رابطة (( مفخرة الارض - لاندكروزر ))

[ابوداحم..]

السلام عليكم ورحمة الله وبركاته
ياشباب عندي gxr 2008 قير عادي ومعلق الدبل الخفيف عندي من امس و لا طاع يفصل معي مع العلم ان الدبل الثقيل اشبكه وافصله ووضعه في السليم والي عنده خبره الله لا يهنه لايبخل علينا

[al-rmali]

السلام عليكم ورحمة الله وبركاته
ياشباب عندي gxr 2008 قير عادي ومعلق الدبل الخفيف عندي من امس و لا طاع يفصل معي مع العلم ان الدبل الثقيل اشبكه وافصله ووضعه في السليم والي عنده خبره الله لا يهنه لايبخل علينا

الله يعينك
مابي اخوفك بس واحد من الشباب حصله نفس مشكلتك
وغير دينمو الدبل كامل

[aliwww]

السلام عليكم
سؤالي لاهل القير الاوتوماتك اذا علق عليك الموتر كيف اداء القير وهل تقدر تنتعه زي العادي لاني بصراحه كرهت القير العادي وخايف من القير الاتوماتك في البر والطلوع والنزول مع العقبات وذا غرز وتعلق الموتر كيف يطلع لان بعض الاعضاء يقول حتى نظام الزجف ماينفع اذا تعلق الموتر لاحد يقلي نسم سؤالي للي مانسم وتورط تحياتي للجميع

[طالب الكلية]

السلام عليكم ورحمة الله وبركاته

وينكم يا أهل الجيوب القديمة

وينكم يا أصحاب الترهيم

عندي جيب لاند كروزر خليجي موديل 85 شنطة

أبغى أكنسل السست
وأرهم مساعدات ويايات

مين يفيدني جزاكم الله كل خير

[مغامر]

سلام

معي لاندكروزر جديد وبصراحة انه طامن بالحيل
ابركب يايات استرالية ارتفاع ٤ سم ورى بس قدام
وشرايك وشلون وكم ارفعه ؟

[نايف الخمشي]

السلام عليكم ورحمة الله وبركاته


ياشباب عندي gxr 2008 قير عادي ومعلق الدبل الخفيف عندي من امس و لا طاع يفصل معي مع العلم ان الدبل الثقيل اشبكه وافصله ووضعه في السليم والي عنده خبره الله لا يهنه لايبخل علينا

السلام عليكم ورحمة الله وبركاتة

يعلم الله سجلت على شأنك علما بأني متابع قديم للمنتدى

المهم انا قرأت بعض الردود يقولون لازم تغير الدينمو وهذا غير صحيح الامر

بسيط جدا هناك ورشه في صناعية النسيم واخرى بالصناعيه القديمه التكلفه 200 ريال فقط

وانتبه يلعبون عليك لأني مريت الوكاله وقالو لي دينمو ومريت ورشات كثير في الاخير

طحت على هذه الورشه واعتقد اكثر مايعلق على الجيب 2008 وابشرك بعته

سجلوني صديق جديد معكم gxr 2011 v8

[جراند شروكي]

يا ملاك المفخره
لي فتره ادور تلبيسه لشنطه الجيب مالقيت الا قماش صيني
احد يخبر محل يبيع تنزاني
واكون له شاكر
موقعي الرياض
علماًبان السنيدي والرمايه والقاضي ماعندعم

مساك الله بالخير اخوي طير شلوى ....
انا مثلك ما تركت مكان ما بحثت في الرياض عند السنيدي على القاضي على العليان واخرتها سافرت بريدة للسنيدي وهم ما لقيته ورجعت ...
بس بالصدفة مريت محل برق الحيا ولقيته عندهم بس مو تنزاني بس يادي الغرض دام السوق ما فيه ....
بس هذا الكلام اخوي قبل تقريبا اكثر من 3 اسابيع يعني الان مدري يمكن انتهى لان الطلب عليه واجد .....
تحياتي لك اخوي وان شاء الله تلقى طلبك
ملاحظه / انا موتري جي اكس ار 2010 ولا احد يقولك تلبيسة موديل 2007 تركب عليه لانه بالفعل تركب بس تكون صغيره

[ملك الألقاب]

http://www.mekshat.com/vb/showthread...46#post9140546

فزعتكم ياشباب ارائكم مشكورين

[thari]

