# تــــوهــقــنآآآ تــــوهــقــنآآآ.. فــزعـتــكــم يالأجاويد..وصفولي طريق الكويت

[أبوياسر1]

السلام عليكم ورحمة الله وبركاته..
بإذن الله سوف تنطلق العائلة الكريمة بقيادتي* الغشيمة إلى الكويت..<-- ضرورة ُ شعرية ُ
بحكم أن الوالد منشغل بالعمل..
وأنا والله ما أدل..
طبعن سننطلق إن شاء الله من الرياض..
وش أفضل طريق بالنسبه لنا وأرجو توصيفه بالضبط..
ولا تنسونا من نصايحكم الحكيمة
والي يبي يوصين بشي لا يرده إلا Enter

باحترآء الردود

---------------
*: ياء المتكلم تعود علي (الابن الأكبر)

[دغيم1]

السلام عليكم ورحمة الله وبركاته
حياك الله أخوي
إن شاء الله ماتتوهق
والأمر سهل ويسير بإذن الله تعالى
على هذا الرابط ستجد كل ماتحتاج إليه بإذن الله
فلا تحمل هم فنحن بالخدمة
بالرغم من إرتفاع درجة الحرارة في دولة الكويت إلى حد لايطاق هناك
تمنياتي لكم برحلة سعيدة وآمنه
تقبل تحياتي

دولة الكويت .. لؤلؤة الخليج - دغيم1

[ابوريناد1979]

اطلع مع طريق الرياض - رماح - شويه - الرفيعه - النعيريه
هذا اقرب شي ولكن فيه بعارين مايبي له سرعه

[أبوياسر1]

دغيم1
ما أقول إلاَّ الله يجزاك الجنه..وكثر الله من أمثالك
بغيت اسألك يا الغالي عن الطريق الي أنت حاطه بموضوعك:
الرياض – المجمعة – الأرطاوية – حفر الباطن – الرقعي – منفذ الكويت ( السالمي ).
هل هو واضح يعني أمسك خط القصيم.. وافرق مع المجمعه همن الباقي عاللوحات ؟؟
وسؤالي الأخير وآسف عالإزعاج.. هل عندهم شين يشترى ما ألقاه بالسعودية ويستاهل أجيبه من الكويت ؟؟ أياً كان هالشي !


أبو ريناد
نورت الصفحه يالغالي
ومشكور عالوصف..
وش رايك امسك خط رماح ولا من المجمعه ؟؟

[ابوريناد1979]

دغيم1
ما أقول إلاَّ الله يجزاك الجنه..وكثر الله من أمثالك
بغيت اسألك يا الغالي عن الطريق الي أنت حاطه بموضوعك:
الرياض – المجمعة – الأرطاوية – حفر الباطن – الرقعي – منفذ الكويت ( السالمي ).
هل هو واضح يعني أمسك خط القصيم.. وافرق مع المجمعه همن الباقي عاللوحات ؟؟
وسؤالي الأخير وآسف عالإزعاج.. هل عندهم شين يشترى ما ألقاه بالسعودية ويستاهل أجيبه من الكويت ؟؟ أياً كان هالشي !


أبو ريناد
نورت الصفحه يالغالي
ومشكور عالوصف..
وش رايك امسك خط رماح ولا من المجمعه ؟؟

اتوقع فرق 70 كيلو تسوى انك تروح مع طريق رماح
وللكن لاتسرع
حفظكم الله في حلكم وترحالكم

[ربيع قرطبه]

يا طويل العمر

امسك خط الرياض واتجه الى رماح ومن رماح الى شويه وشويه تكون بجانب الطريق وبعدها اتجه الى

الرفيعه ( جراره سابقا ) وخذ يمين الى قريه العليا ومن قريه بامكانك تروح للنعيريه ومنها للخفجى ثم الكويت

او ما تلف للنعيريه وتروح سيده الى طريق القاعده ومنها الى الخفجى ومنها الى الكويت وهذا فيها اختصار للمسافه

على فكره هذا اقرب الطرق الى الكويت ولكنه سايد واحد والمسافه من الرياض الى الكويت على هالطريق

من اربع ساعات الى اربع ونص حسب سواقتك وتوقيفاتك

وان شاء الله تروح وترجع بالسلامه

[الشاص عز لهله]

والله يا طويل العمر اذا تبي نصيحتي اقعد في ديرتك ابركلك ترا درجة الحرارة اليوم 53 مهوب بس في موتري سالت كذا واحد قالي اي والله لاهوب و بالنسبة عن الاشياء الي ممكن تشتريها خصوصا انك مع عائلة يعني تفتيشكم سهل الشوازن و الفشق اما الباقي على حد علمي كلشي متوفر و بالنسبة للجوالات و الاكترونيات الشي ينزل عندكم قبل ينزل عندنا ولا تنسا دعاء الركوب وسلامتك

[نجم حفرالباطن]

افضل طريق تريده وتكسب راحتك
والطريق سيدين
من الرياض الى المجمعه على طريق القصيم بعدها من المجمعه الى حفرالباطن بعدها الى الكويت السالمي طريق فعلا مريح من ناحيه ان مرتاديه اناس كثر بعكس اذا كان مرتاديه نادرا وقله وايضا توجد خدمات الطرق موجوده هذامن وجهة نظري

[xRAHALx]

خلك فى السليم وان زادت المسافه عليك ... الرياض الدمام و على طريق ابو حدريه للخفجى و تدخل الكويت عن طريق منفذ النويصيب.

[slman]

(عليك بالسكة ولو طالت)
ابعد عن طريق البعارين
معك عايله الفرق مايستاهل المغامرة
والله يسهل عليكم

[شاهين تميم]

اخي الكريم انت معك عائلة اسلك الدرب اللي تكون الخدمات فيه متوفرة ومرتاديه كثر ولا يكون فيه بعارين

[مسلط العتيبي]

يـآهلآ وغ ـلآ يالذيب ..!

الطرق كثيـرة الي من الريـآض للكويت .. وماقصرو النشاما الي قبلـي ..

طرٍيق رمـآح شويـٍـه مايصلح لك آنت مع ـك ع ـآئلـه الله يحفظكم والطريق كلـه آبل وطريق غ ـيـر آزدواجي .

آمسك طـآل عمرك طـريق القصيـم . المجمعـة . الارطـآويـة . الحفر . ومنها علي الكويت .

8

طريق مزودج ومتوفره فيـه ج ـميـع الخ ـدمـآت ..

وع ـليك التفكيـر آولاً بالع ـآيلـة الي مع ـك ..) نصيحتي لك كـ آخ عليك بطريق القصيم المجمعة افضل بمراحل من طريق رماح شويـة ..


الله يحفظك ويردك سالم وغانم يالغ ـآلي ..

تحيتي لـ شخصك ..

[فهد العرجان]

اقول اطلع مع طريق رماح وماجاك عندي انا دايم اطلع معة ومعي عائلة

[سبيع الغلباء]

حياك
نصيحه اخويه انت معك عائله
مايصلح لك طريق رماح شويه الرفيعه


تحياتي.......,

[المقنع666]

هلا بالغالي يمدحون الهاف مون لا بعارين ولا غيره

تروح وترجع بالف سلامه

طريق المجمعه الحفر افضل الطرق واسهلها

مع تمنياتي لك ولعائلتكم الكريمه بسفر سعيد