اللي يعرف ورش تعديل او شفط الصدمات

[ابن عكاش]

السلام عليكم ورحمة الله وبركاتة
اللي يخبر ورش شغلهم زين ومجربه في تعديل العفوط والدقوش البسيطة في الرياض او خارج الرياض
وهل فيه ورش عندها جهاز شفط الصدمات وانا قد قريت في المنتدى ان في الكويت ورش متخصصه عندها الجهاز وشغلهم مضبوط وحبذا كتابة رقم تلفون الورشه او وصف واضح
انتظر ردودكم الله لايهينكم فلاتبخلون علي بآرائكم يالنشاما
الله يوفقكم ويسعدكم في الدنيا والآخرة
اخوكم ابوصقر

[سيد الجو]

فيه ورشة في المزاحميه يمدحون شغله

[kalid_111]

السلام عليكم
اخوي فيه ورشه بصراحه ممتازه بس تعديل ولا يشيل البويه ويرجعها لك زي الاصل بنسبه 90 بالميه في الدوادمي اذا حبيت ارسل لي رساله على الخاص وانا احاول انورك اكثر

[أبو أسامة]

وعليكم السلام ورحمة الله وبركاته
أخي الكريم موجود بالرياض محل شفط الصدمات ومكانه وأنت نازل من الدائري الشمالي على طريق أبو بكر الصديق مخرج 6 متجه جنوب بعد أول أو ثاني إشارة ديور وأتجه شمال وخلك على الخدمه تجيك محطه داخلها خدمات كثيره منها محل تلميع بداخل المحطه وهو يعمل أيضاً شفط للصدمات الخفيفة والله يوفقك لما يحبه ويرضاه

[بن طريس]

ابيلي ورشه مضبوطه لالشفط بجده اللي يدلني هليها بدعيله من صميم القلب

[أبو عامر 2002]

جهاز شفط مافيه ابد ..سألت وسألت عنه بس مالقيب
الصناعيه القديمه يوجد هندي يعدل احسن من الورش الي في القصيم .. ورقمه لايحظرني الحين اذا بغيته جبته لك باتسر

[ابو سويلم]

انطعج عندي الصدام من عند الزاوية رحت لورشة قلتلهم عندكم شفط قال ايه موجود
جاب الاكسجين وقعد يحمي الصدام من الداخل وخويه يرش ماء على الصدام من الخارج
علشان البوية بعدين عدلة في المطرقة ولا شفت جهاز شفط بس كلها اكسجين ومطرقة
وشغلة 90 % مضبوط بــ60 ريال

[ابن عكاش]

مشكورين يالنشاما

[ابن عكاش]

الله لايهينكم كلاً باسمه وجزاكم الله الف خير

[kalid_111]

اخوي للاسف حاولت ارد عليك بالخاص بس ما قدرت لان مشاركاتي قليله بس الورشه هذي في صناعية الدوادمي وهي مشهوره باسم ورشة مازن الخلوي وتعديله لا يعلى عليه وكان انك تعرف احد بالدوادمي يمكن يفيدك اكثر

[ابن عكاش]

[quote=kalid_111;2753729]اخوي للاسف حاولت ارد عليك بالخاص بس ما قدرت لان مشاركاتي قليله بس الورشه هذي في صناعية الدوادمي وهي مشهوره باسم ورشة مازن الخلوي وتعديله لا يعلى عليه وكان انك تعرف احد بالدوادمي يمكن يفيدك اكثر [/qu
الله لايهينك ويوفقك عز الله انك ماقصرت يالنشمي

[التعـ King ـديل]

بن عكاش يالذيب علومك يالغالي لاهنت دق علي ودز لي موترك وابشر بسعدك فيه يماني بالصناعيه القديمه خبره تعديل

[ابن عكاش]

للرفعععععععععععععععع

[برنامج]

طيب بالقصيم وين أحصل اللي يعدلون بهذه الطريقة

[ابن عكاش]

للرفععععععععععععع