النسخة الجديدة من الموضوع الاستشاري للكاميرات وملحقاتها ( إسأل و يجاوبونك ) .. حصرياً

[khaled77]

السلام عليكم ورحمة الله وبركاتة ...

معليش أخوي أبغى أستفسر ... عن الكاميرات ؟
- وش ازين كاميرا مستدخمة ؟ ممكن كانون !
-طيب أبغى كاميرا بتصوير احترافي ومعالجة صوور.؟ (مكيااج صور) .
- تلتقط صور متحركة بدقة ؟ وبسرعة ..
- كم صورة تلتقط بالثانية ؟
- يركب عليها عدساات ؟
-تصوير قريب بعيد ؟
- تصوير واضح للقريب والبعيد ؟
لأني صراحة دايما تصوير .. واحب اصور صور الغاز ؟
وشكرا لك ...
أبغى بأسرع وقت طال عمرك .. مستعجل

حياك الله اخي العزيز مجدداً

بالنسبة لاستفسارك يالغالي ان راح اجاوبك باللي يقدرني الله عليه وبالترتيب...
1- بالنسبة لازين كاميرا او افضل شركة هذي طال عمرك على حسب رغبات الناس منهم من يفضل الكانون ومنهم من يفضل النيكون ومنهم من يفضل شركات اخرى!!وانا عن نفسي افضل الكانون
2-جميع الكاميرات الاحترافية فيها معالج
3-4-يعتمد على نوع الكاميرا والعدسة
5-هذا ما يميز الكاميرات الاحترافيات انها تركب عليها انواع مختلفه من العدسات
6-7-يعتمد على نوع العدسة

3 االالاف
.....................

وبحدود ميزانيتك فعندك كذا خيار شف اللي يصلح لك

اولاً من كانون ( canon 500D )

اهم مميزاتها معالج DIGIC 4 من الجيل الرابع والبكسل بمقدار 15.1

تلتقط 3.4 صور بالثانية

شاشة ClearView LCD بحجم 3.0 وبخاصية (Live View ) (المشاهدة المباشرة من الشاشة اثناء التصوير )

وعدستها اللي تجي معها EF-S 18-55mm f/3.5-5.6 IS عدسة بها مانع اهتزاز

موصفاتها كاملة وتقييمها ( هنا ) او ( هنا )

وسعرها من موقع كام فور سيل ( هنا )

وتدعم اللغة العربية

ــــــــــــــــــــــــــــــــــــــــــــــــــ ــــــــــ

ثانياً من كانون (Canon 1000D) مصممة خصيصاً للمبتداين في عالم الاحتراف (يعني ماهي معقدة)

اهم مميزاتها معالج DIGIC III من الجيل الثالث والبكسل بمقدار 10.1

تلتقط 3 صور بالثانية تقريباً

شاشة LCD حجم 2.5 وبخاصية (Live View ) (المشاهدة المباشرة من الشاشة اثناء التصوير )

وعدستها اللي تجي معها EF-S 18-55mm f/3.5-5.6 IS عدسة بها مانع اهتزاز

موصفاتها كاملة وتقييمها ( هنا ) او ( هنا )

وسعرها من موقع كام فور سيل ( هنا )

على ما اعتقد لا تدعم اللغة العربية

ــــــــــــــــــــــــــــــــــــــــــــــــــ ــــــــــــــــ

ثالثاً من نيكون (Nikon D5000 )

اهم مميزاتها معالج Expeed والبكسل 12.9

تلتقط 4 صور بالثانية

شاشة LCD بحجم 2.7 متحركة وبخاصية (Live View ) (المشاهدة المباشرة من الشاشة اثناء التصوير )

وعدستها Nikon 18-55mm VR f/3.5-5.6G Lens

موصفاتها كاملة وتقييمها ( هنا ) او ( هنا )

وسعرها من موقع كام فور سيل ( هنا )

ولا اعلم هل تدعم اللغة العربية او لا

واهم شي الاستخارة قبل الشراء

واسف على التاخير يالغالي ... وتقبل تحياتي

[نـجم الـشمال]

يعطيك الف عافية جزاك الله خير

[khaled77]

والله اشتقت لك يا اخ زيزوم

والموجودين فيهم البركة .. بغيت أسأل عن موديل

Canon PowerShot SX200 IS

من ناحية مميزاتها وعيوبها خصوصا اللي مجربينها

حياك الله اخوي esam92

وزيزوم كلنا اشتقنا له الله يحفظه ويرعاه

بالنسبة للـ Canon PowerShot SX200 IS

انا ما جربتها والله لاكن بعطيك موقعين ممكن تفيدك موقع dpreview ( هنا ) وموقع imaging ( هنا )

