النسخة الجديدة من الموضوع الاستشاري للكاميرات وملحقاتها ( إسأل و يجاوبونك ) .. حصرياً

[khaled77]

طابت أوقاتكم أعزائي....

بعد تفكير عميق وبعد ما استشرت الكثيرين نصحوني بهذه الكاميرا sx10 is كوني مبتدأ...

لكن أجاني عرض حلو بإني أخد كاميرا sx20 is بنفس سعر الكاميرا السابقة....

وهي جديدة طبعا...

وهي صورتها...

فما هو رأيكم...

أيهما أحسن....

وخاصة أنني مبتدأ في هذا المجال أي أود أن أبدأ بكميرا شبه احترافية...

واستخداماتي ستكون في الصحافة بما اني ادرسها كما انني أحب تصوير الطبيعة وما إلى هناك....

أرجو الفائدة بأقرب وقت ممكن...

حياك الله اخوي بقايا وجد معنا في مكشات وان شاء الله تفيد وتستفيد يالغالي وعسى الله يفوفقك بدراستك وتوصل للشهادات العلياء باذن الله...

بالنسبة لاستفسارك يالغالي فالكاميرا sx20 فهي النصخة المطورة من سابقتها sx10 مع بعض التطويرات لـ sx20
بحيث ارتفع البكسل الى 12.1 ومع رفع جودة تصوير الفيديو اما الباقي فهو متشابة بشكل كبير اذا هن بنفس السعر توكل على الله وخذ sx20
مع العلم ان سعرها لدى كام فور 1775 ريال ( هنا ) وممكن تحصلها ارخص في محلات اخرى مثل الحارثي...

اتمناء لك التوفيق ,,, وتقبل تحياتي

بيض الله وجيهكم على التجاوب مع الجميع سؤال على الطاير حصلت عند الحارثي النيكون d90‎ ‎‏ عدسة 18 _ 105 vr ‎‏ ذاكرة 8 قيقا بسعر 4600 وش رايكم مناسبة أو فيه أحسن منها وشاكرين لكم

ووجهك اخوي هديب الشام وحياك الله

طبعاَ النيكون d90 ممتازة وهذا رد سابق لنفس الاستفسار عن نفس النوع لاخونا خيالات الماضي...

حياك الله اخوي خيالات الماضي

النيكون d90 اشوف اللي مجربينها اغلبيتهم امدحوها
وبالنسبة لمواصفاتها خذ هذا كلام خبيرنا الغالي زيزوم عنها وارجع للرد رقم 19
بالصفحة الثانية من هذا الموضوع وان شاء الله راح تستفيد بشكل كبير

(الكاميرا NikonD90( وهي أول كاميرا احترافية بخاصية المقاطع السينمائية 24 فريم/ث ) ، تحمل الميزات التالية :


+ تشترك مع الكبرى الاحترافية D3 ، والأصغر D300 ببعض الخصائص .

+ الدقة بمقدار 12.3 ميجا بيكسل ، بمحسس CMOS جديد .

+ معالج EXPEED المتطور .

+ التصوير المستمر لغاية 4.5 فريم/ث .

+ نمط D-Movie الجديد لتصوير مقاطع متحركة مع الصوت لغاية 24 فريم/ث بدقة HD( وهي أول كاميرا احترافية تدخل هذه الخاصية السينمائية ) .

+ تحسين أداء الكاميرا في منطقة النويز من الآيزو 200 حتى 3200 .

+ زر لتقنية العرض الحي للمشهد Live View ، مع أولوية الأوجه .

+ شاشة LCD متطورة ( نفس المستخدمة في D300 و D3 ) .

+ نظام تنظيف الحساس من الغبار .

+ 11 نقطة لمنطقة الفوكس .

+ نظام تحسس المشاهد الملتقطة .

+ نظام D-Lighting لتحسين مناطق الظلال بالصورة .

