احسن صيد على السيف

[الغربي]

السلام عليكم ورحمة الله وبركاته
ابي احسن موقع صيد على السيف في المنطقة الشرقية



هاوي صيد

[لقاط الفقع]

العقير ورأس بو قميص

[MARINE]

السلام عليكم ورحمة الله
كيف حالك اخوي الغربي فيه مناطق كثيره على الساحل الشرقي وافضلها على ما اعتقد راس ابو قميص
وفيه مناطق كثيره مثل تناقيب، السفانيه، راس الغار، راس تنورة
الجبيل، الخفجي، سلوى، القريه، العقير، راس مشعاب
واذا فيه اكثر مادري واعذرني على الاطاله وحياك الله وبياك
واتمنى لك التوفيق واذا صدت شئ لا تنسانا
اخوك
MARINE

[الغربي]

ابشر بالخير MARINE
والله اني ادمنت الصيد وابشر بالخير وتراني صايد هاموره 10كيلو في الهافمون

وفي الجسر فالينها في الشعري اللى يحبه قلبك
وبنسبة لراس تنوره يمدحون فيها السبيطي
وانا من هواه الصيد واحب اللى بحب الصيد
لاكن الله يرزقنا برزق من عنده

[MARINE]

السلام عليكم ورحمة الله وبركاته
كيف الحال اخوي الغربي اقولك الهامور 10 كيلو من وين صايده في الهافمون
اذا تعطيني المكان ابكون شاكر لك
وروح شوف صور صيد في القسم البحري اللي منزلها اغلبها في ابو قميص
اخوك
MARINE

[رحال]

هلا وغلا اخي العزيز / الغربي وحياك الله

نعم كما ذكر لك الاخوان لقاط الفقع و MARINE ولهم جزيل الشكر هذه هي افضل اماكن الصيد وخصوصاً بوقميص

بارك الله فيك يالغالي
اخوك بوخليفـــــــــــه

[lone]

مرحبا شباب...

لا تواخذونا على المشاركة البسيطة... بس اسمع الشباب يذكرون ابو قميص واجد واخوكم مدمن صيد بعيد عنكم، لكن اذا احد يقدر يوصف لنا وين ابو قميص وفي أي مكان في ابوقميص يكون الصيد اكون له من الشاكرين...

وجزاكم الله كل الخير...

[Bo Rashed]

السلام عليكم ورحمة الله وبركاته
تحية عطرة لكل الاخوة

واولا اعتذر عن غيابي بسبب بعض الظروف الخاصه ولكني لما رايت الموضوع احببت ان اشارك واذكر موقع ممتاز للصيد على السيف لم يذكره الاخوان وهو:

راس ابو علي

تحياتي
وفقكم الله

[MARINE]

السلام عليكم ورحمة الله وبركاته
كيف حالك اخوي lone راس ابو قميص يالغالي حدود السعوديه قطر
كنك متجه على البطحاء على الطريق تشوف لوحه مكتوب عليها بوقميص ـــــــــــــــــ>
بس لازم تاخذ تصريح من سلوى.
اخوك
MARINE

[gulfhunter]

السلام عليكم ورحمة الله وبركاته

حياك الله يابوراشد...... وين الغيبات ....

تناقيب (الشرحه) من أفضل المحادق على السيف .. الخرسانيه .................راس الزو....

[gulfhunter]

أسف ياشباب

تعديل

تناقيب (المشرحه)

[القماري]

إذا كنت من الهواة وطلعات خفيفه فكورنيش الدمام والعزيزية وكورنيش الجعيمه مكان طيب
إما إذا على ثقيل فكما ذكروا الشباب ( السفانية - راس الزور- أبوقميص - العقير- راس أبوعلي)

[الغربي]

MARINE
تعرف شاطي تالا طبعا
قبل ماتوصل فيه محطه بنزين قبل المحطه فيه شاليهات داخل الشليهات اذا كان تعرف احد واذا ماتعرف احد ابشر بالخير ابي اروح انا وانته وثالثنا الهواء
حدد انته الوقت وراسلني على الايميل وبشر وترا الصيد وافر والكنعد يدور السلس

[الكشاح]

السلام عليكم ورحمة الله وبركاته

موضوع جميل...الصيد في ابو قميص

اشكر الجميع على المشاركة الفعاله

اخي العزيزMARINE عفو ليش ياخذ تصريح من سلوى ومن وين بالظبط

وكوني انا قادم من الامارات كيف احصل على التصريح ارجو التوضيح

ويسلم الجميع

[lone]

الأصل كُتب بواسطة MARINE
السلام عليكم ورحمة الله وبركاته
كيف حالك اخوي lone راس ابو قميص يالغالي حدود السعوديه قطر
كنك متجه على البطحاء على الطريق تشوف لوحه مكتوب عليها بوقميص ـــــــــــــــــ>
بس لازم تاخذ تصريح من سلوى.
اخوك
MARINE

مرحبا اخوي MARINE

معلش ازعجتك واجد... بس ياليت توضح لي بالنسبة للتصريح... اخذ تصريح من قيادة الخبر وبعدين اروح لسلاح الحدود في سلوى أو اروح سلاح حدود سلوى مباشرة واخذ تصريح من عندهم... وهل أي شخص يصرح له بالصيد في ابو قميص... ترى المشوار بعيد ولا ودنا نضرب مشوار وبعدين يردونا كالعادة...

وجزاك الله كل خير...