ماذا تفعل لو هاجمك بعير

[wolf220]

انحاش مايبلها كلام

[الوتر الحزين]

اذا امداك تفصخ ثوبك وترميه يكون زين
اما اذا كنت حول الموتر انسدح تحت الموتر ازين وازين اما اذا كنت دب الله يعينك مانتب قادر تفصخ الثوب ولا تندس تحت الموتر بسرعه

الله يعين بس

[إًلْقَنْإًصْ]

انا اقول مالك الا ادخل تحت السياره لما يفرجه الله ولا تحط رجلك صحيح انه ماهو الحل لاكن اشكوى لله اوما سالفه انك تبي تضربه ماانت ضاربه لاوجهته قدامك وجت الصدتسه ماراح تضربه.

[الطريق السريع]

اذا معي شوزل ابدافع عن نفسي

خمسة فشق للفحل عبيت
أبضغط الريشه لامنه نصاني

[رفيق الأمل]

والله لو بيدي حل لقلته بس ما أعرف والاحسن اذا كان البعير ناوي يهاجمك انحاش واحم نفسك بأي شي عنه والافضل ان تخوفه كمثلاً بتلويح الغترة عليه حتى لا يتقرب منك 000 أما بخصوص ضربه خلف اذنه فهذا ليس وجه الزين فعلام ضربه وهو لا يفهم ؟؟؟؟؟ هذا ما حبيت ايضاحه لكم والله يعلم ما لا تعلمون

[دخنآوي]

معرووف عند اكثر الفحول لاهجمك له طريقه لاسويتها يترك

مثل الخروف لامنك شفته نصاك ( انبطح ) والله ان يترك

والتيس لامنك شفته نصاك اركض بشكل متعرج يمل ويترك

والجمل لامنك شفته نصاك انطحه واضربه مع خشمه قووووووووه يطيح اللي براسه ويقعد يرغي ثم انت هج

اذا ماكنت صامل ترجع اطلع اقرب صفاه او نفود
تراه يقعد يحتريك تنزل ثم يروح


من علامات الأهتياج عند ألأبل خاصه الجمل

لامنك شفته يناضربك بطرف عينه حاول تروح للسياره بس لاتركض

مشي متباعد الخطأ << يعيني ع اللهجه

ولا لاشفته يحتك بقشعه ( رمثه ) هج تراه جاك


هذا والله اعلم

[ابوحماد]

كنت جالس انا وعيالي بروضة المحليه ... وفجأه قربت حولنا ناقه صغيره سن ...اعذروني مااعرف وش تتسمى ... المهم ويلحقها بعير شباب مراهق اكبر منها شوي ((لو انه كبير كان ماحاكيته ابد وبسلامته يسوي الي يبي )) المهم ويقردنها حول موتري ... وشوي الخسيسه ربضت له .... وهو ماكذب خبر وعليها دايركت ... وانا الي يتلون وجهي كم لون وبزاريني وامهم مستغربين ... وانا اصرفهم واقول لهم انه .... يطقها .... واحاول فيه انه يوخر عنها يالله قامو ووخرو عنا .... بس الزين فيه انه مقيد اليدين ولا كان تفاهم معي ((لسان حاله يقول ... وش دخل فين وخويتي لأتوطى في بطنك ...)) ...

والله انك من جنب الابل ومعانيها

اجل وش دخلك فيني انا وخويتي

[ابو تركي المطيري]

انا كنت مسير على واحد من الجماعه وبعيره مقيد قبل صلاة المغرب فارشين ومضبطين شغلنا قهوه ونحتري بس الصبي يدخل البل ويحلب لنا وفيه بكره مرت قدام الفحل وهو يطردها الفحل حنا ما انتبهنا الا على صوت المعالف يوم ضربها الفحل وهو مقيد ويمر طرف فرشتنا والبكره قدامه مقيد وعجزت تروح البكره عنه ماتقول انه مقيد

لو ان البكره مرت من ورانا وهو جاي من قدام ويطردها شنبي نصير حنا ؟

او قمت عليه وهزته بعصا اعتقد اني بكون من صيد امس لاني تدخلت بينه وبين مشروعه الي يخطط عليه

[الخثيمي 1]

الله يكفينا الشررر

[فكس أر]

واللــــــــــــــــــــــــه استسلم للأمر الواقع وكل شي بيد الله نجاه أوموت

[.تقوى الهجر.]

انا اشهد انا اجدادنا اهــــل ابل و حلال وقدروو يتعايشوون معه غصب, وقتها لاسياره ولا انطل ثوبك وازبن للغرفه >وجهآ لوجه< الله يكفينا الشـــــر. ,تقبل مروري,

[ابو تركي المطيري]

انا اشهد انا اجدادنا اهــــل ابل و حلال وقدروو يتعايشوون معه غصب, وقتها لاسياره ولا انطل ثوبك وازبن للغرفه >وجهآ لوجه< الله يكفينا الشـــــر. ,تقبل مروري,

وهل تتوقع ان اجدادنا ماتعرضو لحوادث هيجان الفحل اغلب اهل البل الاولين اذا شافو الجمل يحاول يظهرهم عن البل او يشوفنه ناحرهم من وسط البل يعقلون له ناقه مجسر واذا جاها الفحل ليضربها يجونه من ورى ويعقلون عراقيبه وبعدها يبدون يضربونه والي يضرب الجمل يتكلم بصوت عالي مثلا كلمة ( اهتس ) لغاية مايرغي الجمل وبعدها بامر الله لو هاج وجاك يرده عنك صوتك لانه يميز صوت الي ضربه وخلاه يرغي

[قاصد الصمان]

اذا هاجمك فما عليك الا ان تكثح على عيونه التراب حتى ينشغل عنك بعدم الاستطاعة على الرؤية وحينها ... الفرار..الفرار

وهذه الطريقة ذكرها لنا احد الاخوان بعد ان مر بهذا الموقف

[ذيب عالية نجد]

اذا هاجمك فما عليك الا ان تكثح على عيونه التراب حتى ينشغل عنك بعدم الاستطاعة على الرؤية وحينها ... الفرار..الفرار

وهذه الطريقة ذكرها لنا احد الاخوان بعد ان مر بهذا الموقف

والله أن سمعت عن سالفة على طاري كثح التراب في عيونه
أنه واحد من أصحاب الإبل بسيارته يسوق البل وعصت عليه مجموعة ولبق السيارة وقام يسوقها على رجليه المهم إنه أبعد عن السيارة واثر الفحل يحتري هالفرصة طبعاً وقتهم في المربعانية والمربعانية وقت هياج فحول الإبل والفحل يعطيه راسه إنتبه الرجال وركضه للسيارة والسيارة بعيده والفحل سبوق يقول يوم إنه وصلني وأنا أطيح ثم نزل راسه علي ومالي إلا الله تم التراب في وجه العدو وأعطيه رشه بالتراب في عيونه وإنعمى ومير أطقها ركضه للسيارة بعد مافكني الله منه
وهاذي مثل ماقال أخونا قاصد الصمان طريقة فعاله في إبعاد الفحل عنك وتستعمل في أضيق الظروف
تحياتي لكم

[فيصل الدشاش]

لو معي سكين ابي انحرره ..

الله يرزقكم