أعطال بنادق الصيد ,, شارك ،، ماهو العطل وكيف تم أصلاحه؟

[عقاب11]

ابو صقر111
فكيت البندق مافيها اي شي حتى السته الحانبية سليمه ولاهناك اي اثر لكسر

[قااحش الدخل]

جربت الكاكا ونفس الشي طيب ميزان الغاز له دخل اذا لكت لاني مااعرفله
وشاريها مستعمله يمكن الي قبلي حايس الدعوه ولا اعرف اوزنه

[sal7]

جرب فشق نظيف تشدت ريو أر سي فوب ............ إلخ
أي فشق يكون تاريخه جديد


موفق

[بلاتين]

السلام عليكم
على البركه البارود اخوي
احتمال يكون من وزن الغاز تاكد انه الحلزون حق الغاز على الشريطه الذهبيه يعني بالنص لاهب ناقص ولا زايد هذي هي وزنة البلد .
بعدين وشي الجلبه الى تتكلم عنها ؟ ماخبر فيها اي شي ربر يعني بلاستيكي داخل الغاز .
وتاكد من الناتوش اذا من الجهتين مثل الى بالصوره الى حطها اخوي عقاب
اذا جيت تطلع تفرغ الفشق من المخزن اذا كان ينطعج معك الفشق اعرف ان الناتوش مكسور .
استخدم ماده اخرى في التنظيف جرب W40 وحط شوي زيت على بيت النار فقط لان البارود غاز اذا حطيت زيت على السسته يعقد الامور مع رواسب البارود .
بالتوفيق ...
http://www.mekshat.com/vb/showthread.php?t=163769

[علي101]

والله تلك معي ما كملت دسته مع أنها جديدة ومزيته
وتقبل مروري

[قااحش الدخل]

هذي الصورة للجلبه الي اقولكم منقطعه شوف القطع تحت
على نفس المجرى وش رايكم اشيل الجلبه كله ولااخليه

[قااحش الدخل]

اخوي مستشار مااضن المشكله من الفشق لاني طلعت انا وخويي سوى كلنا معنا بيكال هو ماشيه معه صح وانا ماكملت الطلعه وكنت ارمي بكاكا 36.6

[بلاتين]

اخوي قااحش الدخل هاذي مهب جلبه هاذي مثل المجرى ممتلى راواسب بارود يعني جب لك ابره او عود او مفك صغير وطلع هذا الوسخ وماعتقد انه هو السبب لانها رواسب بارود مهب جلبه شيك على النواتيش اذا تحط صوره للبيت النار لحاله يبين الناتوش اذا هو سليم
اما اذا كان غير ذالك جرب بنتظيف البارود بماده اخرى ان شاء الله بيظبط معاك .

[بلاتين]

هاذي صورة لمحل المجرى الى تقول عنه مافيه جلبه


هاذي صورة منظم الغاز لازم يكون حفت السبرنق على حد الذهبي حتى تكون وزنة بلد

منقول من اخونا الصياد المصري للفائده .
هذا الرابط ان شاء الله يفيدك
http://www.mekshat.com/vb/showthread.php?t=47524

[قااحش الدخل]

[قااحش الدخل]

مشكور على المعلومه اخوي بلاتين بصراحه قمت التوضيح
طيب هذي صورة الناتوش وش رايك وراح انظف اجزاء الغاز مظبوط
ويعطيك العافيه ويمال الجنه قل امين

[بلاتين]

امـــــــــــين اجمعين
الناتوش الى مبين انه سليم ان شاء الله من الجهتين سليم
عاد باقي تجربت تنظيف بمحلول اخر وان شاء الله انها بتزين الله يوفق اخوي وحاضرين للغالين

[قااحش الدخل]

بيض الله وجهك وجزاك الله خير ووفقك دنيا واخره
واعطيك خبر اذا اضبطت معي

[ابوحمزة 2009]

سلام عليكم جميعا...حبيت اقولكم اني فكيت شوزن browning ام خمس ورديتها وسار صوت الرمي اقوى واحتكك مزهب السلاح بعد اقوى ويش الحل

[قانوص قديم]

السلام عليكم هذي رمنقتون 1100 عيارها 410 انسميها نص شوزن المشكله الي عندك في واشر ربل تاكد يمكن يكون مقطوع ثاني شي هذي نص مجنم لازم ترمي فيها فشق نص الطويل المجنم وسلامتك