رابــــطــــة مــلاك الـــــفــــورد الــحـــوض ..... (F 150, F 250, F 350, Raptor)

[بو جريس 73]

حياك الله يا ابو خالد ب 141 والساعة المباركه الي نخدمك فيها
اولا- ياليت لو ذكرت لنا طبيعة استعمالك يعني تبيه للبر او للمدينه او الأثنين

ثانيا -f-350 يوجد ثلاث انواع مكاين له 5,4 ليتر بنزين و6,0 ليتر بنزين عشرة سلندر نفس مكينة الأكسريجن ويتوفر نوعان ديزل 6,0ليتر توربو و7,8 توربو ! وانصحك بالمكينه الثانيه

ثالثا- بخصوص الأسعار فأتركها للشباب لأني بالكويت

ونصيحه اذا تبي قمارتين من موديل 94 الى 98 ترها على كيف كيفك تحميل + قوه + عنيف بالبر طبعا من واقع تجربه حيث استعملته لمدة سنتين .

رابعا - اذا تبيه استعمال مدينه وبر عندك f-150 قماره او ونص او قمارتين .

خامسا- بالنسبه لf-250 فهو لايفرق عن f-350 سوى ان f-350 للتحميل الثقيل جدا ويجي منه دبل تاير .

و إن شاء الله تتوفق بموتر ونشوفك معنا بالرابطه

[ابوخالد ب141]

عفوا ماذكرنا نوع المكينة
نوع المكينة 8سلندر
الشي الثاني استخدمة في المدينة والبر والسفريات
وممشى الموتر 100 الف
اهم شي سعره
عجلواا علي ياجماعة الربع لايروح الموتر

شاكرا لكم

[الضاحي]

السلام عليكم ورحمة الله وبركاته
مرحبا بالجميع
ياشباب همتكم انصحوني
عرض علي فورد اكسكيرجن2001 غمارتين دبل f350
وخوفوني الناس من مشاكله
فبماذا تنصحوني €وبكم تتفاوت اسعارها
في الحقيقه انا محتار جدا جدا
والصراحه جربته وخذيت فيه لفه عجبتني قيادته
والموتر مركب عليه صندوق غريب كله درووج
زي حق الدفاع المدني
المههمم عجلوا علي بالرد الله لايهينكم
اهم شي سعره حول كم؟؟؟؟؟؟؟؟؟؟
وودي اشرف الرابطة بالموتر؟؟؟
واكييد التفاعل مطلب ضروري..

عفوا ماذكرنا نوع المكينة
نوع المكينة 8سلندر
الشي الثاني استخدمة في المدينة والبر والسفريات
وممشى الموتر 100 الف
اهم شي سعره
عجلواا علي ياجماعة الربع لايروح الموتر

شاكرا لكم

هلا يا ابوخالد ومرحبا

شف وانا اخوك:

السيارة عموما ممتازة وجبارة وقوية

لكن يجب معرفة امور كثيرة عنها حتى يتم تقدير السعر بشكل عادل، مثلا:

* هل هو سعودي (وكالة) او امريكي او خليجي؟
* هل سبق ان تعرض الى حوادث او تخبيط او مشاكل في القير او الدبل؟
* هل صيانته كانت في الوكالة او لا؟
* الشكل العام نظيف او لا؟
* هل فيه مشاكل ميكانيكية او كهربائية في الوقت الحاضر؟
* هل كان من سيارات شركة مثل ارامكو او الكهرباء او مقاولات لأنك تقول ان عليه صندوق كله دروج؟

الاجابة على الاشئلة هذي توضح امور كثيرة وانا اخوك وان حصل صور بعد فأحسن.

ولا تنسى الاستخارة يا ابوخالد.

[بو جريس 73]

اهداء الى الضاحي واعضاء الرابطه
واخيرا عرفت شلون اضيف صور باركولي خخخ

حبيت اشارك اليوم بصوره لموتري الفقيد الي بأرجع اشتريه وراعيه مو راضي يبيعه المهم الموتر f-150موديل 1987 نادر بالكويت بحيث نزل 15 حبه بعد انتهاء المقاطعه وطبعا الصوره بعدالتضبيط لأني خذيته بدي فقط !http://ومن الأمام http://]ومن الخلف بالتوقيع وحسافه صوره المكينه والداخليه ضايعين من التلفون وياجماعه اول صور انزلها وبعد ساعتين معابل لأني توني عليمي بالكمبيوتر

[I COM 2100]

مووووووووفقينَ إن شآء آلله

[بو جريس 73]

مووووووووفقينَ إن شآء آلله

الله يسلمك ياخوي والساعه المباركه الي سيرت علينا

[بو جريس 73]

(( السلام عليكم ورحمة الله وبركاته ))

