الغوص بأعماق البحر الأحمر.. صور

[أبو نشمي]

السلام عليكم ورحمة الله وبركاته ....


إخواني الكشاته تعلمون ماللغوص من متعه جبارة لاتوصف أو تصور بعبارات قليله ... ففي أعماق البحر توجد مناظر وكهوف وشعب مرجانيه وأحياء فعلآ نعجز عن شرحها أو حتى وصفها .. وكان للأخ حد السيف السبق في التذكير بعرض صور للغوص... فهاهي الصور ياحد السيف نزولآ عند طلبك ولا يهون الربع ..

1 / هذه الصوره الأولى قبل نزولي للغوص..



2 / أول لا نزلت إستقبلتني سمكه نقولها رقيطه "تصنف مع نفس عائلة القرش, لوجود الفم في الجهه البطنيه" مثل ماتشوفونها شكلها شبه دائري ولها ذيل طويل قبل نهايته بعشرين سم توجد شوكه مرعبه.. لماذا ؟ لأنها تضرب العصب الموجود في مؤخرة القدم" فوق كعب الرجل" وتبتره بتر وتصير الرجل مشلوله نسأل الله السلامه .. لكن أجمل مافيها إن نظرها ضعييييييف جداً وحتى لو شافتنا ماتذّي أحد إلا إذا تعرضها..



3 / هذي فرخ ناجل .. تدرون يا إخوان الغواص وهو ماشي تحت يلقى مالذ وطاب من الأسماك .. يعني كنه بسوق بلاش السمك فيه وهو يتنقى من الزين والفاخر ثم يرميها ويعلقها معه ..



4 / هنا تلاحظون وراي كهف صغيييييييير لكن شكله من تحت راااااائع والله يهدي المصور قلتله جيبني من تحت عشان يبان الكهف كامل راح مصورني من قدام..

[أبو نشمي]

يتبع صورة الكهف..




5 / هنا تلاحظون على يمين الصوره أرضية القاع والأهم من القاع .. أبيكم تشوفون راس السهم اللي فوق وين يشر وعلى ويش .. عشان أنا شايف شي غريب مدري تشوفونه معي ولا لأ ؟؟؟
السهم الثاني يشر على نوع من أنواع المحاريات من طلئفة ذات المصراعين... شكلها جميل وألوانها زاهيه بس موب واضح حيل بالصوره .. والسبب هو : إنه كلما زاد العمق كلما تبدأ الألوان بتناقص شيئاً فشيئاً...



6 / صوره للشعب المرجانيه الضخمه المعمره من تحت الى سطح الماء.. وما يخفاكم ياإخوان إن هذي الشعب هي اللي ميزت البحر الأحمر عن بقية البحار بل إن البحر الأحمر سمي بهذا الإسم لكثرة الشعب المرجانيه الحمراء به.. وهو بحر متميز حتى في الأحياء اللي فيه.. وعلماء الجيولوجيا " علم الأرض " فسروا هذا التميز بأنه يعود الى عمر البحر الأحمر لكونه حديث الإنفلاق مقارنةً بإخوانه وأبناء عمومته...
وعني أنا شخصياً نزلت في بحور أكثر من خمس دول تقريباً ولا شفت مثل جمال بحرنا الحمر ...



المعذره يا إخوان عندي مشكله في كتابة الإسم على الصوره مثل ماتشوفون..

أي إستفسار أنا حاضر وتحياتي للجميع.

[حد السيف]

السلام عليكم ورحمة الله وبركاته
وافي وافي وافي
والله انك كفو
ياابونشمي
وعدت ووفيت يالذيب
وهذا الرابط الذي وعدتنا فية بهذا الوعد
http://www.mekshat.com/vb/showthread...threadid=19445
ابو نشمي
تكفى يالغالي
اوصف لنا شعورك وش اللي شفتة وكيف متعة التصوير تحت الماء
تكفى يالغالي لاتبخل علينا
مشكور والله يحفظك


محبك اخيك
حد السيف

[gulfhunter]

مشكور يالنشمي على الصور الحلوه...........

شكلك نازل تغوص من الشاطي ...... يعني مايحتاج طراد .....

وش أفضل تغوص من على الشاطي أو ترواح بطراد............................

[*القبطان*]

بارك الله فيك صور رائعه جداً

والله ودي امشي الحين وما يردني الا البحر الاحمر ....

جزاك الله الف خير

[أبو نشمي]

حد السيف / ياغالي صدقني مهما أوصف أعماق البحر راح أكون مقصر وماراح تسعفني الكلمات عشان أوصف شعور أو ناجل أو حتى حريد .. لكن أبشر على خشمي وأنا أبو نشمي باللي أقدر عليه... ياعزيزي كأنك في فترة إستجمام لا توصف على الإطلاق ... تقدر تقول خيال ممزوج بجمال فن الخالق عزوجل ... ويكفيك إني أقولك أتحدااااااااااك وأنت تحت تفكربأي موضوع في حياتك أو ذكرى مؤلمه مرت عليك أو مشكله تعاني منها بأيامك.. يعني ممكن أعرف الغوص بإختصار في نظري بأنه : فترة زمنيه يملئها إستجمام ينسى به الغواص كل آلامه على اليابسه. .... هذا أضعف الإيمان أو قطره من بحر .... يعني ما وفيت بحق تعريف الغوص ومتعته أبداً ..
أما اللي شفته .... واجد والله وش أقول وش أخلي هوايل وأحياء مرعبه وبلاوي تنشف دمك وأقربها القرش .. لكن رؤيتها ممتعه وجميله جداً لأي شخص يحب المغامره والمخاطره في حدود معينه.
... متعة التصوير ... لو أوافق نفسي كان أخذت معي عشر أفلام عشان أخلصها بنزله وحده " 45 دقيقه " وش أسوي مافيه شي موب زين عشان ما أصوره ..

