كيف يستخدم ونش السياره .......... في حال التغريسه ...؟؟

[MNH]

كيف يستخدم ونش السياره .......... في حال التغريسه ...؟؟ ماهي افضل الطرق؟

[مربط القعاسي]

مايبيلها كلام اقرب شجرة حولك اشبك الونش فيها وسحب واذا ماحولك شجر او شجيرات او ارطات الاستبنه احفر لها وادفنها واشبك الواير فيها ولا يكون معك عكس سيارة مخصص للسحب بحيث تطقه في الارض بمطرقه كبيرة ليمن يثبت وتشبك واير الونش فيه وتسحب

هذا والله اعلم

[مخاوي قناص]

سبحان الله هذا الشيء الوحيد الذي لم اقتنع بتركيبه

فالسياره ولاكن يضل زيادة حرص

وممتاز للمساعده والفزعه

واعتقد مثل ماعقب اخونا الشجر اذا ماحولك شجر او سمر رحنا فيها

موفق ياغالي

تقبل مروري

مخاوي قناص

[الربذي]

فيه ونش واحد الزملاء يبي يوزعه مجانا

هذا موضوع اخونا المبدع dark
السلام عليكم ورحمة الله وبركاتة
كما وعدتكم في تقرير سابق على هذا الرابط
http://www.mekshat.com/vb/showthread...=184310&page=4
عن الونش الامريكي .. حيث جائت فكرتة من احد الاخوة في هذا المنتدى وكثيرا من الاخوان اقروا بغلاء سعرة كما هو مشار الية بالموضوع .. وبصراحة اعجبتني فكرتة وتم تطبيقها وبسعر زهيد جداً .. والونش اللي راح ادرجة بالصور هو هدية لاي عضو يرغب فيه بدون اي مقابل مادي سوى الدعاء لي ولوالديني












لعدم وجود ونش سحب تم تجربة بالطريقة العادية كما هو مشار اليه بالصورة






















وهذا الرابط http://www.mekshat.com/vb/showthread.php?t=184579

[MNH]

مايبيلها كلام اقرب شجرة حولك اشبك الونش فيها وسحب واذا ماحولك شجر او شجيرات او ارطات الاستبنه احفر لها وادفنها واشبك الواير فيها ولا يكون معك عكس سيارة مخصص للسحب بحيث تطقه في الارض بمطرقه كبيرة ليمن يثبت وتشبك واير الونش فيه وتسحب

هذا والله اعلم

هلا بمربط القعاسي

طيب واذا مافيه شجره سمردحه على مايقولون ارض كلها طعوس وش بتسوي

ههههههههه انتبه لا تطيح عليك الشجره وانت تسحبها

شاكر لك مرورك

[MNH]

سبحان الله هذا الشيء الوحيد الذي لم اقتنع بتركيبه

فالسياره ولاكن يضل زيادة حرص

وممتاز للمساعده والفزعه

واعتقد مثل ماعقب اخونا الشجر اذا ماحولك شجر او سمر رحنا فيها

موفق ياغالي

تقبل مروري

مخاوي قناص

ارحب ارحب يامخاوي القنااااص يارجال تكفا غير قناعتك الونش مفيد جداااااااااااا وبتعرف فايدته اذا غرست في ارض صبخه بعيد الشر عنك

شف رد الربذي نفع عمره يوم غرس ولا انتظر فزعه من احد

[المكشات]

واعتقد مثل ماعقب اخونا الشجر اذا ماحولك شجر او سمر رحنا فيها

طيب واذا مافيه شجره سمردحه على مايقولون ارض كلها طعوس وش بتسوي

اذا ما حولك شجر :
إما يكون معك الونش اللي حط صوره الشيخ الربذي الله يكثر أمثاله
و ان ما معك فاحفر حفرة عميقة شوي ثم سقط بها الاستبنه كااملة بعد ما تربط الونش بجنط الاستبنه بحيث تصير الاستبنه واقفه بالحفرة
ثم ادفن
ثم شغل ونشك، وتصير النفود مانع طبيعي يمسك الاستبنه وتسحب السيارة

موفقين ..

[قلم آخر]

هلا بمربط القعاسي

طيب واذا مافيه شجره سمردحه على مايقولون ارض كلها طعوس وش بتسوي

ههههههههه انتبه لا تطيح عليك الشجره وانت تسحبها

شاكر لك مرورك

عاد يجونك حماية البيئة وتروح فيها

[MNH]

فيه ونش واحد الزملاء يبي يوزعه مجانا

هذا موضوع اخونا المبدع dark
السلام عليكم ورحمة الله وبركاتة
كما وعدتكم في تقرير سابق على هذا الرابط
http://www.mekshat.com/vb/showthread...=184310&page=4
عن الونش الامريكي .. حيث جائت فكرتة من احد الاخوة في هذا المنتدى وكثيرا من الاخوان اقروا بغلاء سعرة كما هو مشار الية بالموضوع .. وبصراحة اعجبتني فكرتة وتم تطبيقها وبسعر زهيد جداً .. والونش اللي راح ادرجة بالصور هو هدية لاي عضو يرغب فيه بدون اي مقابل مادي سوى الدعاء لي ولوالديني












لعدم وجود ونش سحب تم تجربة بالطريقة العادية كما هو مشار اليه بالصورة






















وهذا الرابط http://www.mekshat.com/vb/showthread.php?t=184579

اشكرك اخوي الربذي على هذا الرد وانت من جدك ذا بيطلع الموتر ..........!!!!!!!!!

ولكني لا اعتقد كفائه الشيول ذا اللي تغرسه في الارض لان السياره لما تتعلق في الارض يزيد ثقلها في السحب واذا حطيت الشيول وانشاء الله تغرسه كله مهب مثل الصوره بس راسه بيطير مع اول سحبه للونش

عفوا اخوي بس ترا قياسي بالعقل الا اذا فيه شي مافهمته

لا اعتقد ابدا كفائه هذا الشيول المغروس رأسه

[المكشات]

^
^

يطلع مندوبه

[العتل]

ابي واحد الله يرحم والدينك ويغفرلهم
انا والتغريس دائم حبايب وموتري به الونش
ارسلي العنوان على الخاص
الامريكي .. حيث جائت فكرتة من احد الاخوة في هذا المنتدى وكثيرا من الاخوان اقروا بغلاء سعرة كما هو مشار الية بالموضوع .. وبصراحة اعجبتني فكرتة وتم تطبيقها وبسعر زهيد جداً .. والونش اللي راح ادرجة بالصور هو هدية لاي عضو يرغب فيه بدون اي مقابل مادي سوى الدعاء لي ولوالديني


وموتري فيه ونش

[MNH]

^
^

يطلع مندوبه

ارحب ارحب هل جربته والا بس اعتقاد والله ماهي راضيه تدخل عقلي شيول صغير يطلع موتر متعلق حدث العاقل بما يعقل

[أمجد]

والله لو انها مشاية ورع ما طلعها هالكريك

[MNH]

والله لو انها مشاية ورع ما طلعها هالكريك

هههههههههههههههه والله انك صادق والله لو مشايه ورع ما يطلعها هالشيول الصغير

[مخاوي قناص]

يارجال نبي من جرب الصبخه يعطينا انطباعه عنها

انطباعي انا سيء للغايه

تشعر ان الموتر نبتت له عروق اشبه بعروق السمر المعمر تدور الكفراة محلها

وضعنا طرحاتنا والحف وكل فراش نمتلكه تحت رجولها حتى طلعة

اما فكرت الاستبنه اعتقد

انها مجديه نوعآ ما فالصبخه

والله يكفيكم شر الصبخه وعمايلها