تجربة أعلأف (وافي) بين الحقيقه والواقع مع صور لدعوة أراسكو للمربين ((م.بندر))

[ابو نجود]

يا اخوان...حتى لايكون هناك سوء فهم من تجربتي باستخدام الوافي وعدم تغير الطعم فانا لم استخدم الوافي لوحده بل استخدمت البرسيم والتبن معه..

[خالد 257]

مشكور على الموضوع وعلى جهودك الرائعه
واعتذر عن عدم تلبية الدعوة لضروفي مع العمل
اخوك / خالد الدخيل الله

[المستعين بالله]

السلام عليكم ورحمة الله وبركاته وبعد اشكرك على ماقدمته من شرح الذي اظهر بشكل واضح ان علف وافي يفرق في التسمين لكن استغربت من تأثيره على كروش الذبايح لاحظ التعليف العادي الكرشة لونها طبيعي
اما وافي فالكرشة سودا تحس ان فيه شي غير طبيعي وتقبل شكري وتحياتي

[محمد بن عايض]

والله ياعلف وافي انه افشل علف على مرور الوقت

وانا باقول لك شي واحد وجوابه بالصور اللي انت داعمها بموضوعك اخوي بندر

شوف لون الكرش للي معلف وافي وشوف لون الكرش للي معلف شعير وتعليف على قولتكم تقليدي ؟؟؟

الوافي هاذا موت حمر وانا اشوف كل الناس اللي حولي علف حلالهم شعير وبس الوافي خلوووه لشركته تصور معه دعايات ولمبارك سيف ولافي راعي البل الجرب اللي يقول كثر حليبه وكثر انتاجه

الظاهر الوافي يخلي البل تجيب توم والى يخليها تلد ولدتين بالسنه

اول ماورد الوافي الناس انغشت فيه بس الحين بعد ماجربوه عرفو انه مامنه فايده



اخوي بندر انت حطيت تجربة الشركه المسوقه لهاذا المنتج اراسكو

ولاكن تبقى اخ عزيز وغالي ولك محلك بالقلب اتمنى ان كلامي ماتفهمه على اساس انه موجه لك

[المهند511]

انارجال فكرت استري منايح خلفتين في الشهر كم كلفة وافي حول كم يعني يكفيها اناراتبي 3800 800قسط والف قسط اخر يعني كيف السوات

[ابوحمد 2009]

مشكوور اخوي ع الموضوع الراائع

[ولد وايل..]

يارجل ولا هو قصور بك لا والله...

الا انت ناصح وان شاء الله مؤتمن...

لكن وافي يضر الحلال والدبش ما ينفع ولا بريال...

صنااااااااعي...



ولا ينفع بتجربه ونقل أكثر من مربي ماشيه..

[براري القصيم]

ذكر لي أحد أصدقائي المشتغلين بتسمين الثيران بأن أعلاف أراسكو + تبن ( لأن أراسكو لوحده يلبك بطن الحلال ) يسمن الحلال ويكون لحمه أبيض
وحذرني من إعطاء البرسيم لأنه يسود اللحم

[راعي الحلال..]

والله ماندري كل واحد له كلام ..

[فيصل المحمد f]

السلام عليكم ورحمة الله وبركاته
مع كل احترامي يااخي (م.بندر)

وكلامك صحيح انك تقول يختصر عليك الوقت والمال لكن المربين يبون صحة حلالهم مهو التوفير
وافي سمعة عن واحد يوم ارتفع الشعير العاام الماضي راح وشرى وافي وعطاه الابل يوم جن يولدن الابل
الي مات بطن امه والي تشوه وحااال الابل اندمرت،،،،،،،،،،،،،،،،،،،،،،،،،،،،،،،،،،،،،،،،،،،، ،،،

وشـــــــــــــــــــــكــــــــــــــــــــــــرا

[جيتك يابعد حيي]

صرنا بين معلي ومدلي. بس يبقى تقرير أخوي م بندر من واقع دراسه وتجربه آمل من الأخوان مراعات بعض الامور

[وسيع البنايد]

تقرير في الصميم ولكم الاختيار

[بازار شريف]

كلامك كله جميل وانا شخصيا مجربه بس اسعاره عندنا بالجنوب 40ريال اين الفايدهانا الكيس الواحد مايكفيني باليوم غنم بس طيب الابل ماعطي الا الفحول والقعدان وللامانهانه فعلا وافي بس مو كافي بالنسبه لي لازم ملبن برسيم وشعير وذره وخبز

[كليب1]

الله يعطيك العافيه على هذا التقرير
وبيض الله وجهك.........

[الطرس ممدوح]

الله يعطيك العافيه