المكيف الصحراوي مشاكل وحلول وخبرات

[NOYEB]

ميزة الصحرواي توفير كهرباء وهواء طيب ...ولكن بالمقابل يحتاج الى صيانة باستمرار

اشكرك اخي لاتكب البياله على الموضوع الهادف

[صلهامه]

بعد معاناة اربع سنوات مع مكيف الجزيره حجم حصان تم لطس فتحة المكيف بأربع بلكات وتم تلييص الجدار وذهب الى غير رجعه

وش اسوى ابى ارتاح غربلنا يا غبار والا متسدد ملح والا خربان

[لاتكب البيالة]

وعليكم السلام ورحمة الله وبركاته
اشكرك اخي على طرح هذا الموضوع لانه فعلا مشكلة هذي الايام
في اختراع قديم وجدته بعد الكثير من العناء في البحث في صفحات المواقع وهو عبارة عن ماصورة تركب في الطرمبة او الغطاس ويشبك بها اللي الي يوزع الماء على القش وتزيل جميع الاملاح باذن الله عن طريق المغناطيس اتصلت بصاحب المنتج وكان الكلام في نهاية الصيف الماضي وقالي ان الماصورة سعرها 250 ريال ولك اربع اشهر اذامنفعت لك رجعها وخذ فلوسك وعليها ظمان عشر سنوات قلت صعبة اركبها وانا في نهية الصسف ونويت اركبها في بداية هذا الصيف واتصلت على الرجل وقالي ان سعرها صار ب 300 ريال والسبب في الزيادة غلاء المواد المكونة في هذا المنتج وباذن الله راح اشتريها اليومين القادمة عسى الله ان ينفع بها ونرتاح من مشاكل الصحراوي

حياك الله اخوي ناجز
الاختراع اللي ذكرته سمعت عنه قبل فترة وفكرته عجيبة واذا كان يقطع الملح نهائيا فليس بغالي اتمنى تفيدنا عنه عقب التجربه

[لاتكب البيالة]

عـندنا مكيف صحراوي مركبين فية مروحة الصراحه خيال

اول شي تحكم بقوة الهوى يعني تقصر باليل وتزود بالنهار



واهم شي عندي الهدوء هادي نوعا ما من المكيف العادي

مركبين له غطاس بحاول انزل له صور اذا لقيت شاحن الكام حقي < الشغاله مضيعته وقيمته حول الاربع مية < من القهر طلع برى الموضوع


وشمت يحطون صابونه حقت يدين بالحوض ع شان ما يلحة او ينفك الملح بسرعه

والله المروحة منتازة لكن مثل ماذكرو الشباب للمكيفات الصغيرة
اشكر اضافك ولك كل الشكر

ميزة الصحرواي توفير كهرباء وهواء طيب ...ولكن بالمقابل يحتاج الى صيانة باستمرار

اشكرك اخي لاتكب البياله على الموضوع الهادف

حياك الله اخوي
كلامك بمحلة لكن الصيانة اعتقد مرة بالسنة كافية لك كل الشكر

بعد معاناة اربع سنوات مع مكيف الجزيره حجم حصان تم لطس فتحة المكيف بأربع بلكات وتم تلييص الجدار وذهب الى غير رجعه

وش اسوى ابى ارتاح غربلنا يا غبار والا متسدد ملح والا خربان

حياك الله يالغالي
لطست الجدار مرة وحدة
انا معك ان المكيف متعب احياننا لكن ممتاز ويستاهل ولا ينفع بجونا الا هو
ومن ناحية خربان وتسدد انا في بيت جدتي مكيف قييييييييييييم مرة ومصدي والبيبان متآكلة من الملح والصدى حتى اذا لمسته من برى ينفضك ويمكن ما غيرو له القش من 10 سنين لكن صراحة ما كد شفت زي براده ولا له صوت ابدا يعني الدعوة احياننا توافيق

[مدمن الشات]

أعزائي الأعضاء الصحراوي
يجيب الروماتيزم

[ضاري كنعان]

مــتــابــع

[ضاري كنعان]

اذا تبي البراد ركب برادة قريبة من المكيف وخل المكيف يسحب الماء منها !!

بالنسبة للملح فيه حركة مسويها واحد اسمه ( ابو ميسم ) << بامكانك ان تبحث بقوقل عنه .. نرجع لموضوعنا الطريقة هي انك تركب طرمبة ماء اضافية و يكون الهدف منها هو اخراج الماء من المكيف طبعا بيكون تشغيله بمفتاح خارجي حسب ما تبي << يعني ما تشتغل دايم و يضيع الماء

[سرا]

