أعطال بنادق الصيد ,, شارك ،، ماهو العطل وكيف تم أصلاحه؟

[hamoud12]

السلام عليكم ورحمة الله وبركاته
استفسار بسيط ياشباب
معي بندق ام روحين atmaca موديل sp55 انكسر عندي الضراب اللي في السبطانه السفليه ,وين الاقي قطع غيار لمثل هالبندق و بخلي الترهيم خيار اخير
تعاونكم محل تقدير

[S3llo]

رح لسوق الجرده ببريده وان شاء الله تلقا مطلوبك

[عشقي الصحاري]

يفيدونك اهل الخبره بهاذا المجال@
تحياتي لك@

[متولع بالقنص]

يفيدونك الاخوان ان شاء الله

[السفير2011]

حدد موقعك يالغالى

[راعي السوبر11]

السلام عليكم

ياشباب انا عندي ستوقر 2000 صار لي استعملها اكثر من خمس سنوات ولا صارت معاي اي مشكله فيها
الا بالفتره الاخيره انكسرت معاي قطعه تركب بالسبطانه وبين الجرم وهي تنشد زي الافلنجه فيه ناس تقول لها افلنجه ومادري وين احصلها مع العلم انه سبب الكسر مني انا يعني مو عيب فيها
واي شخص يعرف وين احصل هالقطعه لايبخل علينا

وشكرا

[hamoud12]

حياكم الله يالربع
انا من الجبيل الصناعيه يالغالي

[قرناس الشرقيه]

السلام عليكم /
ياأخوان انا عندي بيكال روسيه

معاي صار لها تقريبا 6 شهور ماشفت منها اي مشكله

بس اللحين صارت بعض الاوقات ونادر منها انها تكذب معاي ماترمي الا اطلع الفشقه واردها من

جديد بعدين ترمي الله لايهيــنكم افيدوني

مع العلم اني نظفتها ميه بالميـــه

[ALZABEN]

مره من هالسنين طالعين للبر وقت الهيض وواحد من زملائنا كان معه بندقيه شوزن وقال أنا ابى أروح أصيد لكم أرنب ولماراح وكانت البندقيه شبه مفهوقه وتقنطر له بحجر وهو ماشى ووقع على الأرض وأنكسر معه سنة الديل التى تضرب الطلق وأصبحت البندقية غير فائدة وفكرنا ووجدنا حل مؤقت حتى أصلاحها في المدنيه هو كان معنا سيم علاقي ملابس وقمنا وقطعنا منه سنه صغيره من الطرف ووضعناه على مكان سنة ديل وقمنا بتجربته ونجح وكان فيه خطوره والحمدلله أستفدنا من هالتجربه وقمنا بالصيد بها الحاجه أم الأختراع .

[alfaisal1201]

مشاء الله الله يعطيكم العافية

[شاب من ينبع]

السلام عليكم
عندي ام خمس اللي يقولون لها ام صليب ابي اعرف كيف اغير السسته لأن القديمه مكسوره
وشريت وحده جديده وابي اركبها تكفووووووون كيف الطريقه
رحت لواحد عندنا قال اركبها بـ 650 ريال والله العظيم هذا اللي صار

[شاب من ينبع]

الحمدلله ابشركم تم تركيب السسته ببلاش من واحد الله يجزه كل خير
وتم شراء السسته بمبلغ 30 ريال
والمحل يقول اركبها بــ 650 ريال
طيب ليه هالمبلغ هذا بس ابي اعرف ؟

[ستيفنزالقصيم]

السلام عليكم
الجسرالي فوق الماصوره اذأنكسرهل له حل مع العلم ان الماصوره مموه
سمعت ان التلحيم ماينفع هل في حل

[الفوازي الحربي]

ياخوان انا عندي سكتون وزنيه غلط وش اسوه

[م.البراك]

باسم الله نبدا
اخواني الكرام السلام عليكم ورحمة الله وبركاته
انا عندي براوننق اليابانبه browning light twelve (ام شجره ) انا اشوف لي قطعه ماهي موجوده عندي بالشوزن واللي هي الحلقه البرونزيه حول المخزن
وش فايدتها بالسلاح
انا عندي السلاح من ثلاث سنوات بس لاحضت بصور البنادق اللي مثلها انها موجوده مع العلم ان رميها طيب ولافيه خلاف بس البندق فيها شويت تعليق


اتمنى تفيدونا الله يعطيكم العافيه

ودمتم سالمين