أعطال بنادق الصيد ,, شارك ،، ماهو العطل وكيف تم أصلاحه؟

[تباشير]

ليش الخمول ٤ ايام ولحد رد

[هنياالك]

السلام عليكم ورحمة الله وبركاته

اخواني الاعزاء
عندي شوزن قديمه كسر بدون تامين ام ديك ولا عليها
اسم او صناعه وخشيبها متكسر وبحاله جيده وابي
اعرف وش اسمها وفي حرفين بالانجليزي TM فقط

ارجو افادتكم

ولكم مني جزيل الشكر ،،،،،،،

[هيوماكس]

مساء الخير

عندي بيكال 153
فيها عدة مشاكل اولاً : المكينة ثقيله عند تعشيق الأجزاء
ثانيا : يوجد احتكاك ببعض الأجزاء
ثالثاً : احياناً بعد سحب المكينه وتلقيم الفشق اضغط ع الزناد ولا يرمي وبعد عدة محاولات يقوم ب التعشيق

اتمنا من الخبرا إفادتي عن كل نقطه على حده

ودي واحترامي

حل المشكلة الاولى والثانية.. نظفها وزيتها زين ثم ركبها مضبوط
المشكلة الثالثة .. ماقد مرت علي بس ان شاء الله يفيدونك الأخوان

[هيوماكس]

السلام عليكم ورحمة الله وبركاته

اخواني الاعزاء
عندي شوزن قديمه كسر بدون تامين ام ديك ولا عليها
اسم او صناعه وخشيبها متكسر وبحاله جيده وابي
اعرف وش اسمها وفي حرفين بالانجليزي TM فقط

ارجو افادتكم

ولكم مني جزيل الشكر ،،،،،،،

اذا تقدر وماعليك امر نزل صورتها علشان نفيدك

[hunter01]

السلام عليكم
استفسار عن بريتا مكتوب عليها number one
وش من بندق وكيف قطع غيارها وكم تسوى مستخدمة.

[أبـو مـدمـر]

السلام عليكم
استفسار عن بريتا مكتوب عليها number one
وش من بندق وكيف قطع غيارها وكم تسوى مستخدمة.

هاذي تركيه ماهي بريتا وتخسى عن بريتا ماتوصل مواصيلها مع احترامي لكم
افشل بندق مرت علي في حياتي
نمبر ون من ناحية الخراب والله
قطع غيار ماتحصل لها اغلبه ترهيم بترهيم
اذكر انك تسحب الجهاز من يمين وتضغط الزر اللي يرجع الجهاز في جهتها اليسار
بندق مشقلبه فوق تحت ههههههه
قيمتها اعطيها في الوقت الحالي من 4 إلى 5
ويمكن تجيب السعر هذا للجاهل في البنادق
اتمنى اني افدتك
لك خالص تحياتي وأحترامي
أخوك / أبـو مـدمـر

[محمد ابن عيد]

السلام عليكم
استفسار عن بريتا مكتوب عليها number one
وش من بندق وكيف قطع غيارها وكم تسوى مستخدمة.

..
حياك الله ي الغالي
هذي لاهي ايطاليه ولا جت حوله
و آحد الاعضاء سماها بندق الموت
كفانا الله شـرها
فانصيحه خذلك بندق معروفه
ان كانت تـركيه خذلك ستوقر او ارتمس
او خذلك بيكال كد ومد و ماتشتكي
و الله ييسـر امـرك

[ا ل ح]

مساء الخير
مشكله في شوزن رمنقتون ام كلتش ماتنطل الفارغ بعد الرمي مع العلم انها قبل ترمي تنطل الفشق عادي
كيف اقدر اصلحها و اي محل المكان الرياض

[هيوماكس]

مساء الخير
مشكله في شوزن رمنقتون ام كلتش ماتنطل الفارغ بعد الرمي مع العلم انها قبل ترمي تنطل الفشق عادي
كيف اقدر اصلحها و اي محل المكان الرياض

في الديرة تحديدا في سوق الزل عند واحد اسمه الشايقي

[ا ل ح]

ممكن تزودني برقم المحل لاني من خارج الرياض

[tiger707]

بارك الله فيك

موضوع مفيد جدا

الف شكر

[هيوماكس]

ممكن تزودني برقم المحل لاني من خارج الرياض

اخوي والله الرقم ماعرفه
إن شاء الله الأعضاء مايقصرون

بس شفت مشاركة لأحد الاعضاء يذكر ان فيه محل في البديعه وهذا جزء من مشاركته

فية واحد في البديعة النواش افظل من الشايقي / في الرياض / 0114363332

[ا ل ح]

يعطيك العافية
وشخص نصحني اغير الفشق و بشوف يمكن تزبط

[ا ل ح]

الله لا يحرمك الجنة
تم تغير الفشق ب 32/7.5 والحمد لله مزبوطه

لكن مشكلة اخرئ طلعة الهوائية من المستودع ومالقيت نيشانها وين احصله في الرياض الساكتون ديانا 45 وارد الرميح قديمه

[ا ل ح]

الحمد لله تم شراء نيشان ديانا 45
امس اتجهة الئ الرياض و بالتحديد محل الرمايه شارع التخصصي و سالت عن نيشان ديانا 45 وماحصلت و اتجهة للسنيدي و حصلت عند صاب الي داخل السنيدي نيشان صينيه و ركبته وطلع مزبوط سعره 50 المعدن زهر مهوب حديد
وفيه الكشك الي مقابل المحاسب حصلت عنده بعد وكان السعر 90-100 طبعا نوعين وكانت حديد و عنده قطع غيار ديانا