السلام عليكم فيه احد الاصدقاء عنده مكيف صحراوي وماشاالله يبرد ويقول اذاتبغى الصحراوي يبرد اهم شي يكون في ضلال طول النهاروالصيانه السنويه واذاكان في الشمس تقوم وتحط فوق ظهرالمكيف لوح عازل حراري وتثبته لاتطيره الهبايب وامااجنابه الثلاث فتشتري سفنج خفيف مثل سفنج مكيف الفريون القديم ويوجدفي المكتبات كون الطالبات يعملن به اعمال وتلف السفنج على الاجناب وتثبتها جيدبسلاقون اواسلاك حديدرفيعه وهذه تمنع دخول الاتربه الى المكيف ومن ثم الى البيت واهم شي تخفف حراره الهواء المسحوب من خلال الابواب ويدخل الى البيت وهواكثربروده وتحياتي للجميع

[إلياس المطلق]

]السلام عليكم فية طريقة مضمونة[/size]
ركب اسفل المكيف مبخروخارج المكيف مكثف وكنبرسروترمستات بمعناتبريدمويةالمكيف وخذتبريدممتازوهذا ليغنى عن تغيير مأالمكيف بينا فترة واخرا

ممكن الشرح بالتفصيل مع الصور ,,
وشكرا لك

[اسهيل]

اخوتي الله يرحم ايام المكيف الصحراوي التنك كان يبرد مره وثلج حتى الابواب تنك يعني على كيف كيفك اما احين فكله صار الامنيوم مايبرد مره بس فيه ميزه مايصدي مثل التنك ايضاء ودي اسال هلا يركب بيبان التنك على الموديلات الجديدة
ايضا احب القول ان افضل شي هو الامريكي العيسى ايضا ترى الغظاس مقاسات يعني لا تاخذ كبير للصغيره
وشكرا

[عبد السلام ضيف الله الشلاش]

بسم الله الرحمن الرحيم
السلام عليكم ورحمة الله وبركاته

تحية لكم جميعاً
عندي لكم طريقة ممتازة تمنع نمو الطحلب داخل اللي الموصل بين مصدر الماء والمكيف , وتعرفون ان الطحلب ممكن يسد اللي او يعلق بالعوامة وهذه الطريقة سهله .

نأخذ اللي ونسحب فيه بنزين من السيارة , حتى يمتلى كله بالبنزين , ونترك البنزين داخل اللي لمدة خمس دقائق , ثم نتخلص من البنزين ونركب اللي في مكانه .

انا الآن عندي لم يطلحب منذ 3 سنوات , وهي طريقة ناجحة ميه بالميه , ولا اريد منكم الا الدعاء .
ومع هذه الطريقة تريح وتستريح

وهذه الطريقة توصلت اليها بالملاحظة , قبل حوالي 4 سنوات حيث ازدت طول اللي بقطعة طولها مترين , ولاحظت فيما بعد ان اللي كله مطحلب الا هذه القطعة التي ازدتها , فتوقعت ذلك من البنزين , ثم طبقت الملاحظة ونجحت 100 % .

بالنسبة لمانع تكون الأملاح انا مرة شفت بالرياض في دكاكين البطحاء يبيعون مادة توضع بالماء , وتمنع تكون الأملاح وهذا الكلام قبل 15 سنه لكنني لم اجربها ولا ادري توجد الآن او لا .

عكرش الثالث

[عوق الخريش]

يعطيك العافية أخوي الغالي على الموضوع المميز...لآهنتــــ
تحياتي لكـــ,,,,,

[eameh]

بالنسبة لمانع تكون الأملاح انا مرة شفت بالرياض في دكاكين البطحاء يبيعون مادة توضع بالماء , وتمنع تكون الأملاح وهذا الكلام قبل 15 سنه لكنني لم اجربها ولا ادري توجد الآن او لا .

عكرش الثالث

بالنسبه للماده هذي انا سبق وان جربتها اكتشفت بعد مده انها تمنع الملح من المويه لاكن يلزق في بقية الاجزاء مثل البيبان والسقف حتى الدينو وصله الملح يوزع الملح بشكل غريب بس تبهذلت في ازالته من بقيه الاجزاء وقشر علي البويه لان الملح صار يابس وصرت اكسره من الاجزاء اللي كان ثابت فيها .. ولا انصح باستخدامها

[ابو انفال]

بعد معاناة اربع سنوات مع مكيف الجزيره حجم حصان تم لطس فتحة المكيف بأربع بلكات وتم تلييص الجدار وذهب الى غير رجعه

وش اسوى ابى ارتاح غربلنا يا غبار والا متسدد ملح والا خربان

ههههههههههه
اضحك الله سنك وعينك اخوي صلهامه

أعزائي الأعضاء الصحراوي
يجيب الروماتيزم

ممكن دليل او تفسير علمي وطبي يوضح العلاقه بين الروماتيزم والمكيف الصحراوي
****

الي ما يبغى الصدا يركب المكيف الصحراوي الي يجي فيبر وينسى الصدا واهم نقطه في المكيف الصحراوي يبي ضلال علشان يبرد اذا كان معرض للشمس 24 ساعه ما منه فايده

[ضاري كنعان]

واهم نقطه في المكيف الصحراوي يبي ضلال علشان يبرد اذا كان معرض للشمس 24 ساعه ما منه فايده

نعم هذي السنة ركبنا مظلة و تغير الوضع للأفضل بكثيييير خصوصا الظهر