اشـــهــر مـــحـــلات بـــيع الــــكــاميرات فـــي الـــمــمـــلـــكــة

[ابو صاالح]

بسم الله الرحمن الرحيم

اتمنى من الجميع (( ولا اجد صعوبه في ذلك )) ان يضع كل واحد منكم ،، المحلات اللي تتبع منطقته ،، ون حصل وصف المحل ما يمنع او حط ارقام تليفونات ،، لكي يسهل على اخوانه بالمنتدى عملية البحث والشراء ،، جزاكم الله خير .

ننتظر مشاركاتكم
-----------------------
ابدا أنا
القصيم اعرف كم محل ولو اني ما ادل زين ،، يفيدوننا اهل بريده ولا اي واحد يدل
1- اكسترا (( قريب من السنيدي ))
2- جرير (( ما اعرف الوصف ))
3- العيسائي وكيل سامسونج (( غير متأكد اخذته من موقعهم ))
4- سمعت ان وكيل نيكون بيفتح (( ما عندي علم ))
---------
ارجو التعقيب والتوضيح

[العرّاب]

في الرياض : محلات الحارثي في البطحاء داخل عمائر الراجحي .
اطلق محل علا مستوى الخليج في رايي الشخصي

[صلهامه]

هلا ومرحبا

والله يا غالى عقب ما جيتهم وشفت اللى عندهم دريت ان ما بالخرج احد
فعلا ما يجيهم الا واحد مضطر ولا له حيلة

فرق السعر بينهم وبين المحلات الالكترونيه مثل امازون وEBAY اكثر من الف ريال مع ميزات اكثر
مثال كميرة نيكون P90 ( الزوم البصرى 24 و 12 ميغا بيكسل عند العبدالواحد 2000 ولا معاها ولا شي واشتريتها من امازون بـ 1300 مع اشياء كثيره ومجانا ومن بينها بطارية اضافيه وشنطة زياده )
الصراحه ما فيه فرق

[northstar46]

الحارثي ممتاز بالبيع ولكن بدون ضمان وان اعطاك ضمان فما له أي قيمة والصيانة عندهم سيئة جدا جدا جدا بعد التجربة كذلك خدمات ما بعد البيع عموما يني تحمل زيادة سعر الوكيل احسن لك واللي يبي يتأكد بس يشوف دفتر الصيانه عندهم ( دفتر ابو اربعين ويبخل لا يفتح لك صفحة جديدة يشخط ويكتب بيانتك ونكلمك بعد اسبوعين والاسبوع يجر اسبوع ) فأنتبهوا هذا الموضوع وفكروا بالصيانة حنى لا تندم على الساعة اللي شفت الحارثي فيها وتكره الكاميرات والتصوير كله

[ابو صاالح]

يا جماعة الخير هدو اللعب ،،،، الدعوه ماهيب تعصب ،، الدعوه نبي عناوين وين اهل جده وين اهل الشرقيه وين اهل الرياض يذكرون باقي المحلاات ،،، وذا الواحد ارتاح لمحل يمدحه بس لا يذم غيره ،، اتمنى منكم وضع اسماء المحلات وعناوينه ،، 100 زائر ولا رد ؟؟؟؟؟؟؟؟؟؟

[الشقردي 12]

محل اسمه ( شمسان ) بعقارية العليا متخصص كاميرات أولوميبس وللأسف ما عندي له رقم

اكسترا وفروعها ـ الكتروا وفروعها ـ جرير وفروعها ـ أحمد عبدالواحد بالبطحاء بعماير الراجحي ـ سوني وفروعها ـ بست وفروعها ـ كلها تجد عندها كاميرات سواء احترافية وغيرها وتفرق الأسعار أحيانا يكون الفرق مو بسيط واللي عنده قدره الشراء عن طريق النت عن طريق موقع الأمازون يكون أفضل وأرخص ومعه عروض كثيرة مجانية مثل بطارية إضافية مع شاحنها أو منضفات للكاميرا أو فلاتر .

أتمنى أن يكون في ردي الفائدة للجميع

[سحابة ليل]

فيه محل اسمه cam4sell بحي صلاح الدين

وناوي ازوره عن قريب ان شاء الله

ولديه انواع مختلفة من الكاميرات والعدسات الاحترافية والمعروضة على موقعهم

http://www.cam4sell.com/index.html

تحياتي

[رفيق ذو الرمه]

الافضل في مجال التصوير ، الشراء من الوكلاء و ليس من الدكاكين العادية .
اشهر شركات التصوير اليابانية هي:
Nikon: و وكليها شركة احمد عبدالواحد و هم في معرض (الكترو).
Canon: و وكيلها القريشي و لهم معرض صغير في شارع العلية العام بعد وزارة الداخلية باتجاه الشمال .
العناوين المذكورة اعلاه تخص الرياص .

