حاله غريبة مالها علاج الا في المكشات

[د.المتفائل]

السلام عليكم ورحمة الله وبركاتة

يا اهل المكشات ابغى رايكم ومشورتكم

عند ناقة حايل وتشول في نفس الوقت ولا تلقح ابد
واذا وديناها للفحل ترفع راسها وترغي وتشول
ضربناها مرات عديدة قلنا يمكن تلقح
انظرنا عليها سنه وطلعت حايل
وجبنالها خبراء وصيادلة نظفوها لكن مافي نتيجة
وديناها لمستشفى الابل بالاحساء مرتين ولا فيه نتيجة
ولها على طريقتها هاذي اربع سنوات
وجابت من قبل ثلاث حيران

واذا احد عنده علاج نكون له من الشاكرين

[جزاء الشمري]

يمكن صايبتها عين الله يكفينا شر الحساد

[احسن قناص]

او يمكن زايد شحمها لأن الشحم يمنع اللقاح عند بعض البل

[د.المتفائل]

او يمكن زايد شحمها لأن الشحم يمنع اللقاح عند بعض البل

طيب وش اعطيها عشان تنحف

جزاك الله خير

[الحاتمي1]

السلام عليكم ورحمة الله وبركاته

اخوي الغالي
اول شي الناقه لا تكون بدين يعني لا يكون شحمها زايد وسمين

ثاني شي الناقه اذا عرضتها على الجمل وقامت ترغي حتى لو تشاول هذي حايل وليس معشره

العلاق: تحتاج لعملية نسميها بالشمال ( دس ) اي تعرضها على خبير في البل ويدس عليها يمكن يكون فيها ( ذيخه) في محياها ( الذيخه هي زوايد كأنها ثالول تكون في محيا الناقه تقتل الحيوانات المنويه ) يتم تقطيعها ويتم فرك مكانها بملح ورماد ( مله)
وبعد هالعمليه ب6 ساعات يتم عرضها للفحل0

وان لم يتم عشار فخذ الطريقه الثانيه:

حاول انك تركض الناقه الين ما تزبد كثير وعلى طول اعرضها للفحل0
اي حاول تطرد الناقه بالسياره وتخوفها وتخليها تتعب وتشوف الزبد يخرج من فمها ويكون الجمل جاهز للضراب واعرضها بنفس اللحظه وهي تعبانه وخايفه وانشالله تعشر على طول0

او حاول تكثر الضراب يعني شبه يومي مرتين او اكثر وانشالله يتم العشار

او استعين باهل الابل القداما
ليقوم بعملية وضع تمر وملح داخل رحم الناقه وهذا علاج الجرب الرحم
وليس الجرب المعروف الي يصاب بجلد الناقه0


جرب احد الخطوات وانشالله يحصل عشار0

والحق لان وقت الضراب باخره
وانا ما انصحك تضرب بهالوقت اجلها لبعد رمضان على طول (الصفري) افضل


والتوفيق للجميع

[جبل راف]

افحص فم الناقة تلقى مثل الثالول ويحتاج خبير يطلعه

[يحيي بن حمد]

تحتاج من يقطع عنها الحيا

وجرب تشربها خل التفاح علشان المبايض تهيج

او افرك حياها بملح خشن يكون شكله مثل شكل الذكر(جوا الين ينظف الحيا)

[د.المتفائل]

مشكورين يالربع

ويعطيكم العافيه

[راجي الكريم]

فيه دكتور جيد في علاج مثل هذه الحالات اسمه الدكتور محيي بالدرعية ورقم جواله/0509177032
هذا إن كانت الناقة تستاهل والا ترى السوق افضل حل لها

[د.المتفائل]

فيه دكتور جيد في علاج مثل هذه الحالات اسمه الدكتور محيي بالدرعية ورقم جواله/0509177032
هذا إن كانت الناقة تستاهل والا ترى السوق افضل حل لها

رايك سديد السوق افضل حل
لأني جدا مليت منها
وشكرا لك

[dheem]

وش لونها يالمتفائل

[محمدالمانع]

إن كانت طيبة حاول تمنع عنها الشعير حتى يخف الشحم

[د.المتفائل]

لونها مجهم

[الهواوي 98]

الحاتمي اناشهد انك اكفيت و وفيت

لكن ماتصبر على الناقه كودها تيسر

[صقر الحراملة]

قد يكون في رحمها ثآليل أو ما يسمى عندنا بالعامية ( صيد ) و هو يشبه ما ذكره الأخ الحاتمي 1 و سماه (العلاق) و علاجه مثل ما ذكره

و الله يعطيك من خيرها