صدّق أو لاتصدق باستطاعتك تعديل صورتك على النت

[الجيب الربع]

صدّق أو لاتصدق باستطاعتك تعديل صورتك على النت
السلام عليكم
أحيانا الواحد يكون على جهاز في مقهى انترنت وعنده صورة يبغى يعدلها عشان يرسلها لأحد مثلا

أو يكون على جهاز واحد صاحبه ومستحي ينزل برامج تصميم عشان يعدل صورته

أو يكون في مكان بعيد كأن يكون مسافر مثلا او خلافه

المهم في موقع يوفر لك ويسوي لك اللي تبغى

من تعديل في الصورة وتغيير حجمها وعمل اضافات عليها

وزيادة اللون أو درجة البياض او اضافة بروايز أو كتابة نصوص على الصورة إلخ ...

واحلى شي انه بعد أن تنتهي من تصميم صورتك وتسوي لها حفظ يسوي لك رابط لنفس الصورة بحيث يكون ارسالها في منتهى السهولة

وهذا الموقع أقدمه هدية لكل من لايعرفه وهو مفيد جدا جدا جدا



خلونا نبدأ الشرح مع ان كل شي سهل

أو لاتروح للموقع التالي:

http://www.myimager.com/

وبعدين تجيك واجهة


ماعليك الا انك تضغط على الواجهه

بعدين تجيك واجهة أخرى عشان تستعرض صورتك سواء كانت على جهازك أو على قرص فلوبي أو على موقع انترنت





بعد ماتضغط على Upload

راح تجيك الصفحة اللي فيها خيارات تعديل الصورة وعمل الاضافات



بعد ماتنتهي من عمل كل شيء تبغاه على الصورة

تروح لملف وتختار (( حفظ ))


وبعد ماتسوي حفظ للصورة بيطلع لك رابط يحمل عنوان الصورة وانت احفظ الرابط بالطريقة اللي تعجبك

وارسله للي تبغى ترسلها له مثلا (( لاتنسى ان يكون اسم الصورة بالانجليزي حتى يتم تحميلها بالشكل الصحيح ))


خالص تقديري للجميع

[blink]منقول[/blink]

[ريع الدياب]

بسم الله الرحمن الرحيم
السلام عليكم ورحمة الله وبركاته

الغالى الجيب الربع

شكرا يا وجه الخير ... تم حفظ الموقع فى المفضلات

ولكن كيف أتذكر الرابط اذا كنت أستخدم كمبيوتر صديق مثلا؟؟؟

[Khalid AlGhamdi]

وعليكم السلام ورحمة الله وبركاته

جزاك الله خيرا على الموقع الرهيب

اخوي ريع الدياب ، سو رسالة فيها مواقعك المفضلة وارسلها لبريدك وخلها محفوظة هناك اذا بغيتها باي وقت تدخل تشوفها من اي جهاز

[ابو شكاع]

السلام عليكم

مشكووووووووور وما قصرت

تراي للحين ما دخلت الموقع بس عاد بي زلاقة وودي ارد على اخوي ريع الدياب وافيده

عن اذنك يالجيب الربع

اخيي ريع الدياب

اول شي اقوول يالله انك تصبحه بالخير

ثانيا الله يحفظك .............. اذا كنت تقصد انك حفظته في جهاز صديقك وبعد فترة تبي تستخدم جهازك ... وتبي الموقع

على هذا اقول لك جب لك فلوبي ............. همن رح للمفضلة لنفس الرابط ...همن ارعص على الزر الإيمن للفارة

تبي تنسدل لك قائمة ....اختر منها ارسال الى

همن اختر ارسال الى قرص مرن 3.5 A

بهالحالة تقدر تاخذ الفلوبي وتحطه في اي جهاز كمبيوتر وتفتح ال (A)

وبعدها تضغط على الرابط ويفتح لك الموقع ....همن حطه في المفضلة

اتمنى اني اكون افدتك ........

واذا كان شرحي مع جهه وطلبك مع جهه ثانية تكفى اكتب هالحرفين ( ب ’ ل ) يعني بلا لقافة يابو شكاع

وشكرا لكم جميعا

[ابو شكاع]

توي اشوف رد أخوي MaxPower

صح

حل معقول وجميل

تسلم

[الجيب الربع]

ريع الدياب

أبو شكاع

ماكس بوير


شكرا على مروركم
اتمنى أن يكون البرنامج مفيد


تحياتي للجميع

[ريع الدياب]

بسم الله الرحمن الرحيم
السلام عليكم ورحمة الله وبركاته

الأخوان الأعزاء ... الجيب الربع ... MaxPower ... ابو شكاع

متأسف على الغياب ... وشكرا للجيب الربع مرة ثانية على ادراج الموضوع المفيد

وشكرا MaxPower وابو شكاع على تفضلهم بالاهتمام بسؤالى والاجابة عليه

أنا عندى كمبيوتر محمول ودائما اشيله معى فى السفر .... ولكن قصدى من السؤال هو

اذا اضطريت لاستعمال كمبيوتر صديق مثلا أو كنت فى مقهى انترنت واحتجت لاستعمال

هذا البرنامج ..... ولم يكن سؤال تعجيزى أو أى شيء من هذا القبيل

أعتقد فكرة MaxPower صائبة وسهلة التنفيذ ... أما فكرة ابو شكاع فهى أيضا معقولة

ولكنها غير عملية (حمل فلوبى فى مخباك لا تدرى متى تحتاجه)

حاشى لله أن أكتب لك ( ب ’ ل ) يا أبو شكاع يا غالى ... بل كل الشكر والتقدير على الاهتمام

[الجيب الربع]

أخي ريع الدياب

حياك الله بعد الغيبه في بيتك

بالنسبة للحل الآن فبأمكان الإخ أبو شكاع أن يشترى من وحدات التخزين الصغيرة 128 ميجا ويحمل عليها كل اللي في باله وكل ماتحتاجها وصلها بأي كمبيوتر واستمتع بالمفضله كلها لو حملتها عليها

تحياتي