حيا الله الشباب

وبعد أذن مؤسس الرابطه الأخ/(( ابو فهد)) عندي اقتراح ودي اطرحه عليكم الا وهو طرت علي فكرة وانا قاعد انزل صور وانيتي الفقيد تيمور طبعا بعد ساعتين معابل مع الكمبيوتر بأن يتفضل كل عضو يشارك

بصورة لموتره ومعلومات عنه واذا توجد اضافات عليه او تجهيزات وذلك لكي يستفيد كل عضو من خبرات

الأعضاء الكرام والتعارف بينهم وان تعم الفائدة على الجميع وعن استعداداتهم للموسم القادم (( إن شاء الله عز وجل إن كنا من

الحيين )) والله يجعله موسم خير وبركه وعن نفسي انا حاضر بالي تامرون عليه سواء من معلومات او حلول

لمشاكل بالمواتر واذا كنت عارف فيها ماراح أتخر عليكم إن شاء الله

هذا وتقبلوا اقتراحي بفائق الأحترام والتقدير

[F_150]

أمسي بالخير على جميع أعضاء الرابطه
حبيت أشارككم بصور لموتري
أتمنى أن تحوز على أعجابكم

ولكم مني أجمل تحية

[بو جريس 73]

ماشاء الله تبارك الرحمن

يعطيك خيرة ويكفيك شره إن شاء الله

والله يمسيك بالخير يا f-150ومشكور على التفاعل ياخوي مع الموضوع بس ياليت تفيدني بشغله الله لايهينك

انا معروض علي حاليا اخو موترك جير عادي دبل ارضي كامل المواصفات وحوضه رفرف بس الموديل هذا

ماجربته وياليت تفيدني وشلونه بالخط يعني فوق 140ينزل اكثر!! وهو راهي وشلونه بالغراز فعله طيب !

ومره ثانيه اشكرك على تفاعلك مع الموضوع وارجو ان لاتنقطع عنا ويعطيك الف عافيه .

[F_150]

عليكم السلام ورحمة الله وبركاته

الله يمسيك بالنور أخوي zxs-73
ومشكور على تفاعلك

وشلونه بالخط يعني فوق 140ينزل اكثر!!

مافهمت عليك؟؟

بالنسبه لي, أكثر أستخدامي له بالخط في الآونه الأخيره, أضرب مشاوير طويله.
ماأشتكيت منه أبد,

تجربتي للموتر بالنفود قليله بحكم المنطقه اللي أنا فيها.. لكن ممشاه بالنفود طيب,
وجربته بالارض الوعره وماقصر ,, كرفته كرف موصاحي وأثبت جدارته..

أنشاء الله أكون أفتدك.
تحياتي

[بو جريس 73]

الله يسلمك ياخوي f_150

عز الله انك ماقصرت ومشكور على المعلومات الطيبه وبتوكل على الله وبشوف راعي الموتر وبتفاهم معاه

والله كريم , وبخصوص وشلونه فوق 140 بالخط يعني السرعه لما تبدل خامس ينزل حد الطبلون ولا يقفل

هذا الي اقصدة بس من كلامك انه ماعليه اقصور بالخط .

مرة ثانية مشكور وماقصرت على المعلومات الطيبه من وجه طيب

[F_150]

صبحكم بالخير

أخوي zxs-73
العفو,ماسوينا شي,

بالنسبه للسرعه,الموتر طبلونه 160 ويفصل على 150
هذا بالنسبه لموتري (توكيلات الجزيره).

إنشاء الله أكون أفتدك

تحياتي

[بو جريس 73]

مشكور والله يعطيك العافية على المعلومات والله يوفقك

[بريشيع]

الاخوان الكرام/السلام عليكم
فوردf150القزاز (هندل)يدوي وكذالك القفل
ارجوا افادتي عن تحويلها الي كهرب الموديل 2005باب واحد
وشكرا..

[الضاحي]

اهداء الى الضاحي واعضاء الرابطه
واخيرا عرفت شلون اضيف صور باركولي خخخ

حبيت اشارك اليوم بصوره لموتري الفقيد الي بأرجع اشتريه وراعيه مو راضي يبيعه المهم الموتر f-150موديل 1987 نادر بالكويت بحيث نزل 15 حبه بعد انتهاء المقاطعه وطبعا الصوره بعدالتضبيط لأني خذيته بدي فقط !http://ومن الأمام http://]ومن الخلف بالتوقيع وحسافه صوره المكينه والداخليه ضايعين من التلفون وياجماعه اول صور انزلها وبعد ساعتين معابل لأني توني عليمي بالكمبيوتر

سيارة رائعة ونادرة جدا وجميلة جدا

يا زينك يا تيمور زيناه

عسى الله يوفقك وتستعيد تيمور بالسعر اللي تقدر عليه

وان شاء الله نشوفه معاك في اول تجمع لأعضاء الرابطة

قول آآآآآآمين