موضوع خطير جدا بشأن الضبان؟؟!!

[EFI.4500]

السلام عليكم ورحمه الله وبركاته

اعزائي اعضاء مكشات

طلعنا حنا شباب بعطله نهايه الاسبوع بقصد صيد الضبان والحمد لله حصلنا مرادنا ...

المهم فيه بعض الضبان قبل صلخهن لاحظنا انهن مسريات{دود} خاصه منطقة الرقبه وقلنا اكيد ياكلن فطيس

عاد طبخنا كم ضب بس مادققنا واجد من ناحيت الدود تغدينا وقضينا ...

يوم رجعنا للديره سئل واحد منا احد عن الدود فقتال هذا مرض يسمى داء الكلاب وقد يسبب المرض الشين لاقدر الله وانا الحقيقه مااقتنعت بكلامه فقلت نسأل اصحاب الخبره من مكشاتنا الغالي؟؟

[سندهم]

والله أول مره أسمع بالدود

بس أنت هاته هو ودوده

[لقلق]

لم اسمع اي شي عن هذه النقطة

لكن توكل على الله ما هنا الا العافية ان شاء الله

[الخالدي11]

والله غرييييب


لاكن الله يستر

[أبوهيفاء]

والله انا مقد اكلت ضب
وكل شي جاز
حتى الرسول كره اكله
لان بعضه مسكون
والله اعلم

[أبو فهد ( 1 )]

بصراحة ما ودي أخوفك إن شاء الله ما فيه شي بس الاحتياط واجب ودي تجيبون ضب من هاذي يشوفها الدكتور ويسويلها تحليل ويعطيكم الدواء المناسب إن كان داء الكلب وهو ما يسمى الغلث الله يستر لأنهه ينتقل للإنسان بواسطة العض من الكلب أو الثعلب ويمكن تكون أياديكم مجروحه نصيحتي إذا لم يوجد معكم منهن شي مروا على الدكتور إحتياط ويفيدكم يمكن يكون العلاج بسيط قبل مرور أسبوع وأنا ما ودي أقول الكلام هذا بس احتياط.

[يحيي بن حمد]

ما تشوفون الا الخير ان شاء الله

[مخاوي الخوي]

السلام عليكم
مره رمية ضب وشفت على ضهر ورقبته علمات دائريه ويوم قصيت راسه لقيت دود لونه ابيض استغربت واضاهر والله العالم ان فيه احد راميه بي شوزل ولا صابته بس ضربات خفيفه وطبعا يموت اللحم الي مضروب ويدود

[EFI.4500]

بصراحة ما ودي أخوفك إن شاء الله ما فيه شي بس الاحتياط واجب ودي تجيبون ضب من هاذي يشوفها الدكتور ويسويلها تحليل ويعطيكم الدواء المناسب إن كان داء الكلب وهو ما يسمى الغلث الله يستر لأنهه ينتقل للإنسان بواسطة العض من الكلب أو الثعلب ويمكن تكون أياديكم مجروحه نصيحتي إذا لم يوجد معكم منهن شي مروا على الدكتور إحتياط ويفيدكم يمكن يكون العلاج بسيط قبل مرور أسبوع وأنا ما ودي أقول الكلام هذا بس احتياط.

شكرا لمروركم جميعا لاهنتوا

ابوفهد المنطقه الي صدنا به الضببه عاينا والله كم حصني
وسئلن واجد قال اذا به حصانيا فالاتقرب ضبانه وشكرا هتمامك لاعدمناك

[EFI.4500]

السلام عليكم
مره رمية ضب وشفت على ضهر ورقبته علمات دائريه ويوم قصيت راسه لقيت دود لونه ابيض استغربت واضاهر والله العالم ان فيه احد راميه بي شوزل ولا صابته بس ضربات خفيفه وطبعا يموت اللحم الي مضروب ويدود

نفسسسسسسسسس الحاله بالضبط بس مالاحظتهن مرميات

وشكرا مرورك اخوي يحيى جزاك الله خير

[متعب الفرسان]

اخوي Efi.4500 مشكور على الموضوع
انا قبل 4 سنوات صار معي نفس الشي ذبحنا يمكن 15 وخليناها في السيارة بدون ثلج من الصباح حتى العصر
ولما شيكنا عليها حصلناها مليانه دود ورمينها في الشعيب للي كنا فيه وما عاد صدنا بعدها شئ كرهناها من ها الدود

[الحيزبون]

اي ضب يكون فيه دود يكون مرمي ومصوب من قبل
ومعروف ان الضبان تتحمل الصواب
وهذا هو السبب والله اعلم

[صايد البرقا]

اقول مع احترامي لك ترى الناس ماهمها الا الهرج
وش مرض خبيث ومدري ويش
كل هذا هرج فاضي
من يوم عرفنا العلم
وصيد الضبان
من صحه العافيه
صد وصلخ وكبس
وبل عافيه
تحياتي

ملاحضه:
ترقبومقناص الصمان لضبان قريبآ ان الله اراد ان شاء الله تعالى

[EFI.4500]

اخوي Efi.4500 مشكور على الموضوع
انا قبل 4 سنوات صار معي نفس الشي ذبحنا يمكن 15 وخليناها في السيارة بدون ثلج من الصباح حتى العصر
ولما شيكنا عليها حصلناها مليانه دود ورمينها في الشعيب للي كنا فيه وما عاد صدنا بعدها شئ كرهناها من ها الدود

اخوي متعب والله اني كرهتهن عقب الدود شي يحوم التسبد الله يكرمكم

لاانشاءالله مهنا انقطاع تام عنهن

[EFI.4500]

اي ضب يكون فيه دود يكون مرمي ومصوب من قبل
ومعروف ان الضبان تتحمل الصواب
وهذا هو السبب والله اعلم

شكرا لهتمامك هذا االاحتمال الاكبر والله اعلم