مشكور اخوي خالد

ما أعرف أنواع كاميرات نيكون وأي نوع تحديداً أشتري , أهم شئ ماتتعدى ميزانيتها 2000 ريال

وإذا الكاميرا الكانون أفضل من نيكون ياليت تحدد لي أفضل كاميرا من كانون وبنفس السعر
بإنتظار شورك حتى أقرر أشتري كاميرا كانون أوكاميرا نيكون

والله انا اشوف الدارج بين الناس في مثل هذي الفئة من الكاميرات يعني الشبة احترافية هي السوني والكانون اما النيكون ما اعرف احد جربها شخصياً (لا يعني هذا انه ما لها شعبية)لاكن من راي شخصي

عموما ارجعي لردي السابق لك وراح تحصلين افضل نوع من الكانون اللي هي SX1 على حسب علمي او الخيار الثاني اللي هو سوني HX1

لا تنسين الاستخارة قبل الشراء

[khaled77]

يا رجال اي تاخير 3 ايام تقول تاخير

صراحة انا سالت بمنتديات مخصصه للتصوير

لم يرد علي احد

فجيت هنا كلت لعلا وعسى ان يردون علي

وما شاء الله هذا انت رديت

خصوصا ونا اخوك اننا برمضان وايظا بالعشر الاواخر فقليل ما يدخلون الناس

لاكن سؤالين صغيرين جدا

1-عن ذاكرة ( SD )

هل هي مثل الصوره اللي تحت

يعني ذاكرة صغيرة مثل ذاكرة الجوال وتدخل بالكبيرة اللي تسمى (حظانة )

2- هل تدري وش يعني Sensor (السنسور )

قرات انه كلما زاد كانت الكاميرا جيده

وقالو لي بمنتديات التصوير

ان اعلى كاميرا شبه احترافية او رقمية

1/2.5

وجزاك الله خيرا

حياك الله يالغالي

بالنسبة لسؤالك الاول جاوبك ابو الحروف وما قصر

وسوالك الثاني بالنسبة للسنسور وهو سؤال مهم هو قطعة تكون بالكاميرا وهي المتخصصة بمعالجة الالون....ومهم جداً لوضوح الصورة وهو احد اهم العوامل اللي يخلي الصورة واضحة من غير تشويش ....
عموما الموضوع طويل وان شاء الله لي رجعة له وبالتفصيل والصور بعد العيد ان الله شاء الله...وتقبل تحياتي

السلام عليكم ورحمة الله وبركاته ،،،،

كان الله في عونك أخي العزيز (( أبو سليمان )) والأخ ( khaled77 ) في الرد على استفسارات الأخوة الأعضاء .. جعل الله في ميزان أعمالكم إن شاء الله .

أقتراحي تقسيم الموضوع إلى عدة أقسام تكون كالتالي :

- قسم للمساعدة على التصوير .
- قسم للمساعدة في شراء كاميرا للمحترفين .
- قسم للمساعد في شراء كاميرا لشبه المحترفين & والمبتدئين .
- قسم للمساعدة في شراء ملحقات الكاميرا .
- قسم عام للتصوير .

ومن خلال ردودك على بعض الأعضاء عن الكاميرا ونوعيته والأفضل منها وجدت أنك تمتدح SONY HX1 للي ميزانية إلى 2000 ريال ... ومن هذا بتوكل على الله وأشتريها ..إلا أن كان للمحترفين رأي آخر .

حياك الله اخي الغالي ابو ليان والله يجزاك خير على دعاءك لنا

وما انا الا هاوي وافيد باللي قدرني الله عليه ومن هنا كانت الرغبة بالمساعدة في هذا الموضوع اللي فيه ما نستغني عن الخبير في عالم التصوير الغالي زيزوم وان كان عندي شي اقدر اقدمه لاعضاء مكشات ما راح ابخل عليهم وهم يستهلون كل خير...

عموما يالغالي بالنسبة للكاميرا اختيار موفق وعسى الله يكتب لك الخير فيها ويطعمك من خيرها ويكفيك شرها

وتقبل تحياتي

وكل عام وانتم بخير بمناسبة عيد الفطر المبارك
ونراكم بعد العيد باذن الله

[مراقب المطر]

السلام عليكم
عندي هذي الكاميرا





أبغاكم تقولون رأيكم فيها
كواحد مبتدئ
وهل هي لاتصلح للإلتقاطات الفوتغرافية
أريييييييييييييييد رأيكم
وبصرااااااااااااااااااااااحة
سأتقبل رايكم
وإذا كان في إنتقاد تفضلوا الباب مفتوح
بس انتقاد بشكل مؤدب
أبي إجابات واضحة
أتمنى أنكم ما
تسحبون علي!

