رابــــطــــة مــلاك الـــــفــــورد الــحـــوض ..... (F 150, F 250, F 350, Raptor)

[بو جريس 73]

آمين

حيا الله اخوي ابو فهد فقدناك ومن طول الغيبات جاب الغنايم

[بو جريس 73]

السلام عليكم ورحمة الله وبركاته

الموضوع/ دعوة نقاش ومشاركة خبرات ومعلومات

استفسار لأعضاء الرابطه والزوار الكرام هل يوجد لشركة توكيلات الجزيره بالمملكه فورد حوض f-150موديل 2004والى 2008بمواصفات (( جير عادي دبل دفرنس )) 8 سلندر ؟ او لم ينتج هذا الموديل جير عادي دبل دفرنس اساسا !! لأني بحثت بمواقع البيع الأمريكيه دائما احصل جير عادي دبل بس 6 سلندر يعني ركض تسبق الموتر وبالكويت عندنا يقولون الوكاله لم يصنع بهذه المواصفات !! و هذة فرصه قلنا نتبادل الخبرات والمعلومات ومنها نحرك الرابطه شوي

والله يعطيكم العافيه .

[بن دعيلج]

:: السلام عليكم ::


:: ما هي أفضل الكفرات على ونيت F-250 4x4 ::



:: بن دعيلج ::

[بو جريس 73]

وعليكم السلام ورحمة الله وبركاته

حياك الله يا اخ(( بن دعليج)) وبخصوص سؤالك اذا كان موديل موترك من 91 الى 98 عليك با الجود ير

العراض واذا من 99 الى 2008 عندك برلي العقرب وموفق خير إن شاء الله

وتقبل مروري اخي العزيز

[الضاحي]

آمين

حيا الله اخوي ابو فهد فقدناك ومن طول الغيبات جاب الغنايم

هلا بالحبيب الغالي هلا

ما تفقد غالي يا غالي

سفرة قصيرة مع العائلة ورجعنا قبل ليلتين ولله الحمد

وابشر بالغنايم والله

[بو جريس 73]

هلا بالحبيب الغالي هلا

ما تفقد غالي يا غالي

سفرة قصيرة مع العائلة ورجعنا قبل ليلتين ولله الحمد

وابشر بالغنايم والله

الحمدالله
على

السلامه

[الضاحي]

أمسي بالخير على جميع أعضاء الرابطه

حبيت أشارككم بصور لموتري
أتمنى أن تحوز على أعجابكم

ولكم مني أجمل تحية

موتر رائع يدوس البر والبحر بلا خوف او هيبة

الله يعطيك خيره ويكفيك شره

يا ليت تعطينا مواصفاته يا اخوي

[ابو شهوان]

الله يعطيكم العافية
وسجلوني معكم
الموتر150
الموديل :2007

[احمدالصالح]

السلام عليكم ورحمة الله وبركاته
وانا اقلب اليوم بالانترنت اادور قصايد بالفورد او الهاف وحصلت هاذي القصيدة وحبيت انكم تشاركوني بقراءتها وصف عملية تجهيز الهاف قبل عملية التهريب وواصف ماجرى اثناء مروره من مركز الحدود مهربا سلع او بضائع

راكب اللي تعبين عليه المتجر_×××_هاف حيث الهاف ماله مع العالم وجود
احمر سته وستين لوحاته سمر_×××_ في ثلاثين الف بالضبط للبيع محدود
واشتراه اللي يبي قطف نوار الزهر_×××_دافع كل الثمن كاش مايطلب قصود
ومرنه وسط البلد لين وافق للسفر_×××_ماتغالى فيه دفع الخساير والنقود
ودخله عقب التمرن كراجات النمر_×××_ لاجل تكميل اللحايق وتدبيل العضود
دبل السبرنق عل لايميل وينهصر_×××_والتواير جددن طقم بريجستون سود
وحمله من عند خيطان وجنب للبحر_×××_مع تقاطيع الشعيبه على مينا سعود
ويدهج الوفره ومنها مشى عقب الظهر _×××_ ناحر الكبريت ماله عن المركز صدود
جاك مثل مقادع الذيب معطيهم نحر_×××_ حاذف نفسه تحت عين حلال العقود
ومرهم في غفلة ماخذو عنه حذر _×××_واوجسو حسه وهم قبل رقاد سجود
وطلبوه اخوان رشده يقصون الاثر_×××_خلو الرشاش قفوه مثل قصف الرعود
يطردون الهاف ماعندهم علم وخبر_×××_ وهو جديد ولاقضب طارته رخو الزنود
ماركة مصنع امريكا مهو دوج وشفر_×××_ وارد كل يخبره مجرب ومحمود
يطنخ السايق بحسه ايلامنه زفر_×××_عند مايذكر غرابيل نزلات وصعود
صافي منه النواظر تحير وتفتكر_×××_ اسرد ودك تغطيه عن عين الحسود
المواتر كواكب وهو مثل القمر_×××_مايسبه كود كوبان والهيس الربود

[saalh123]

السلام عليكم
سجلوني يالربع معكم
f150 غمارة ابيض دفرنسين 2003 قير تماتيك
وتراه لللبيع عليه سوم 30000ريال

[الضاحي]

السلام عليكم ورحمة الله وبركاته
مرحبا بالجميع
ياشباب همتكم انصحوني
عرض علي فورد اكسكيرجن2001 غمارتين دبل f350
وخوفوني الناس من مشاكله
فبماذا تنصحوني €وبكم تتفاوت اسعارها
في الحقيقه انا محتار جدا جدا
والصراحه جربته وخذيت فيه لفه عجبتني قيادته
والموتر مركب عليه صندوق غريب كله درووج
زي حق الدفاع المدني
المههمم عجلوا علي بالرد الله لايهينكم
اهم شي سعره حول كم؟؟؟؟؟؟؟؟؟؟
وودي اشرف الرابطة بالموتر؟؟؟
واكييد التفاعل مطلب ضروري..

يا ابو خالد

بشر وش صار عليك ؟؟

[f1502000]

السلام عليكم جميعاً السراحة غبت عن مكشات لي فترة ولقيت فيه تغيير واهم شي اني لقيت هذه الرابطة واحب اكون مشارك فيها انا سيارتي f-150 غمارة ونص موديل 2000 المكينة 5.4 استعمال امريكي له اربع سنوات تقريباً معي ماشاء الله سيارة توسع الصدر .

[بو جريس 73]

السلام عليكم جميعاً السراحة غبت عن مكشات لي فترة ولقيت فيه تغيير واهم شي اني لقيت هذه الرابطة واحب اكون مشارك فيها انا سيارتي f-150 غمارة ونص موديل 2000 المكينة 5.4 استعمال امريكي له اربع سنوات تقريباً معي ماشاء الله سيارة توسع الصدر .

ماشاء الله تبارك الرحمن

حياك الله يا اخ f-150 2000 والساعه المباركه انتسابك للرابطه والله يكفيك شر موترك ويعطيك خيره وإن شاء الله نشوفك على خير .

[بو جريس 73]

الأخ / ابو شهوان

الأخ / saalh123

حياكم الله الساعة المباركة يا شباب ونورة الرابطه وما وصيكم بالتواصل

[بو جريس 73]

السلام عليكم ورحمة الله وبركاته

الموضوع/ دعوة نقاش ومشاركة خبرات ومعلومات

استفسار لأعضاء الرابطه والزوار الكرام هل يوجد لشركة توكيلات الجزيره بالمملكه فورد حوض f-150موديل 2004والى 2008بمواصفات (( جير عادي دبل دفرنس )) 8 سلندر ؟ او لم ينتج هذا الموديل جير عادي دبل دفرنس اساسا !! لأني بحثت بمواقع البيع الأمريكيه دائما احصل جير عادي دبل بس 6 سلندر يعني ركض تسبق الموتر وبالكويت عندنا يقولون الوكاله لم يصنع بهذه المواصفات !! و هذة فرصه قلنا نتبادل الخبرات والمعلومات ومنها نحرك الرابطه شوي

والله يعطيكم العافيه .

للرفع--------