430 ضب

[يمبري]

يمبري هذا الشغل اللي يفتح النفس

والله اني انبسط اذا شفت فيه وعي ومحافظة على البيئة بين الناس

الله يوفقك ويسدد خطاك وجعله في موازين حسناتك

لكن عندي سؤال المزرعة وين مكانها؟ اذا كان فيه احراج ارسل على الخاص

وضبط امورك الموسم الجاي ان شاء الله ابصيد عندكم هههههههههه

وابغى منك اخر طلب انك توافينا بتقارير تثلج الصدر ... تراي انتظرك لاتأخر

بيض الله وجهك

اخي الفاضل : هدد688

اللهم امين ويجزاك خير ياخيي
ابشرمن عيوني الثنتين أنت تامر يالغالي
اما المزرعة اعذرني ماقدر احدد مكانها لكن ابشر بأذن الله بخليك تجيها وتزورها
وهذي الساعة المباركة إللي نشوف فيها اخواننا في الله (بس ذكرني تراي نساي)

وبالنسبة للتقارير اليوم إن شاء الله رايح لها إلى الجمعة
وبكتب تقرير مفصل بالصور ويكون راح على بدايتها اسبوعين بالتمام

شرفني واسعدني مرورك ياالغالي


تمنياتي لك وللجميع بالتوفيق والرزق الوفير

اخوك : ابو ابراهيم

[القطاوي 2008]

ماشاءالله تبارك الله

الله يكثر من امثالكم

[@قرناص@]

ماشاء الله ..

الصراحه شغل مظبووووط وان شاء الله ينجح المشروع

ولآ لصيد الجائر

[ksmaksma]

هلا وغلا يا أبو إبراهيم .. وش هالمواضيع الحلوه وليش ماعلمتنا إنك بتزل الموضوع بمكشات عشان نزين التشيخصة ونتعطر ... أمززززززززح .... يخلييييييييييييييييك ربي وموفق خير والله يكثر من أمثالك يارب ويجعلها محميه مباركه وتلقى فكرتك النجاح .
ملاحظه :
أبو إبراهيم ترى للحين ظهري يعورني من شيل الخياش ولو سمحت المره الجايه جب عمال عشان يشيلووووووووون الله يرحم والديك .

أخوك أبو الوليد إللي إنقطع ظهره من الشيل ولايهوووونون المجموعة إللي شاركت بالصيد والتلقيط من تحت الكنب والثلاجة و .. و ... و ..... وحتى الجيران مافتكوا منك يا أبو إبراهيم واحد من عيالهم جاي يطق الباب ويقووول ضايعلكم ضبان ياجيرانا .
في الختام ندعوا لك التوفيق وجميع من سلك دربك .

أبو الوليد

يوم الإربعاء 24/06/1430هـ الساعة 1:55 ظهراً

[العتين]

ماشاء الله الله يوفقكم

[عاشق القطا.]

ماشاء الله عليك والله يوفقك انشاء الله!

[sameer_1798]

بيض الله وجهك وجزاك الله خير
ماشاء الله تبارك الرحمن المكان رائع ومناسب لها جداً .. ولكن نصيحه لاتعلم فيها أحد وخله سر بينكم ..
وأبشرك إنك بتشوف انتاجها قريب إن شاء الله

عندي محميه أصغر بكثير من هذه والحمدلله في ظرف أشهر شفت انتاجها .
لارحت أقنص ضبان الحي منها نفكه فيها وبعض الاحيان نشتري من السوق لكن عددها مايتعدا الاربعين ... و مكانها صعب شوي وفي ضلعان وتعلمت على الحياه الجديدة والحمدلله .
وهذه صورة من الأنتاج :

[فل اوبشن]

ماشاء الله عليك بصراحة مثال يحتذى به ألف شكر لك ولا انسى المجموعة اللي معك

وصل لهم سلامي الله يحفظكم ..

[aooa]

اقول لو حطيتوا غزلان والا على القليل ارانب افضل مليون مره من الضبان وعساها تنقرض ولا يبقى لها اثر

[أبوحمد 505]

الله يجزاكم خير ويكثر من أمثالكم

[المارد1]

طيب ممكن سؤال يالغالي

ليش من الأساس تصيدونها..!

يعني هن سبحان الله يعرفن البيئة المناسبة لهن ويتكيفن معها..!

فأحس مالها داعي انكم تنقلونها من بيئة متناسبة..!

للتصحيح فقط الرجال يقول مشتريهن ماهو صايدهن
وفي اعتقادي هذا عين الصواب أحسن من انهن يطيحن في ايدين الورعان وخذ انواع التعذيب

والرجال حار وحامي حامي توكل على الله وشرى 430 ضب تقريباً

[يمبري]

الله يوفقكم ويرزقكم دائما وابدا . انتم ناس تستحقون كل الإحترام والتقدير . وإن شاء الله يكثر امثالكم اكثر واكثر . يالله كثرهم . هذولا الناس إللي نطلب من الله يطول بأعمارهم

أخي الفاضل : عقاب طويق

الله لايصبحك ولا يمسيك إلا بالنور والإيمان وطاعة الرحمن والأخوان والمسلمين أجمعين

لا تعلم أخي كم هيا مشاعري وانا اقراء ردودكم ودعواتكم الطيبة بطيب قلوب اصحابها
ويعلم الله بدعواتكم الطيبة عيني تكاد تذرف فرحاً بكلامك والأخوان الأعضاء الطيبين
وأسأل الله العلي القدير الحي القيوم ان يتقبل دعواتكم الجميلة وعملنا هذا

أخيي انت واخواننا الأفاضل من تستحقون الأحترام والتقدير والله يكثر من امثالكم ويطول
بأعماركم ويبارك لكم باعمالكم وايامكم واهلكم

شرفني واسعدنى واثلج صدري مروركم الكريم والأعضاء جميعاً

دمتم بخير اخي الفاضل وتمنياتي لك وللجميع بالتوفيق والرزق الوفير
وفي أمان وحفظ الله

أخوك : ابو ابراهيم

[يمبري]

الله يوفقك اخوي بصراااااااااااحه اثلجت صدري في الفكره المميزه والله يوفقك انت وخويك وانشاء الله يحذون حذوك الشباب يعطيك العافيه يمبري مشكورررررررررررررررر

اخي الفاضل : العود&& الازرق

الله يجزاك خير دنيا واخره ياخيي

انا يالغالي من يشكرك على مشاعرك ودعواتك الطيبة
وانت طيب على اسمك يالطيب

تمنياتي لك وللجميع بالتوفيق والرزق الوفير

اخوك : ابو ابراهيم

[حزم الحطب]

اعتذر لكم على الأطالة وتراني غشيم بمثل هالمواضيع
والعذر والسموحة

ماشاء الله تبارك الله مانت غشيم

بصراحة اخوي انبسطت يوم شفت هالضبان ويوم شفت حرصك وحرص الأخوان المداخلين على ابقاء الحياة الفطرية

كان باظلول ماهنا اكثر من الأرانب بديارنا ولكنها شبه انقرضت بسبب الصيد الجائر والضبان لاحقتها بالطريق

ومشكلتنا دايم نعلق كل شي على الحكومة وإذا سووا محميات قمنا نتذمر

لكني اشوف هالحين فيه ثقافة والدليل هالفكرة الرائعة

لاهنت اخوي

[ابوعبيد الله الصالحي]

جزاك الله خير