[IMG]file:///C:/Users/PERFEC%7E2/AppData/Local/Temp/moz-screenshot-2.jpg[/IMG][IMG]file:///C:/Users/PERFEC%7E2/AppData/Local/Temp/moz-screenshot-3.jpg[/IMG]

[منتظر الجديد]

:18 PM
khaled77
ماقصرت ويعطيك العافية ...

واسفين على ازعاجك

[اخوكم/ زياد]

اخوي اعذرني على ازعاجك
والله يعينك على استفساراتنا الكثيرة
ولكن لك الدعاء مننا والاجر من عند الله تعالى
ان شاء الله تعالى

اخي لقد شريت هذه الكاميرا
canon Digital IXUS 980 IS

يالغالي شريتها من مكتبة جرير متوكلا على الله
علما ليس لدي الخبرة الكافيه بعالم الكاميرات
قال لي كايمرا احترافية

اخي ياليت تطمانني عن هذه الكاميرا
ان شاء الله انني قد وفقت بها

بحسب خبرتك بهذا المجال
ماهي مميزاتها وعيوبها ؟
كيف طريقة التصوير بها ؟
اقصد بالطريقة هل عند تصوير الارض الخضراء تختلف
وزن الصورة عندما صور على شاطئ البحر وهل تختلف
عندما نقوم تصوير سحب وامطار أم هل وزنية التصوير واحدة ؟

من حيث السطوع والتباين والحده ومن هذا القبيل . . . .

هذه صورة الكاميرا

[SAWS]

اخوي انا طالب مساعدتك

انا ابي استفسر عن كانون s480
بالتفاصيل

وشكرآآ لك على راحبتك

[SAWS]

عفوآآ

اقصد كانون a480

[خيالات الماضي]

كل عام والجميع بألف خير

عندي استشارة لو سمحتو.... أنا كان عندي كاميرا كانون sx10 طبعا من فئة الشبه احترافية... وحبيت أشتري كاميرا تكون أقوى بالذات من ناحية تصوير الفيديو وتكون من كانون أو نيكون مع ذكر المميزات والعيوب لو سمحتو .. ابي نصيحتكم .. وشكرا

ملاحظة. الميزانية مفتوحة وأغراض التصوير متعددة بس من أهمها الأشخاص والمناسبات والأماكن....


سلامي وتحياتي للعزيز زيزووم

[a7md al-q9em]

مشكورين على الموضوع وان شالله في ميزان حسناتكم

وانا بغيت اسأل اخوي انا ابي اشتري كميرا

بحدود 500 لين 800 ريال

كميره حلوه وخفيفه واهم شي تصوير يكون واضح وتقريبها يكون جميل

وانا ابيها لتصوير كشتاتي والمقانيص تعبنا من الجوالات هههههه

وهل معها عددسات ولا لا تقبل مروري وانتظر ردك يالغالي

[SAWS]

وين الناس ؟؟!
من رايي لويتسكر الموضوع احسن

لاني من مبطي وانا انتظر ردكم

بس شكلكم ساحبين الله يصلحكم

[الحفولي]

سؤال لو سمحتو

هل يوجد عدسه تجمع بين الوايد انجل والزوم تركب على الكانون

مش مهم انها كانون حتى لو من ماركه اخرى

شكرا لمن يفيدني

[Saud n.q]

يعطيكم العآفيه يارب .. على هالموضوع ..

والله يوفقكم ..

أستفسآري .. ؟

أنا عندي كانون sx10 طبعا هي من فئة الشبه الأحترافيه ..
وفيه من يوصيني على على النايكون d100
يقول احسن لك وميزآتها أفضل لك كامشوار بدايه وراح تفيدك اكثر ..
فالتعلم والتصوير الدقيق ..
على انه الكانون مالها شهر معي ..
وفيه الي يمدح لي كانون d1000 و G10
بصراحة احترت ..!



وش تنصحوني فيه .. من الكامات الي ذكرت ..؟
واذا فيه كاميرا غيرها تشوفها افضل بحدود هالسعر او اقل

الميزانيه 2000 ريال

ولو أبيع الكانون جديده كم راح يكون سعرهآ ..

والمعذره على كثرة الأسئله ..

بنتظآركم ..

[هبايب الخريف]

بغيت اسال الاخوان اصحاب الخبرة عن الكاميرة (كانون A1720) وش مميزاتها وجودتها