وش رايكم بالكاميرا اللي اشتريت

[فايز العامر]

السلام عليكم ورحمة الله وبركاته

كيف الحال امح امح خشمك خشمك ove2:

يالله حيهم بمنتداهم وش اخباركم؟؟؟


اشتريت قبل اسبوع كاميرا raqamiah دجتل نوعه benq 3410.
بصراحة ماقريت الكتالوج لأن فيه واحد من الشباب معه نفس الكيمرة وعطاني اهم المميزات وبعد الحوسة (والكتالوج بالكرتون) وبعد الحربثة (والكتالوج بالكرتون) أكتشفت بعض المميزات المهمة والرهيبة (والكتالوج بالكرتون):

1- الذاكرة الاساسية 16 ميقا مع امكانية الزيادة.
2-(2.1) ميقا بكسل.
3- تقدر تستخدمها كفلاش ميموري وتقدر تحمل الصور والملفات على ويندوز 2000 وXP بدون البرنامج حق الكيمرة.
4-شاشة عرض مع امكانية عرض الصور على التلفزيون مباشرة.
5-تصوير فيديو مع الصوت وتسجيل صوت.
6-بطارية ثابتة (مع امكانية شحنه اثناء توصيل الكيمرة بالجهاز) يعني تقدر تشحنها بدون الشاحن.
7-زووم.
8-ولازال الكتالوج بالكرتون.
9-اذا فيه شي ناسيه ذكروني ( مع اني متأكد ان فيه بلاوي ناسيهن).
10-صور للكيمرة.

[دخيل67]

الله يباركلك فيها

[تبريزة]

بقى تكتب لنا السعر يالذيب


الله يعطيك من خيره ويكفيك شره

[Bader-M]

مشاء الله

تكسرها بالعافية


على فكره

بكم شريتها

[علوم رجال]

الله يبارك لك اخوي

وللاسف اول مرة اشوف هالنوع

وبكم شريته وعطنا كم صورة منها على شان نشوف ونحكم

[ابو شكاع]

((تقدر تستخدمها كفلاش ميموري ))

ميزة حلوة ......... ولو ان ال 16 ميقا بإعتقادي انه شوية

((-بطارية ثابتة (مع امكانية شحنه اثناء توصيل الكيمرة بالجهاز) يعني تقدر تشحنها بدون الشاحن.))

يعني تشحن من الكمبيوتر ؟

عموما الف مبروك وانا اخوك .... لكن مع الزملاء ابنشدك عن السعر

وياليت كذا صورة ...........

هلابك

ولاهنت

[فايز العامر]

دخيل67



تبريزة



طايربالعجه



علوم رجال



ابو شكاع



الله يبارك فيكم

آسف على التأخير في الرد

واحب أوضح بعض النقاط

السعر بحدود الاربع مية وعشرين الى أربع مية وخمسين

الذاكرة الثابتة 16 ميقا يعني ذاكرة الوكالة لكن تقدر تزودها بذاكرة 256 أو حتى 512.

البطارية الثابتة تقدر تشحنها من جهازك بدون الشاحن يعني من تشبك الكاميرا في الجهاز عشان تحمل الصور تشتغل الكامير وتقعد تشحن.... تماتيك...


ومشكورين على التفاعل....

[دخيل67]

يبقى يالغالى تورينا ابداعك فيها
يعنى الصور