[ريحه المطر]

القصيم -بريدة
1- اكسترا (( قريب من السنيدي ))في حي انقع
2- جرير (( مقابل مستشفى الولاده ))

[ناصر 980]

1:- العيسائي وكيل سامسونج (( في أخبيب ))

[ابو صاالح]

شكرا لكم ولي رجعه وتعليق

[ابو صاالح]

الشقردي ،، شكراااااااااااا لك ،، بس اذا شريت من برى عن طريق امازون فيه مشكلتين 1- ما فيه ضمان 2- كلها لغه انجليزيه لمن يرغب بشراء شبه احترافيه وشكرا لك
-------------------
سحابة ليل ،، حياك الله وكام فور سل فيه اسعار خياليه ومنافسه لكل المحلات اللي بالمملكة ،، ما تصدق ،، اضرب لك مثال كاميرا شبه احترافيه باناسونك لقيته عنده بــ 1400 ،، وعند الحارثي بــ 1650 وعند الوكيل بــ 2100 شف الفرق بين المحلات بالأسعار ؟؟؟؟؟؟
---------------------
رفيق ذو الرمه ،، حياك الله وكلامك على العين وعلى الراس ،، لكن اذا الفرق بالسعر خيالي والبضاعه وحده ،، اشتري من المحل الارخص شكرا لك
---------------------
ريحة المطر
الف شكر لك ،، طيب مافيه العيسائي وعبدالواحد في القصيم ؟؟؟
----------------------
ناصر // الف شكرررررر لك على التوضيح
---------------------
يا جماعة الخير وش التفاوت بالأسعار الصراحه شيء يحير ؟؟؟؟

[ابو صاالح]

ننتظر اضافة المحلات والعناوين

[الـزلـفـاوي]

السلام عليكم ورحمة الله وبركاته

اول اشكرك اخي الكريم على طرح الموضوع ... مع انه طلع عن هدفه

من حكم تجربتي المتواضعه بالتصوير والمحلات اللي (( بالرياض ))

- اشتري الكاميرا والعدسات الاصلية من الوكيل عبدالواحد وله فروع بالرياض واللي اتعامل معها هي .
فرع البطحاء رقم جوال المسؤول 0559697264 اسمه بشير

فرع العقارية العليا اسم محلهم الاسواق الحديثه بس تابعه لعبدالواحد رقم جوال المسؤول 0507004296 اسمه عبدالحكيم

- بالنسبة لعدة التصوير من فلاشات وعدسات وعواكس وشنط وغيره من اكسسورات ..
محل الحارثي بالطحاء جوال رقم الجوال 0508999754 رقم المحل 014128239 اسمه ابوشمسان

محل النهدي بالطحاء ( احتمال ينقل للعقارية بالعليا ) لتجهيز الاستديو رقم الجوال 0500816912 رقم المحل 014143007 اسمه عبدالرحيم

======

واللي يقول ان موقع امازون ارخص ... هو صحيح رخيص بس لوحسبت مصاريف الشحن

راح تطلع عليك نفس التكلفة اللي هنا ... يعني خذها من هنا مضمونه احسلك ... كللن وهوااااه


اخوكم / راكان

[northstar46]

[quote=الـزلـفـاوي;2763702]

- بالنسبة لعدة التصوير من فلاشات وعدسات وعواكس وشنط وغيره من اكسسورات ..
محل الحارثي بالطحاء جوال رقم الجوال 0508999754 رقم المحل 014128239 اسمه ابوشمسان

محل النهدي بالطحاء ( احتمال ينقل للعقارية بالعليا ) لتجهيز الاستديو رقم الجوال 0500816912 رقم المحل 014143007 اسمه عبدالرحيم

======

الحذر الحذر من شلة ابو شمسان ترى صيانه مافيه واذا نوى يتفضل عليك بالصيانه وطلع الدفتر ابو اربعين وقال تعال عقب اسبوع او حنى نتصل فإنس الموضوع وعد شهور فلا تاخذ منه شي الا اذا كنت ناوي ترميه لا خرب