شرح كيفية إظهار الرادارات على الجوال (خاص وحصري لمنتديات مكشات)

[مكشاتي عنيزه]

بسم الله الرحمن الرحيم

الأخوه أعضاء وزوار منتديات مكشات

في البدايه أحب ان أشكر العضو المبدع والمتألق ( القصيعه ) على جهوده لكي يرى الموضوع النور

طبعاً هالموضوع مشترك بيني وبين ابو عبدالله

بسم الله نبدء

بعد مانحمل الرادارات نفك الضغط عنهن
مثلاً نختار القصيم نرسل مفكرة رادار القصيم للجوال عن طريق البلوتوث او التوصيله
اذا فتحت المفكره بجوالك تسوي لها حفظ وتلقاها في الملاحظات
وتظهر لك بهالشكل

نضغط خيارات وتطلع لنا هالصوره

نضغط إضافه الى العلامات

وبعدين تطلع لنا هالصوره

غير الإسم وحطه رادار القصيم او اى اسم

بعدين نروح لهالصفحه

ونضغط على الويب او الكره الأرضيه

وتطلع لنا قائمة العلامات دور الرادار اللي انت حفظته

اضغط عليه تطلع لنا صفحة الإتصال سواء اتصال الجيل الثالث او جوال نت

بس اهم شي لازم فيه إتصال

تطلع لنا صفحة الرادار

وتشوفون التحديثات الأخيره وفيه شي مهم ترى التحديث الأول هو التحديث الأخير عكس الرادارات في الكمبيوتر

نضغط على أول تحديث تظهر لنا هالصوره

مبروك الرادار طالع في الجوال

ونكون خلصنا المهمه
واذا طلعت من الرادار وبغيت تفتحه مره ثانيه ماعليك إلا تروح لقائمات العلامات وتضغط على اسم الرادار او الإسم اللى انت حطيته وتطلع لك التحديثات على طول

لعيون الأعضاء الكرام تم إعادة رفع رابط تحميل الرادارات وعلى أكثر من موقع

مركز تحميل الرابيدشير

مركز تحميل عرب شير

مركز تحميل جوريات

أعذروني ياشباب على القصور

واللي مافهم لايتردد يسئل

وكل الشكر والعرفان لأخونا المبدع القصيعه ( ابو عبدالله )

تقبلو تحيات أخوكم ابو مازن

................

طريقة تشغيل الملفات

اول خطوه تفك الضغط عن الملفات

وترسل الرادارات على جوالك وتسوي له حفظ وتفتحه عن طريق جوال نت او 3Gاو الوايرلس

وتختار اول رابط لأنه هو آخر تحديث

أى إستفسار انا حاضر

تقبلو تحيات محبكم ابو مازن

4/10/2009م

[خفوق حائل]

بارك الله فيك وفيما قدمت

[مشتاق للمطر 2]

نجرب ونشوف مشكوووووووور وبيض الله وجهك

[فني الشروكيات]

اول 001

ولي الشرف ابو مازن..

بيض الله وجهك يا غالي،، وجهك وجه خير وعلمك غانم..

لي عودة ان شاء الله..

تقبل محبتي وتقديري..

أخوك/ أبو أيوب..

[mansour44]

ما قصرت ويعطيك العافية

[غالي]

بيض الله وجيهكم عز الله ماقصرتوا جعلها في ميزان حسناتكم

[ثعل البرد]

موضوع تعليمي أكثر من رائع

كل الشكر والتقدير أخي مكشاتي عنيزة

وكذلك الشكر موصول للأستاذ القصيعة

والتقييم الأعلى لهذا الموضوع

وكذلك تمت إضافته إلى المواضيع المتميزة

صمن القسم التالي :

من خلال الرابط التالي :

http://www.mekshat.com/vb/showthread.php?t=58696

[أبــوريـــان]

ياسلام عليك اخي ابا مازن

شرح رااائع وسهل جداً

وهذا تبطيقي

شكراً لك والشكر موصول للاخ العزيز ابو عبدالله (القصيعه)

[حامل مسك]

بارك الله فيك

[عاشق النفود 111]

بارك الله فيك أخي الفاضل على الشرح والتوضيح

عندي الرادار في الجهاز من فتره بس كانت طريقتي

فتحت عن طريق موقع الرئاسة العامه للارصاد ومن ثم الذهاب إلى الرادارات

وبعد فتحها تقوم بحفظ الصفحه كعلامة مباشره وتسميها

وحين تفتح العلامات تجدها وبمجرد الضغط عليه تظهر صورة الرادار مباشره ..

كل الشكر على التوضيح أخي الفاضل

تقبل مروري

[Skyline]

مشكور ويعيطك الله العافية على الموضوع الرائع ،،
وهل هناك شي من هذا القبيل لمدن المنطقة الشرقية ، وأيضاً كيف تشغيل هذا الرادار هل جهاز الكمبيوتر ،،

وتقبل تحياتي

[ناصر البداح]

ما قصرت ويعطيك العافية

[مطارد المطر]

ألف شكــــــر مبدعنا أبو مــازن /..

طريقة راااائعة جدا /..

وممتازة جدا /..

دائما تتحفنا بجديدكـ /..


لكن انا اسوي طريقة ثانية وهي :


1- نفتح القوقل ونبحث عن ردار القصيم وإذا وجدنا نفتحه /..

2- نظغط على آآخـــر تحديث /..

3- إذا ظغطنا على آخــــر تحديث راح يطلب الجوال تحميل الصورة /..

4- نحمل الصورة ونفتحها بعد التحميل /..


:: وشــــــــــــكرا ::

[مالك إلاالصبر]

شرح رااائع وسهل جداً

بارك الله فيك أخي الفاضل

[راعي رامة]

كل الشكر والتقدير أخي مكشاتي عنيزة
وكذلك الشكر موصول للأستاذ القصيعة لقد تم التحميل بنجاح والتجربة جعل الله ذلك في موازين حسناتكم
أخوكم راعي رامة