السلام عليكم و رحمة الله وبركاته
اريد ان اوضح لكم شي تم تغييره في الجي اكس ار 2013 8 سلندر وهو المكينه ما ادري هل تكون افضل من سابقتها ع المكينه السابقه تحمل الرقم 2uz و الحاليه 1ur علما ان مكينة الكزس رقم 3ur ماعلم وش الفرق ياليت الشباب اللي عنده خلفيه يفيدنا و ترى لاحظت ان مكينة 2013 اكبر بشوي من مكينة 20013

[thari]

السلام عليكم و رحمة الله وبركاته
اريد ان اوضح لكم شي تم تغييره في الجي اكس ار 2013 8 سلندر وهو المكينه ما ادري هل تكون افضل من سابقتها ع المكينه السابقه تحمل الرقم 2uz و الحاليه 1ur علما ان مكينة الكزس رقم 3ur ماعلم وش الفرق ياليت الشباب اللي عنده خلفيه يفيدنا و ترى لاحظت ان مكينة 2013 اكبر بشوي من مكينة 2009

[السفاري91]

بسألكم يا اهل التيوتا
GX2012 V6 تماتيك بريمي ملشي 12000 كم يسوى

وهل خرباته كثيرة والا كويس الموتر

[ملك الغابة]

فزعتكم بالربع ؟؟؟؟؟؟؟؟؟

ابركب طبق للجكسار 2012 واشيل المراتب الخلفية ..

وش افض محل عنده جاهز والاتفصيل


السنيدي ماعنده جاهز لـ 2012 يقول ركب حق اكسبدشن !!!!


انا ودي بطبق يصير مصمم خصيصا للاندكرزور 2012

وش رايكم يالربع ... تكفون تراي محتاجه هاليومين الله يخليكم ويسعدكم


.

[جراند شروكي]

يا رابطة مفخرة الارض ما ودكم بكشته خفافيه نهاية هالاسبوع نتشرف بمعرفة هالوجيه الطيبه ،،،، ومنها نناقش ابرز ما توصلتوا اليه من مميزات وعيوب وطريقة حلها لاصحاب المفخره ،،
اخوكم : ابو طلال

ملاحظه تضحك شوي ولا احد يشره / اسم المعرف ومعي جيب لاندكروزر 2010
بس. طبعا المعرف قديم وحاولت مع ادارة المنتدى تغيره لكن الظاهر جايزلهم ههههههه
تحياتي للجميع !!!!

[PATHFINDER 4]

السلام عليكم

الموتر جكسار 2009 ولعت عندي امس لمبة T-BELT
فتحت الكتيب وفهمت انه يقول بدل الجنزير اللي بصدر المكينة
رحت للنهدي وشريت الجنزير طبعا ربل ومعه بكرة وشداد ورمان او شئ زي كذا المهم
القطع 700 واقل ورشة شغل اليد 500

بعد ما طلعت من الورشة ولعت عندي لمبتين غير الاولى ولا اعلم وش المقصد منها
وخصوصا 4LO بحثت في الكتيب ولا ادري وش معناها (مع العلم اللمبة هذي غير ثابتة وانما تؤشر بشكل سريع)

فكيت الاصبع ولا ادري هل الوضع يحتاج برمجة وش رايكم ؟

احس ان الشغلة كلها برمجة وهي ماولعت من الاساس الا بعد مامشت السيارة 150.000 ولا قبل ما اشتكيت منها
حتى الجنزير الربل القديم اشوفه ممتاز ياليت تفيدونا مشكورين

[سالم الصيعري]

السلام عليكم

الموتر جكسار 2009 ولعت عندي امس لمبة T-BELT
فتحت الكتيب وفهمت انه يقول بدل الجنزير اللي بصدر المكينة
رحت للنهدي وشريت الجنزير طبعا ربل ومعه بكرة وشداد ورمان او شئ زي كذا المهم
القطع 700 واقل ورشة شغل اليد 500

بعد ما طلعت من الورشة ولعت عندي لمبتين غير الاولى ولا اعلم وش المقصد منها
وخصوصا 4LO بحثت في الكتيب ولا ادري وش معناها (مع العلم اللمبة هذي غير ثابتة وانما تؤشر بشكل سريع)

فكيت الاصبع ولا ادري هل الوضع يحتاج برمجة وش رايكم ؟

احس ان الشغلة كلها برمجة وهي ماولعت من الاساس الا بعد مامشت السيارة 150.000 ولا قبل ما اشتكيت منها
حتى الجنزير الربل القديم اشوفه ممتاز ياليت تفيدونا مشكورين

السلام عليكم انا سجلت عشانك ماعليك الا تسوي برمجة للكمبيوتر فقط