تجربة أعلأف (وافي) بين الحقيقه والواقع مع صور لدعوة أراسكو للمربين ((م.بندر))

[صالح العتيبي]

اخوي بندر لاتصدق الصوره

انا جربته ماينفع للحلال اول شي يصير لحمه اسود والحلال ياكل شعر بعض والشعير افضل شحم
وافضل طعمة لحم وافضل ريحه ام الوافي عليه ريحه مروحه

[م.بندر]

كما وعدناكم
صور جديده للطليان
في القطيعين














مثل مانتو ملاحظين
ان الصوف
تقر يبن نفس الصوف في الطليان التي تتغذى على علف تقليدي
مافيه فرق واضح في اغلب القطيع
ممكن في خروف او خروفين

[شعيب المسمى]

الفرق واضح في لون اللحم مسود شوي اما الشحم مايحتاج للوافي

[وادي غران]

بارك الله أخوي م. بندر.

سنجرب المنتج قبل الحكم عليه بشكل نهائي, ولو أنه من الصعب أن تستغني الأغنام عن الشعير بسبب المادة الموضوعة فيه والتي تسبب الإدمان !!!

[نايف الذيب]

تقرير جميل بس ودي ان المهندس بندر

يبين لنا عيوب الوافي

بالنسبه لتجربتي مع الوافي مع الابل

صار يطلع فيها خرجان مع تعليفي لها وقطعته علي طول عنها

[أبو البرنس]

جزاك الله خيرا على هذا التقرير الاكثر من رائع

[راعي دسمه]

الله يجزاك خير تقرير وافي وجميل جدا
لكن النفس اتعيي مع اني مقتنع قناعة تامه بالتجربه
لكن ابحط لطلي كيلو باليوم ماش ماتطيعني نفسي اذا ماشفت العلف مكوم بالمعلف
والحلال مربض من الشبعه ماطابت نفسي احس انها بذمتي وجوعانه وانا حارمها
تقبل مروري وليتك تعطينا تقرير بسيط عن الابل

[الهواوي 98]

كذب في كذب الوافي
مافي احسن من الشعير الصدق ينقال

والله يازين الطبيعي اتفق معك صالح العتيبي العلف الصناعي ماعرفناه لا اول ولا من تالي

ماحلا الربيع يرعى الحلال منه و تطرح لهم من الشعير عقب الرعي والله ان بعض الحلال ما يقدر يمشي من السمن
اذا ماصار به ربيع بنشتري الوافي وغيره بس السؤال الدعايات الحين على وافي بكل مكان لو برفع المخدة اللي انام عليها بحصل دعاية وافي وش السالفه ؟
على شان اليوم سعرة 25 وبعد شهر يستقر فوق 60 ليش لا بالله نبي نرخص الوافي ونقاطعه وياما حلا الطبيعي واذا احتجنا الوافي شريناه باقل من 15

[صالح العتيبي]

ويقولون يوم سعره 20 ريال نحن سعرنا ثابت والحين 25 ريال

[راعي الطلعات]

اخوي بندر لاتصدق الصوره

انا جربته ماينفع للحلال اول شي يصير لحمه اسود والحلال ياكل شعر بعض والشعير افضل شحم
وافضل طعمة لحم وافضل ريحه ام الوافي عليه ريحه مروحه

من واقع تجربه مع الاغنام النجديده نعم رأيت الاغنام تأكل شعر بعضها البعض وكنت اطعمها من الوافي

الوافي صراحة ممتاز لتسمين الاغنام بشكل سريع بس كما ارى في الصوره ان لون المعده قد تغير
لكن السؤال هل يمكن ان يغير من طعم اللحوم او هل يضر الانسان هذا التغير الامانه وصحة الانسان مطلب اساسي



الف شكر لك

[العتين]

مشكور على هذا التقرير

[قناص المناقع]

الله يعطيك العافيه على هذا التقرير
وبيض الله وجهك.........

[أبوحمد 505]

يعطيك العافية
على التقرير الوافي

[كموص]

هل الذي يضع حلول ارخص سعرا وكلفة اموال لمساعدة الغير مقتدر على شراء اي نوع من الأعلاف يشطب رده ومشاركته في الحوار ؟؟؟ ولايشطب الذي كتب ما كتب في صلاحية ما كتب ... !!! ولا هذه الصفحة مخصصة للوافي فقط ؟؟؟ ...

[صنيديح]

اولا سرعة التسمين اعتقع ان لها ضرر في طعم
ثانيا اذا اقتنع الناس به سوف يتغير سعر الاغنام بالانخفاض
وهذا الي عندي
مشكور تقبل مروري