مشكلة تأخر لمبة الزيت

[الأسير]

السلام عليكم ورحمة الله وبركاته

عندي لمبة الزيت بالسيارة تتأخر بعد التشغيل يعني تبقى اللمبة مولعة بعد التشغيل و بعدين تطفي

بالسابق تطفي المية بمجرد دوران المحرك

استخدم سيفون اصلي و اشتريه من الوكاله ما عمري خذيته من البناشر و استخدم زيت نيسان سوبر قولد

تغيير الزيت يتم كل 2500 كم

السيارة
ددسن 2003 كربريتر

وش الحل

[هكر نت]

السلام عليكم ورحمة الله وبركاته

عندي لمبة الزيت بالسيارة تتأخر بعد التشغيل يعني تبقى اللمبة مولعة بعد التشغيل و بعدين تطفي

بالسابق تطفي المية بمجرد دوران المحرك

استخدم سيفون اصلي و اشتريه من الوكاله ما عمري خذيته من البناشر و استخدم زيت نيسان سوبر قولد

تغيير الزيت يتم كل 2500 كم

السيارة
ددسن 2003 كربريتر

وش الحل

اخوي الأسير فيه احتمالين :

الأول : اذا كانت اللمبة والعة ومافيه صوت بالمكينة فهذا والله اعلم سلك الحساس حق الزيت وموجود بالاسواق وقيمتة رخيصة وتركيبة سهل بس خل كهربائي فهمان يفحصة لك .

الثاني : اذا كانت المبة والعة وتسمع صوت بالمكينة (( طقطقة بلوف )) فهذا يعني طرمبة الزيت عندك خربانة ماتسحب بشكل جيد وهي تجي بصدر المكينة وتصليحها يكلف من 200 ريال الى 400 بس لازم تفك الحوسة الي قدام كلها ابتداءً من الراديتر حتى تصل المكينة ولازم تصلحة بسرعة قبل تعظ المكينة معك وعلى العموم هذي عيب في سيارات النيسان الجديدة وقد يجهلها البعض وهو طرمبة الزيت وخصوصاً بالدداسن 2005 وانا كلمت الوكيل بتبوك عن نفس الخراب هذا واعترف لي انه خطأ مصنعي وقال اصلحة لك مجاناً مع العلم بأني كنت متعدي فترة الضمان

ملاحظة بالنسبة لنوع الزيت : افضل زيت للسيارات اليابانية الترا 7 وغيرة لاتحط وللسيارات الأمريكية زيت سوبر بترومين (( الذهبي )) غيرهن لاتستخدم

وشكراً

[الأسير]

اخوي هكر نت

مسالك الله بالخير

اشكرك على تعاونك

اللمبة والعة ومافيه صوت بالمكينة

يعني برايك ان الشغله سهله باذن الله

[هكر نت]

اذا اللمبة والعة ومافيه صوت الله اعلم انه الحساس بس مثل ماقلت لك شف لك كهربائي فهمان واي خدمة انا حاضر

وبالنسبة لطرمبة الزيت ترى العيب طلع مع ماكينة البخاخ يعني مع موديل 2004 وفوق وبالنسبة للكبريتر مافيها العيب هذا ..

وشكرا

[قطب 999]

ملاحظة بالنسبة لنوع الزيت : افضل زيت للسيارات اليابانية الترا 7 وغيرة لاتحط وللسيارات الأمريكية زيت سوبر بترومين (( الذهبي )) غيرهن لاتستخدم

وشكراً

لقد حجرت واسعا

[الأسير]

رحت اليوم للصناعيه و فحصوا حساس الزيت و قالوا ما فيه مشاكل

قلت خلن اغير الحساس و غيرته بواحد اصلي

و نفس المشكله الى الان موجودة

[الأسير]

للرفع...................................

[الحايلي 1119]

انا معي ددسن 2000 كبليتر
اذا شغلتها تولع لمبت الزيت وتجلس يمكن5 او 6 ثواني وتروح

هل فيه مشكله بسيارتي افيدوني

[الأسير]

بنتظاااااااااااااااااار الا خوان

[الأسير]

Up................................................ ..............................

[باثفاندر 2005]

ما عمره طلع لك صوت طقطقه بالمكينه أبدا ؟
مهب شرط يستمر الصوت ممكن يطلع ويروح ..

إذا كان طلع لك فطرمبة الزيت ضعيفه تحتاج تغيير ..

[الأسير]

باثفايندر

شكرا لك اخي الكريم على تواجدك


الصوت انا متأكد 100 % ما فيه صوت بالمكينه


طيب كيف اقدر افحص طرمبة الزيت قبل اتوهق و افك المكينه

[خشمً طيب]

اخوي انا صارت معي في سيارة قديمة و ما اهتميت بالموضوع و خبطت علي الموتر و بعد الفك صارة المشكلة من شخال الزيت

و صارت مع واحد من الشباب في gXr 2003 و للاسف خبط عليه و اعتقد انه قاللي المشكلة في طرمبة الزيت

اهم شي لا تمشي على السيارة حتى تاكد من العطل و الاحتمال الاكبر انه من طرمبة الزيت و تركها يؤدي للتخبيط هذا والله اعلم

[الأسير]

خشمً طيب


شخال الزيت وين مكانه بالضبط من السيارة و كم يكلف علي ؟

[عقاب11]

السلام عليكم
انا مغير طرمبة الزيت قبل سبوع من الوكالة ب145
والتركيب 50 وتجي تحت اربع مسامير فقط وسهل تركيبها
بس يصعب على الى ماهو مكانيكي للحاجة لوزن التوقت
السيارة ددسن 99 واضن المكينه واحدة
وشخال الزيت يجي بالكرتير ولاله دخل الى منع برادة الحديد