15 نوفمبر 2015 - 16:514 نوفمبر 2015 - 21:27 منتديات مكشات


لمتابعة "الأحوال الجوية والرحلات" عبر جوال مكشات أرسل الرقم 1 إلى 809207 (اتصالات) - 601259 ( موبايلي )

::::::: تابعونا على تويتر مكشات :::::::


مرحبا بكم في منتديات مكشات

::::::: تطبيق مكشات للأجهزة الذكية :::::::


تفعيل العضوية

إرسال كود التفعيل

مركز تحميل الصور

باحث قوقل لمكشات

الرصد الجوي

رادارات المناطق

إستعادة كلمة المرور

تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية
النتائج 1 إلى 7 من 7

الموضوع: قصتي مع المرانو

  1. #1
    تاريخ التسجيل
    May 2009
    المشاركات
    2

    Smile قصتي مع المرانو

    السلام عليكم ورحمه الله وبركاته
    اعزائي مشاهدين موقع مكشات اردت من هاذا المكان ان اروي قصتي المتواضعه مع سيارتي المورانو في عام 2005 شريت المورانو بمبلغ 128000وكان المبلغ كبير شوي على السياره لاكن كانت عاجبتني حيث انه شكل جديد ورهافيه المهم طلعته من حوش الوكاله نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي مبسوط ومحد قدي السياره حلوه بس عبت عليها وانا توي مطلعها تاكل مطبات بشكل جامد قلت يمكن الهوى زياده فعلا نقصنا الهوى مازالت تاكل مطبات قلت يمكن نوعيه الكفرات غيرت الكفرات بعد سنتين مازالت تاكل مطبات كن فيها مشكله عكوس ولاحضت التكييف صوته عالي من دون تبريد زين قلت الشكوى لله الحقيقه السياره ماعليها خلال الثلاث سنوات الاوله المهم قضى الضمان من هنا بدت المشاكل من هنا
    خرخر زيت القير علي قالو الطبه الي بين القير والمكينه وصلحناها وبعدين لي الضغط العالي للدركسون تصدقون الي 900 ريال وخر علي الاديتر وصلحته شكله هسياره معيونه انا لله وانا اليه راجعون نسيت اقولكم عن الكفرات
    الواحد 800 ريال عدل بدل المهم طقيتها يوم وصلت للقيمه
    هاذي قلت اخذ بريلي وفعلا المهم ومرت الايام وليالي والحين بتبداء زبده الموضوع حسيت ان القير فيه مشكله ادوس على البنزين وما يندفع الموتر معاي المهم رحت لورشه قلتله شكله القير فيه مشكله قالي اعرفلك سوداني بصناعيه تخصص قيور فقط دقيت عليه قلتله السالفه قالي المورانو لا تحاول تصلح قيره على طول وده المعارض وبعه قلتله وش لون يازول منهبل انت قالي هاذا لنوع من القيور مايتزبط وديه لوكالته وماتلعبه وتجيبه لصناعيه الحقيقه خفت من كلامه وفعلا وديته للوكاله بعد ماطلعو روحي عشان يدخلوها المهم قعدت اسبوع عندهم يفحصونه وبعدين ردو علي قالي المهندس عبدو القير هاذا مايتوضب لا زم تبديل جديد قلتله وشلون قال هاذا العلم قلت طيب كم القير الجديد
    قال 20000 ريال قلت وشوووووو قال ممكن بعد الخصم 18000 ريال قلت هاذا اخر كلام قال ايه قلت خير طلع السياره المهم وديتها للمعارض بشوف كم تسوى بعد ماقعدت معاي 4 سنوات جابت 60 الف لاحضو الطيحه الخنفشاريه
    هاذا لوكانت سليمه المهم بعتها على شريطي 45الف ريال
    والعوض على الله حبيت اني انقلكم تجربتي والحكم لكم والعوض على الله وحسبي الله على وكاله نيسان تجربه لن تتكرر مع نيسان باذن الله بنسبه لي على الاقل نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي حبيت انقل لكم تجربتي وانا والله العظيم صادق بكل ماقلته لكم وحبيت اوعيكم ومابي الا الدعاء منكم

