حزم وراء السحاب لعل وعسى أحظى بتصوير السحب أوالبروق أو الشغايا وهي تمشي أو بَرَدٍ يرد الروح !
سألت أخوي ثعل البرد : ماحولي شيء أصوره وأرسله بالوسائط ؟
قال لي : إذا تبي الزين تعال لنفي
قلت بيني وبينه دروب ،،، ايه هين
وحتى أخوي برق السناف ماقصر مدح ذيك المنطقة !
المهم ماحبيت أضرب مسافات
وعلى طول حولت للشجيرات أدور لعل وعسى أحصل لي طير أوريكم اياه !
وبدل ماتكون مشاركتي بخيمة الأحوال الجوية
صارت بقدرة قادر بالخيمة الفطرية
ولقيت لكم هالمزيونة :
وانا جالس أصور فجأة سمعت إنفجار !
إلتفت وشفت الناقلة وصورت الكفر بعد الإنفجار مباشرة
وما أمداني أرجع للتصوير إلا ويتصل علي أخوي مسافر1
قال : وينك فيه ؟
قلت : بأم حزم !
قال انت اللي مقابل للناقلة
والتفت يسار وشفته "بسم الله" قلت الله حيه !
لكن كيف عرفتني ؟
قال : شفتك تدور حول الشجيرات وتصور !
قلت اكيد أبو ياسر
مفاجأة سارة وجلسنا وتقهوينا وصلينا المغرب والعشاء
لكن البرد ماينطاق هناك والرجال جاي من سفر وتعبان ، ولذلك ماطولنا بالجلسة
،،،
أتمنى أن تستمتعوا بهذه الصور
مع شكري وتقديري مقدما لتشريفكم الموضوع
والعذر والسموحة على التقصير
بارك الله فيكم جميعا
طائر السمان في صور
رد مع اقتباس