كبسة ( حبببابوووو ) رز ابو بنت .. لاهل المزاج الخاص ...تقرير من .... سرهيد

[راعي سمنان]

ما شاء الله جعله بالعافيه عليكم يابو عبدالله انت والعييل الله يصلحهم ويبارك فيهم ويجعلهم من عباده الصالحين ويجعلهم بارين بوالديهم و والدين والديهم

مبدع يابوعبد الله عالعاده ما شاء الله تبارك الله ...... مافيك حيله وفالك البريموس ..... قصدي البيرق

الموضوع ممتاز واكثر شي اعجبني دحض شائعه ان بريموس العنكبوت مايصلح الا للشاهي والقهوه فقط

انا اعتبر هالموضوع دليل رسمي وقاطع في وجه كل من تسول له نفسه بالتساهل او التقليل :d من قوه بريموس العنكبوت وكذلك على قوه بريموس العنكبوت ما شاء الله تبارك الله

ابوعبد الله يقول الشاعر عن بريموس العنكبوت :
لاموني اللي غارو مني .... قالولي وش عجبك فيها

مادري وش باقي القصيده يابوعبدالله كمل انت

[هجراوي]

تسلم يا اخي الغالي ابو عبدالله على هذا الابداع ...

و اكثر ما اعجبني قي الموضوع انه مدعم بالمقادير المسانده للطبخه

و البريموس العنكوب كانت لي عدد من تجارب الطبخ معاه و دايم بيض الوجهه و ما لي عليه الا انه يتعب اذا بغيت "تنمله" بشكل خفيييييف جدا بعض الاحيان يزيد من حاله ...

موضوع اكثر من رائع بارك الله فيك و في و قتك و جهدك

[بو علي العلوي]

مبدع مبدع مبدع .. لا هنت ..

[هدد ؟؟؟]

ماشاء الله .. البريموس يرفع والسب يكبس .. والباقي علينا هههههه
سلمت يمينك وجعلها عوافي عليك ومن معك ..

القرع لاصار بلدي والحبحر يعطي طعم ثااااني للكبسه ..

جعلها يدين ماتمسها النار ووالديك وذريتك والمسلمين .. آمين ..
وفالك البريموس اللي تطبخ عليه حاشي ..

[العتين]

ما شاء الله تبارك الله
شغل مرتب

[أبومنصور]

وبعد ما تسمع صوت القدر يتس ، تقصر عليه ( تنمله ) لمدة ما ربع الى ثلث

ههههههههههههااي يا حبي لك يابو عبدالله على قوله ابو فهد يبي لها موضوع لحاله عاد انا شهادتي مجروحه بكبستك يابو عبدالله عز الله انك تحوف النثري حووووووف عافاك الله وجزاك عنا كل خير

[سرهيد]

مشالله ابوعبدالله

ههههههههههههههههههه
الي عندي ابو بنتين هههههه وطحت بواحد اسمة نجمة
والله اعجبني بقوووة
تسلم على الطبخة وبيض الله وجهك

ولعلمك قدر الضغط الاولى له الرز الامريكي

هلا وغلا بالعازف

ويا مراحب

يعني تقصد ان رز ابو نجمه طعمه طعم رز ابو بنت

ان كان كذا علمني نروح نجربه ونشوف

وشرفتني بحضورك لا عدمتك

تقبل مودتي واحترامي

[سرهيد]

رد متقدم

يحيك ربي اخوي الكريم mnh

هذا ردي عليك طال عمرك

ابو عبدالله انت شخص رااااائع وابغا اسوي الطبخه بس حاجتين كيف اسلم منها .........


تقريرك صوره روعه صراحه ياليت الله يعافيك تساعدني في التغلب على هاتين المشكلتين :-

كيف اظبط وزنيه الماي ........؟

كيف اظبط مقدار الملح في الطبخه ...؟؟

وهذي الصورة



وبخصوص الملح بامكان وضع القليل والتذوق حتى ترى الطعم المناسب لك

تقبل احترامي ويحيك ربي

اخوك

ابو عبدالله

[سرهيد]

ما شاء الله تبارك الله

واشوف الخيمة منورة ليه

الله يعطيك العافية على الشغل الكايف ابو عبدالله

بس العتب انعدام المواضيع هنا

كلها بخيمة العدد

بيض الله وجهك مبدع على طول الخط

سالم من كل شر

وان شاء الله تكون البداية

اخوك ابو اسيل

(بريموس لابد من حضوره )

هلا بك اخوي الكريم mo7taj

الخيمة منورة بشرواك طال عمرك يعلني ما اعدمك آمين

صدقت خيمة العدد خيمتي المفضلة ولكن احببت ان انواع تواجدي واظهار الجانب الآخر لبو عبدالله بغيت اخليه الشيف سرهيد مع ان اسم سرهيد

وما عليك زود في الابداع ان قدوتنا في الطبيخ ما شاء الله عليك .

واتمنى ان اكون متواجد معك على طول الخط

بريموس عشق لا ينتهي ليس تعصبا ولكن فرض نفسه عليّ بجودته التي تجعل تتمسك فيها في كل ما يخص الطبخ .

اسعدني مرورك

تقبل مودتي

[بندوري عبود]

الله يعطيك الصحة والعافية
شغل حلو ومرتب جعله مهابيط العافية ان شاء الله
تقبل مروري ودمت بألف خير

[MNH]

رد متقدم

يحيك ربي اخوي الكريم mnh

هذا ردي عليك طال عمرك



وهذي الصورة



وبخصوص الملح بامكان وضع القليل والتذوق حتى ترى الطعم المناسب لك

تقبل احترامي ويحيك ربي

اخوك

ابو عبدالله

جعل ذا الاصبع تشر ولسانك ينطق الشهاده دائما

وجعل الفردوس الاعلى منزلك

اشكر لك توضيحك كفوا وبصراحه اثاريك طبااااخ مايستهان به لاتخلينا في خيمه الطبخ من روائعك وخصوصا النثري ............

[سرهيد]

جعل ذا الاصبع تشر ولسانك ينطق الشهاده دائما

وجعل الفردوس الاعلى منزلك

اشكر لك توضيحك كفوا وبصراحه اثاريك طبااااخ مايستهان به لاتخلينا في خيمه الطبخ من روائعك وخصوصا النثري ............

هلا بك والله

والله وبالله وتالله لو ما يجي من هالموضوع الا كلامك

[quote=MNH;2893508]جعل ذا الاصبع تشر ولسانك ينطق الشهاده دائما

وجعل الفردوس الاعلى منزلك

quote]

تسلم والله وهذه الدعوى ساعتبرها اجر كتابة هالموضوع

الله يرحم شيبانك ويغفر لك ولوالديك

اتمنى ان اكون موجودا معكم فيما لدي من معرفة في طبخ بعض الاكلات المعروفة والشعبية

تقبل احترامي

اخوك

ابو عبدالله

[Abu Saqr]

بيض الله وجهك يا سرهيد
شيء يسيل اللعاب سيول
ماشاء الله تبارك الله
وصحة وعافية

[راعي بيشة]

شغل عدل بو عبد الله بس عندي إضافة كي يطلع الأكل أزين مما تتصور :

خل الدجاج يطبخ مع الكشنة 5 دقايق مع بعض التحريك اللطيف كي يتمصمص طعم الكشنة المبهرة بشغل سرهيد الخاص

فبذلك يتحسن الطعم ولا تستعجل بوضع الماء على الدجاج

هل سويته بو عبد الله ؟

[ناصر البداح]

ما شاء الله تبارك الرحمن