تكفوون وش الحل مع الفكسار 2004 في صوت الطقة اذا عشقت القير

[ابو محمد543]

السلام عليكم


كيف الحال


وش اخباركم



ياليت احد يفيدني في الفكسار 2004 في صوت الطقة اذا عشقت القير طبعا
الجيب تماتيك

والمشكله هي اذا صرت واقف وعشقت بD او R ريوس يطق يعني يطلع صوت طقة قويه ورا

ورحت للوكالة قالولي شئ طبيعي كل الفكسار كذا

لكن هل فيه حل انه يروح هالطقة لاني سالت واحد قالي الفكسار العادي اقوي من اتماتيك في صوت
الطقة لكن الفكسار العادي افصل الدفع الرباعي يعني يصير مثل الهدد اذا عشقت الدبل اشتغل واذا
فصلته فصل الدبل يقول انسى الصوت يطلع زي الهدد
لكن التماتيك يقول ما ادري ماجربته ولا ادري هل صوت الطقه هي نفس العادي ولالا


لكن يااجماعه الخير فيه احد معه فكسار تماتيك وفصل الدفع الرباعي المستمر ورااح الصووت

او هل لها حل ثاني بحيث يروح الصووت

وشكرااااااا

[أبوسعد 511]

اخوي كل الفكسار الثمانيه سلندر فيه هذا الصوت حسب ما سمعت

واعتقد فيه قطعه صغيره تستبدلها تخص القير


ويروح الصوت نهائي

والمشكله بسيطه


ولو تترك وقت بسيط بين النمر افضل

يعني يوم تعشق من الريوس الى الـ D اترك القير في الراحه N شوي

[برسلي الخالدي]

سلام عليكم شف انا عندي فكسار 2006 فصلت الدبل بقطر

لا طقه ولا هم يحزنون ولا بعد شغال نفس الجي اكس ار
يعني لاشغلت الدبل يشتغل ولا فصلته فصل

بس اشبع كارونه

كل يوم خربانه

تحياتي اخوك المسكين
برسلي الخالدي

[ابو محمد543]

اخوي أبوسعد 511 و برسلي الخالدي مشكورين على الردود والمرور

بس بغيت اسالك يا برسلي الخالدي موترك عادي والا تماتيك


وننتضر ردود الاخوان

[ابو محمد543]

مافيه احد يقدر يفيدنا ياجماعة الخير

[أبو فيصل]

الطقه أسمعها عندي وقالو لي عادي لكن يبي لك تشوف الصليبات و الكارونه أذا فيها فضاوه أو خراب أو ناقصه تشحيم وترى تشحيمها قليل اللي يسوونه لأنه غير مجدي و محله صعب ويحتاج مضخة يد صغيره

ترى موتري 97 تماتيك ومن يوم غيرت الصليب الأمامي وشحمتها والأمور أحسن من الأول كثير

[ابو محمد543]

الطقه أسمعها عندي وقالو لي عادي لكن يبي لك تشوف الصليبات و الكارونه أذا فيها فضاوه أو خراب أو ناقصه تشحيم وترى تشحيمها قليل اللي يسوونه لأنه غير مجدي و محله صعب ويحتاج مضخة يد صغيره

ترى موتري 97 تماتيك ومن يوم غيرت الصليب الأمامي وشحمتها والأمور أحسن من الأول كثير

يعطيك العافيه اخوي ابو فيصل وما قصرت

[مشرع الباب]

يمكن كراسي الدفرنس تتغير يمكن والله اعلم

[lo8oo8ol]

اخوي كل الفكسار الثمانيه سلندر فيه هذا الصوت حسب ما سمعت

ولو تترك وقت بسيط بين النمر افضل

يعني يوم تعشق من الريوس الى الـ D اترك القير في الراحه N شوي

كلام صحيح 100% ... يعني يوم تعشق من الريوس الى الـ D اترك القير في الراحه N شوي

[~EmPeRor~]

احتمال انة صليبات < اذا هي اوكي

وتبغاها تروح نهائي < الغ الدفع الرباعي المستمر وتروح الطقه

[جروسي]

ارجو انك ما تلمس موترك علشان ما تتخسر واخرتها العمليه معروفه انا مع كلام ابوسعد 511 100% لأنه مهب موترك اول واحد فيه هالطقه كان يضيق صدرك بس كل هالنوعيه بها هالطقه وانا معي فكس آر ووضبت قيره وسألت الميكانيكي عن هالطقه قالي بعد ما شفت الطقه الي في الجي اكس آر كان تبيعه بس انت امش على ما قالك ابوسعد وامورك مضبوطه بإذن الله تعالى .

[عاشق دفرنسين]

هلافيك اخوي انا بعد فيه طقه بس مو في تغيير دي وريوس يطق فالتغييره الثانيه قالولي لي شحم العمود

انت وقف موترك في حفره وانزل تلقى فعمود الدبل فيه خفس او زي الحلمه كذا طالعه يحطون فيها شحم قالي شحمه من هنا مع الربله االلي بارزة ويروح الطقه مادري انا موتري جكسار تماتيك

انت وقف وشوف عمود الدبل فيه شحمه وجرب

اخوك
سلطان

[ابو محمد السهلي]

الدفع الرباعي خصوصا الفكس إلطقه طبيعي

[يالبى الهلا]

عندي لكم علاج للطقه هذا طال عمرك عندك كهربازايده في القير وهذي لايكشفها اي مهندس وحلها تركيب قطعة مغناطيس تحت الكرتير او بالمعنى العام الزقها بالكرتير من تحت اي قطعة مغناطيس ان شاء الله انها علاج للطقه مجربه×

[mns11]

المشكله غالبا في الصليب لا الكرونه اذا سار فيها ا شي تطلع صوت عند المشي