تيوس باكستانية مبرده وطازجة .. لا تفوتكم
سلامي للجميع وعساكم بخير ،،
في الحقيقة عندي معلومة وحبيت أوصلها لكم عسى أن تعم الفائدة ..
أحد الزملاء بالعمل نصحني بتجربة التيس الباكستاني ، حيث أنه يأتي مبرد وطازج بشكل ما تتصور وقالي بس أنت جرب وشف وتراه رخيص !!
المهم قلت يا ولد وش يضر خلني أجرب ليش لا !! وبالفعل أشتريت واحد يوم الأحد الماضي من سوق الشمال بالرياض ، وطلع بالفعل شيئ ولا في الخيال ما شاء الله تبارك الله .. وبسعر رخيص الكليلو بـ 18 ريال فقط !! يعني يطلع عليك كله بـ 160 ريال . وعلى فكرة تيوس مره صغيرة .. يعني بقدر الضغط 20 دقيقة بعد بداية دوران البلف .
تصدقون أن دمه يقطر يالربع ما شاء الله تبارك الله ولحمته بيضاء ..
نصيحة للأخوة الأعظاء بتجربته وأهم شيئ بأن يكون مخيش شد بلده وعليه الأستكر مبيناً تاريخ الذبح وخلافه ، وتراه يجي ساده يعني بدون أحشاء ورأس ..
هذا والله أعلم وصلى الله على نبينا محمد ..
سبحانك اللهم وبحمدك ، أستغفرك وأتوب اليك