لقيت دبة 1 رطل..وش رايكم فيها؟؟

[ابو نجود]

لقيت دبة غاز 1 رطل قديمة مكتوب عليها سيفرت -السويد!! ولم اجد اسم بريموس عليها او مكان الصنع..فما رأيكم فيها؟؟؟


اسف جدا..حملت الصورة خطأ..سأحمل الصورة الآن..

[ابو نجود]

[أبو براك]

هاذي دبة بريموس اذا ماني غلطان

والمفروض تجي نفس الحلقه على راس الدبه من فوق بس شكلها منزوعه الحلقه او طايحه

وايضا اسم البلد المصنعه مكتوب على جانب قاعدة الدبه من الاسفل

بس شكلها ممسوحه من كثر الاستعمال

واعتقد قاعدتها بارزة ومختلفه وليست نفس دبات الغاز ذات الخمسه رطل

والله اعلم

[ابوفهيدان]

توكل علي الله بريموس ماعليها كلام
بريموس وسيفرت كلهم من مصنع واحد
بس سيفرت مختصة بتصنيع كل مايتعلق بادوات اللحام من وصلات ومسدسات ومشاعل ومفاتيح
وبريموس مختصة بدبات الغاز والعلب وكل مايتعلق بالطبخ

[سرهيد]

السلام عليكم

هذي طال عمرك الهندية

وهذي صور توضح الأمر







تقبل احترامي

اخوك

ابو عبدالله

[فهدالغيهب]

سيفرت هي شركة منبثقة من شركة بريموس كانتا شركتان وانضمت لبريموس فصارت سفرت وبريموس شركة واحدة.

لكن _ والله اعلم _ إنها هندية لأنها مثل اللي عند بادحمان وأما السويدية فالاستكر اللي عليها برتقالي.

ماشاء الله
الله يبارك لك فيها
بس ماقلت لنا وأنا أخوك من وين شريتها، وبكم سعرها

[فهدالغيهب]

اسف ماشفت ردك يا أبو عبدالله
لأنه إذا جاء الماء بطل التيمم

[ابو نجود]

الاخ جمبازي..مثل ماقلتوا..صارت بريموس هندية والبركة بابو عبد الله اللي جاب لنا الصور..وما ادري وش تقصد بالحلقة؟؟؟ وجزاك الله خير لمرورك ومشاركتك.
ابو فهيدان.. معلومات قيمة ومفيدة عن شركة سيفرت ..ومشكور وجزاك الله خير لمرورك ومشاركتك..
ابو عبد الله..ماقصرت كعادتك جبت العلم الاكيد بالاثبات..
ولي سؤال يابو عبد الله..لاحظت فيها تهريب بسيط جدا وعندما ضغطت الابرة للتنسيم لها راح التهريب!! فهل هذا طبيعي؟؟
وجزاك الله خير لمرورك ومشاركتك.
الاخ فهد الغيهب..الله يبارك فيك ويرزقك من حيث لاتحتسب..
والدبة طال عمرك وصلتني بطريقة خاصة من احد الاقارب وقد استغنى عنها..
وجزاك الله خير لمرورك ومشاركتك..

[سرهيد]

ولي سؤال يابو عبد الله..لاحظت فيها تهريب بسيط جدا وعندما ضغطت الابرة للتنسيم لها راح التهريب!! فهل هذا طبيعي؟؟
وجزاك الله خير لمرورك ومشاركتك.
..

المفترض انه غير طبيعي

لكن للآسف في المنتجات الهندية اصبح طبيعي

امرها سهل جدا وما يتعدى خمسة ريالات

فقط تغير ابره الدبة

وتلقاها عند حقين محلات لوازم البر مثل برق الحياء والبرية وكذلك سوق الزل عند محلات الغاز

لا تشتري الا الايطالي

البريموس لك عليه ويعود يهرب للآسف ، لا وسعره بعد بـ 10 ريال قيمة ثنتين من الايطالي

تقبل احترامي

[سرهيد]

اسف ماشفت ردك يا أبو عبدالله
لأنه إذا جاء الماء بطل التيمم

وش دعوى اخوي فهد

ابدا كل انسان لديه معلومات افضل من غيري

ولا زلت اتعلم منكم اخي الكريم

وشكرا لتواضعك اخي الكريم

تقبل احترامي

[ابو نجود]

جزاك الله خير يابو عبد الله..وارجو ان تشرح لي طريقة تغيير الابرة اذا ما عليك كلافة..
تصدق لقيت الابرة عندنا ب15 ريال!!

[راعي الصطحه]

شكرا على الموضوووووع ونتظر القادم

وتقبل تحياتي