قولفهونتر / حياك الله .. طبعاً تغوص بوسط البحر عند جزيره أو كساره أفضل وأمتع بلا شك.


القبطان / بارك الله فيك أنت ويعيك العافيه ... شد حزامك ورح خذ دورة غوص والله يعينك على الإدمان .. على فكره لازم تشوفلك خوي ياخذ معك الدورة إذا تميت عشان ينزل معك..




تحياتي للجميع .

[بروق ورعود]

السلام عليكم ورحمة الله وبركاته
اخوي ابونشمي حياك الله وبارك الله فيك على هالصور الطيبه والموضوع الرائع. اخوي انا عندي استفسار اذا تسمحلي.
سؤالي هو طال عمرك. انا ودي اخذ دوره غوص واللي اعرفه ان هناك شروط بالنسبه للشخص اللي يبقى ياخذ الدوره. حبيت اعرفها ان امكن. والشي الثاني, انا مسوي عملية قلب من زمان وحبيت اعرف اذا بالامكان اخذ لي دوره والا امشيها طفاحي فوق الماي.
مشكور اخوي وعساك على القوه.

[أبو نشمي]

عزيزي تجد الرد على أسئلتك على هذا الرابط
http://www.mekshat.com/vb/showthread...threadid=19917

وتحديداً في آخر ردودي على الأخ القبطان ... ولا تنسى تدخل رابط موقع الغوص المرفق في أحد الردود وأي إستفسار لا تتأخر وأنا في الخدمه وحياك الله ,

تحياتي للجميع.

[نـاب الـقـرش]

يعطيك العافية

[أحمد المكاوي]

سلام الله عليك

أعتقد أن الصورة تفتقد إلى الإضاءة المناسبة أثناء التصوير وهناك وضعيات معينة يجب عليك أن تتخذها أثناء التصوير البحري أهمها : ( التحكم في الطفوية أثناء التصوير ) .
وهذه الصور تم إلتقاطها بكاميرتي الخاصة
<TEXTAREA id=holdtext1 style="DISPLAY: none" rows=1></TEXTAREA>
<TEXTAREA id=holdtext1 style="DISPLAY: none" rows=1></TEXTAREA>
<TEXTAREA id=holdtext1 style="DISPLAY: none" rows=1></TEXTAREA>
<TEXTAREA id=holdtext1 style="DISPLAY: none" rows=1></TEXTAREA>

[بورهف]

والله ياخوي بونشمي حمستني على الغوص
لكن مشكلت معداته تلكف
اذا في اي من الشباب يعرف كم تكلف دورة غوص يليت يفيدنا
عشت اخوي بونشمي على الصور

[بحار الغربية]

الأخ أبو نشمي
يعطيك العافية أخوي والله يكثر من أمثالك اللى يزودونا بصور لأعماق البحر

والله ياخوي نفسي ولو مرّه أنزل بس ثواني وأطالع عجائب الله عز وجل

والحقيقه أن معاك حين تقول عند ما تنزل للغوص بحيث ما تفكر ولا في أي مشكله أو شئ

وانا كذا لمّا أروح البحر ونحدق أنسى نفسي وحصوصا" وقت الشروق والغروب

وعساك على القوة ياغالي واتمنى لا تحرمتا من كذا أشياء وتقبل تحياتي,,,,,,,,,,,,,,,أخوك/ بحاااااااااااااااااااار الغربية

[الضاري]

مشكور يابو نشمي على الصور الرائعة

شكل حد السيف يخطط لدورة غطس ... الله يجيب العواقب سليمة

لكن يابونشمي وش يشر علية السهم الثاني اللي في الصورة ؟؟؟
ما علمتنا

[Alhzzen]

يعيييييييييييييييييييييييييط العافية صور ولا احلى



روعة


شكرا

[الضاري]

وأديور وهاتك يادعسه للسيف من الخوف


ودايم تجيني هواجيس قرش بيهجم علي ينتفني تنتيف ويقضي علي من كثر ما نشوف في التلفزيون ونسمع من هالسوالف

ياسبحان الله ..

نفس الشعور !!!

حتى أنا ياركبت الدباب المائي أو على قارب وناظرت تحت للماء أشوف البحر أسود مرررة

تجيني نفس تخيلاتك

متى تنتهي هالتخيلات ؟؟؟

شكلي أبيعها بجلخ بصلة وأبطبق وسط البحر