ياخليف انا طالبك لاتضعف الطير=خلّه صنيع وجاهزن للهدادي
نبي لنا مقناص ربدن معاشير=في شوفهن ياخليف غاية مرادي
ياماحلا بالوسم طيّ المشاوير=اما على الصمان والا الحمادي
على الذي توه جديدن وتصدير=امخشب الطبلون والقير عادي
جيبٍ وبقزوزه لهيب الدوافير=يطوي مسافات الدروب البعادي
لرياض قفر وزاهيه بالنواوير=جاها عبور الصيد وقت البرادي
لاشفت اثرها فوق رمل العثامير=قمت اتقصص خطوها باجتهادي
والطير في عينه سنا جمرة الكير=يكشف جميع القشع رمث وكدادي
يطلع وحنا مع خطاها مداوير=له عادتن يطلع عليهن وكادي
واقفى يشق الجو عوق المدابير=اللي كما عبرود رمي الزنادي
افحج عريض الصدر وكراعه قصير=عوق الخريش مدلكمات الثنادي
يم التي قد صابها منه تذيير=طارت وفيها من مطير السوادي
ثم ناشها باللي سواة المسامير=وعقب المراوغ بالمخاليب صادي
هذاك شف اللي كوته المقادير=يرجي الشفا من مدميات الفؤادي
وسلامتكم
15 نوفمبر 2015 - 16:514 نوفمبر 2015 - 21:27
 |
رد مع اقتباس
المشاركة الأصلية كتبت بواسطة يوسف الخليفة1