  2. #2
    تاريخ التسجيل
    Jan 2008
    الدولة
    آلمـدينـة آلمنـورة - حالياً الرياض
    المشاركات
    1,417

    رد: قصتي مع المرانو

    ههههههههههههههههههههه

    دموعي مثل مساحة السيارة شيك شيك شيك شيك

    <<< حتى كلامه صار مثل القسم اللي هو داخله

    المهم انا لو اشتري سيارة بـ 30 الف صدقني لا أشتري معها هندي وظيفته حماية سيارتي

    وانت الله يهديك مشتري سيارة بـ 120 الف

    أخبر الوالد بغى يشتري جيب ويوم قالوله سعر مثل هالسعر قال والله ان الهايلوكس اطيب

    شوف على طاري أطيب لا تشيل هم اللي راح راح والحياة مليئة بالجراح

    لا تشتري غير التايوتا
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  3. #3
    تاريخ التسجيل
    Mar 2008
    الدولة
    Jeddah
    المشاركات
    1,448

    رد: قصتي مع المرانو

    الله يصبرك .. واخصرك من النيسان عليك بالتويوتا .. والله يوفقك ..

  4. #4
    تاريخ التسجيل
    Nov 2005
    المشاركات
    181

    رد: قصتي مع المرانو

    نيسان خياس وكيل سيء مواتر حساسة
    وش علامـك يالـعيـن تـبكيـن****ماهـي من عـوايـدك الـجزاعـه
    اخبرك على البلوى تصبرين****صبر الجمال اللي تحمل بضاعه

  5. #5
    تاريخ التسجيل
    Nov 2004
    الدولة
    الرياض
    المشاركات
    1,004

    رد: قصتي مع المرانو

    وعليكم السلام ورحمة الله وبركاته

    الله يعوضك بأخير منه ويعوض عليك مالك ............

    لكن أخوي ودي أسئلك على كنت منتظم بتغيير زيت القير بعد ما تركت الصيانة بالوكالة ......... ماظنيت

    وبالنسبه للي الضغط العالي لدركسون قيمته رخيص إذا قارنته بسعره بالتايوتا الفي أكس آر فله رقمين بالوكالة الأول قيمته بـ800 ريال ولما حاولت أركبه على موتر الوالد قال المكانيكي ما يركب رجعت للوكالة وطلبنا الرقم الثاني له وقيمته بـ2000 ريال نعم لي بـ2000 بصراحة بعد ما سمعت السعر رحت صناعية العويضة وكبست لي واحد بـ90 نوع أصلي ......

    وعلى العموم الله يعوضك ....... ونصيحه أبعد عن السيارات الغير شعبية إذا كان دراهمك ماهي بحر..........
    اللهم أنصر الإسلام والمسلمين ودمر أعدائك أعداء الدين يارب العالمين
    لا لتايوتا ولا لنيسان ::::::::: لازم ننسى عادة زمان

    فلتبدأ الحملة العربية لمقاطعة البضائع الصينية من أجل عينك ياسورية
    ____________
    l____________l
    []l____________l[]
    [_O NISSAN O_]
    /_____patrol_\
    ____________
    l____1979____l
    []ــــــــــــــــ<>ـــــــ[]

  6. #6
    تاريخ التسجيل
    Feb 2008
    المشاركات
    19

    رد: قصتي مع المرانو

    انا عندي مورانو2005 نفس المشكله القير طلع فيه مشكله والسياره كانت ماشيه 25000 الف دخلته الوكاله وغيروا القير وعندي لي الدركسون يهرب صلحته ب500 ريال
    والسياره اخر ما سيمت في المعارض ب 39000 (السياره مسمكره مع البيبان )

  7. #7
    تاريخ التسجيل
    May 2009
    المشاركات
    2

    رد: قصتي مع المرانو

    عزيزي على كلام الوكاله النوع هاذا من القيور مايتغير زيته لاكن يتزاد اذا نقص وانا كنت محافظ على الموتر لان فكره البيع ماهي موجوده عندي وسلامتك

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •