رابــــطــــة مــلاك الـــــفــــورد الــحـــوض ..... (F 150, F 250, F 350, Raptor)

[awod]

مساكم الله بالخير

وبشرونا عنكم

ياجماعة الخير عندي استفسار بسيط

وهو ارتفاع حرارة موتري بعد سرعة 140 ترتفع الحراره واذا هديت السرعه نزلت لين الربع

اذا المشكله بالتماتيك حق المروحه

المفروض انه الهواء على السرعه هذي يساعد المروحه بتخفيف الحراره

واذا قلنا غطاء الرديتر احتمال كبير يكون منه

واذا قلنا تسييخ الرديتر شي طبيعي يكون منه علماً بأنه المونيم

هل احد مرت عليه هالحاله ؟



وحبيت استشير قبل ما أبد

حياك الله ياخوي
وش نوع موترك ؟
انا عندي F150موديل 2006
اذا وقفت في الزحمه يسخن المكيف وترتفع الحراره الى اكثر من النص
علما ان الطبيعي فيه هو النص .

[ذيب العيص]

السلام عليكم .........
اخواني ودي اسالكم ...يم اشبك الدبل تلع لمبه صفراء ......low Range
وش معناها...مع اني مشيك ع السيارة من الى...

[مضاد]

حياك الله ياخوي

وش نوع موترك ؟
انا عندي F150موديل 2006
اذا وقفت في الزحمه يسخن المكيف وترتفع الحراره الى اكثر من النص

علما ان الطبيعي فيه هو النص .

ابقاك الله يالغالي
موتري f250 موديل 97

تأكد من مراوح المكيف هل تشتغل مع المكيف او لا وهل الرديتر عندك حديد؟
وتأكد من بلف الحراره والافضل انك تشيله الحين الجو مولع

[مضاد]

السلام عليكم .........
اخواني ودي اسالكم ...يم اشبك الدبل تلع لمبه صفراء ......low Range
وش معناها...مع اني مشيك ع السيارة من الى...

وعليكم السلام

هذي وانا اخوك لمبة الدبل نفسه انت شبكة الدبل على الخفيف

وهذي لو رانج يعني انك معشق الدبل على الخفيف

امورك بالسليم يالغالي

[بو يزيد]

وعليكم السلام

هذي وانا اخوك لمبة الدبل نفسه انت شبكة الدبل على الخفيف

وهذي لو رانج يعني انك معشق الدبل على الخفيف

امورك بالسليم يالغالي

لا الله يرحم والديييك

الدبل الخفيف هو high

الدبل الثقيل هو low


و طبعا ما يخفى عليك ان الثقيل نادر ما تشغله الا للحاجة ,, سواء مغرز او نبي تسحب

[بو يزيد]

ياجماعه الخير ..
انا عندي وانيت F-250 وابي اغير كفراته المشكله ,,الجنوط مقاسها 20
والكفرات غاليه على هذا المقاس ,, وش تنصحوني نوع كفرات
ولا اغير جنوط احط مقاس اصغر

لا تكون فيصل خوينا بس ههههه

المهم يا الغالي انا انصحك انك تاخذ جنط 16 و تركب كفرات كبيرة

يعني ام 33 او 35 انش ,,, اتوقع بيطلع شكله احلى

و اريح بالمطب ,,, لكن الهواء بيصير واااجد , يعني بتعبيه هواه 50 يمكن !!

[ذيب العيص]

بيض الله وجيهكم اخوي مضاد وبويزيد ...ورحم الله والديكم

[الهشمي]

السلام عليكم ورحمة الله وبركاته
اتمنى الانضمام اليكم في هذه الرابطة


المزيون f350 موديل 2008 غمارة .. جير عادي .. دبل ارضي

وفي القريب العاجل سأضع بين ايديكم صوووره

[((ابوملاك))]

لا الله يرحم والديييك

الدبل الخفيف هو high

الدبل الثقيل هو low


و طبعا ما يخفى عليك ان الثقيل نادر ما تشغله الا للحاجة ,, سواء مغرز او نبي تسحب

هههههههههههههههههههههههههههههههههههههههههههههههههه هههههههههههههه

انا مالي دخل بالدبل بس معناة low منخفض

و high مرتفع او عالي

[مضاد]

لا الله يرحم والديييك

الدبل الخفيف هو high

الدبل الثقيل هو low


و طبعا ما يخفى عليك ان الثقيل نادر ما تشغله الا للحاجة ,, سواء مغرز او نبي تسحب

ويرحم والديك يالغالي

اخبارك اعلومك ؟

لو خوينا شغال على الثقيل بانت معه السياره بالثقل لكن الرجال شابك الخفيف عشان كذا ماحس بالدبل
كل الي باين معه لو رنج اللمبه

ماقصرت ابو يزيد على التوضيح

[بو يزيد]

السلام عليكم ورحمة الله وبركاته
اتمنى الانضمام اليكم في هذه الرابطة


المزيون f350 موديل 2008 غمارة .. جير عادي .. دبل ارضي

وفي القريب العاجل سأضع بين ايديكم صوووره

و عليكم السلام و رحمة الله و بركاته ,,,

حياك الله انت و موترك , ما شاء الله تبارك الله آخر موديل من القير العادي, و نعم ما اخترت

الله يباركلك فيه , و عجل ترى صبرنا قليييل نبي صور و علوم زينة

بيض الله وجيهكم اخوي مضاد وبويزيد ...ورحم الله والديكم

وجهك ابيض , ووالديك ان شاء الله

ويرحم والديك يالغالي

اخبارك اعلومك ؟

لو خوينا شغال على الثقيل بانت معه السياره بالثقل لكن الرجال شابك الخفيف عشان كذا ماحس بالدبل
كل الي باين معه لو رنج اللمبه

ماقصرت ابو يزيد على التوضيح

الله يطيب محياك,,

و الحمد لله انا بخير يا الغالي لكن موتري ما هو بخير

بكتب اللي صار عليه ان شاء الله

[مضاد]

السلام عليكم ورحمة الله وبركاته
اتمنى الانضمام اليكم في هذه الرابطة


المزيون f350 موديل 2008 غمارة .. جير عادي .. دبل ارضي

وفي القريب العاجل سأضع بين ايديكم صوووره

الله يعطيك خيره ويكفيك شره واستعجل لنا بالصور لاتصير مثل العوفي طلبناه صور وتغلى علينا

الله يطيب محياك,,

و الحمد لله انا بخير يا الغالي لكن موتري ما هو بخير

بكتب اللي صار عليه ان شاء الله

دامك بخير الله يجعله دوم والموتر الله يعينك عليه وبنتظار ذكر مشكلتك والله يعينك

[بو يزيد]

يا الله حيهم ,,, من زمان و انا اتبع الرابطة و مشاركات خفيفة

المهم يا طوال الشوارب ,,, خرب القير عندي

ذاك اليوم كنت بالخبر عند الكرنيش <<< متعشي بشرنبي ههه

و بعد ما خلصت عشا و سوالف مع الشباب

شغلت موتري و مشيت. خويي كوكني و قال ادعس و من هالحركات

عاد انا ما صدقت ,,, زريتله بالاول , و بالثاني , و بالثالـــ ,,, لا لا لا لحظة

في شي غلط... سلمات يا بو يزيد؟؟؟ ابي اعشق ثالث و القير فلت

صار القير كنه عالفاضي ,, العصا تتحرك و لكنها ما تمسك شي, و لا تركب بأي نمرة

انا انخرشت,,, طبعا الكلام ذا صار يمكن قبل اسبوعين,. المهم

وديته بسطحة <<< الباكستاني واااصلة معه,,, السطحة يااااا الله تمشي من ثقل الموتر هههه

المهم عاد وديته عند ترايستار قالو ما نشتغل بقير عادي

و الله و اوديه عند يماني اعرفه, ماهوب بشين مرة. قلت له لا تفرط القير, تبي تشيك افتحه

من فوق عند العصا وطالع, و الله من اليوم الثاني و يدق علي و قالي هذا الذراع انكسر..

طيب الحل ؟؟ قال نفرط القير و نوضبه و تجيبلك ذراع جديد ( شغل يد 2000) !! و لا يماني بعد هههه

و اشيل الموتر و اوديه عند ورشة فلبن مختصة بالقيور عادي و تماتيك, و الله و يفتحه و قالي هذا الهلال مكسور !!!

عاد مدري هو اليماني يقصد بالذراع نفس القطعة ذي اللي يقول عليها الفليبي و لا لا.

و مرة وحدة الكلتش كان في رجه بالتقويمة قلت اطقملي كلتش جديد

طبعا فكرت اني اجيبلي كلتش رياضي من برى ,,, لكن بعد الحساب اتضح لي انها ما تسوى

كلتش رياضي 2000 ريال بدون شحب !!! مع الشحن 3000 الاف

قلت آخذلي وكاله اصرفلي ,,, و اروح الوكالة و آخذلي طقم كلتش و صوف و سيليكون

و طلبت الهلال,,, طبعا ماهو موجود و طلبية يجي بعد شهر او 3 اسابيع

سعر الهلال 350 بس ,,,

كل هالسالفة عشان لا جيت تعشق يا انت تعشق بهداوة و تلصق ام الكلتش بالارض

اللي كسر الهلال هو تعشيقي السريع طلبا لسمع "قرصة الثالث" و طبعا القير ما عشق او ما لقم

طبعا ما انكسرت من اول مرة اسوي هل الحركة ,, لا وييين دايم اسويها

واحد من الشباب يقولي اذا القير ما لقم على " ار بي ام " او " ضغط" عالي , فهي بسبة النحاسات تكون منتهية

سألت الفلبيني عن النحاسات و فحصها قالي سليمة ما فيها شي,,, رايكم؟؟

عاد انا مغير زيت القير قبل كم شهر ... طبعا سود شوي

لذلك نويت أشتري زيت مطور "ساينثتك synthitech " يعيش أكثر و يحسن التعشيق

حسب كلام واحد بمنتدى فورد الأمريكي http://www.ford-trucks.com/forums/index.php

هذا افضل منتدى امريكي متخصص بالفورد " ونيتات فقط"

و هذي كم صورة

هذي القطعة نفسها المكسورة (الهلال)



و هذي الصوفة



و هذا الكلتش ,,, الظاهر هذا الدسك <<< خبرتي بالكلتش ميييح



و هذا بعد الكلتش مفوك و باقي عالقير





ادري اني طولت عليكم مرررة لكن استحملوني و ودنا بنصايحكم,,, و لحد يعشق بسرعة مرة ثانية

[مضاد]

عندك خير وعندي نعمه من التعشيق السريع

لدرجة ان النمره الثالثه ماتعشق الا بصوت قغغغغغ

وللحين مافحصته مدري هو ترس ولا وش سالفته

بس على فكره موترك وش نوعه وموديله؟ >اخوك نساي

وبعدين وش تبي بالرياضي هالمكلف طق له من عند توكيلات الجزيره والحمدالله وكم كلفت قيمة السلع ؟

وكم شغل اليد؟

[بو يزيد]

عندك خير وعندي نعمه من التعشيق السريع

لدرجة ان النمره الثالثه ماتعشق الا بصوت قغغغغغ

وللحين مافحصته مدري هو ترس ولا وش سالفته

بس على فكره موترك وش نوعه وموديله؟ >اخوك نساي

وبعدين وش تبي بالرياضي هالمكلف طق له من عند توكيلات الجزيره والحمدالله وكم كلفت قيمة السلع ؟

وكم شغل اليد؟

الحمد لله على كل حال يا رجل

انا موتري f 250 موديل 2000 قير عادي xlt

الرياضي سلمك الله يمسك اكثر ... فايدته لا خذتلي كفرات 35 انش و ثقلت على الموتر ذاك الوقت تفيد

قيمة القطع : الكلتش 1400 و الصوف 100 و الهلال 350 = حوالي 2000

شغل اليد حول الالف و تسع

لو تبي تشوف صورة الموتر تلاقيه بالصفحات اللي ورا