+ إمكانية تركيب وحدة GPS( كقطعة اختيارية ) لتخزين إحداثيات الموقع المصور "جديد" !.

+ احتواؤها على الكثير من رتوش معالجة الصور .

والكثير من الميزات والخصائص على الرابط ( هنا و هنا ) كعرض متحرك جميل لميزات الكاميرا المختلفة ، وستجد ( هنا ) التقييم الكامل لها ..

قيمها الموقع العالمي dpreview بـ Highly Recommended توصية عالية .. )

وبالنسبة لاستفسارك الثاني فا طبعاً فيه افضل منها بس اكيد اغلى وعلى حسب ميزانيتك تحدد خيراتك...

اتمناء لك التوفيق واذا عندك اي استفسار انا حاضر ,,, وتقبل تحياتي

[khaled77]

ماشاء الله تبارك الرحمن ..

عاد الموضوع الى طبيعته ..

وماقصر مشرفنا زيزوم ..

على العموم اخوي خالد اوجه اليك كل عبارات الشكر والتقدير على جهدك في هذا الموضوع ..

ولكن عندي اتفسار ..

هذه الكاميرا ..

canon digital ixus 100 is

اشتريتها قبل شهرين ولله الحمد ..

بسعر 1250 ريال من جرير بالخبر ضمان مادري كم !! ..

كاميرا رائعة ماشاء الله تبارك الرحمن ..

لها مميزات كثيرة جدا ..

ومميزات خفية اكتشفتها انا حتى الشركة لم تبينها في الكاتلوج ..

وانا ابي طلب منك ..

ان تذكر لي مميزاتها التي يحتاجها محترف التصوير ..

كاني كلفت عليك بالطلب ترا مو لازم ..

ولك مني الشكر ..

تقبل تحياتي ..

حياك الله اخوي مطارد المطر... وان شاء الله نشوف المطر قريب واحب شكرك على كلامك الطيب ورفعك لعنوياتي ومبروك عليك عليك الكاميرا والله يعطيك خيرها ويكفيك شرها وان شاء الله نشوف ابداعاتك بتصوير السيول

بالنسبة لاستفسارك يالغالي ...... فاصل ( اليوم مكثر من الفول لا تشره ) نرجع لموضعنا اهاا ليش انا ذكرت الفول لاني متنح شوي ولا فهمت مطلبك زين
عموما اذا كنت تقصد بالمميزات مواصفاتها فا انا اعتذر منك لاني ما حصلت مواصفاتها في المواقع اللي اعرفها اما اذا كنت تقصد وضعيات التصوير فهذا يعتمد على المنظر اللي راح تصوره فمثلا لتصوير الشروق او الغروب وايضاً المناظر الطبيعية خلة على وضع P اذا موجود فيها وهو ضبط التصوير الالي بحيث يضبط لك الاضائة عند التصوير او اذا بغيت تصور شي قريب حشرة او وردة وتبي تعزل الخلفية بحيث يكون القريب واضح والبعيد لا خلة على الضبط التلقائي وفية زر علية صورة وردة (في اغلب الكاميرات يكون على شكل وردة ) ما قلت لك مكثر من الفول احسن اني شطحت بعيد عموما الوضعيات متنوعة وهذا اختصار لبعضاها
وبالاخير تاكد ان جمال الصورة تكون في الغالب على المصور نفسة فاذا اخترت زاوية التصوير صح راح تكون الصورة جميلة واذا وفقت بمنظر مميز تكون الصورة جميلة ايضاً...

اذا كان هذا مطلبك فالحمد لله.. وان كنت شطحت عنه فالعذر والسموحة وبين لي مطلبك وما لك الا اللي يسرك باذن الله واي استفسار انا حاضر ,,, تقبل تحياتي

السلام عليكم
اشغلناك اخوي خالد معليش عندي سؤاال عالسريع ؟؟؟

مادري وش رااايك بالكاميرا canon1000d

وهل تنصحني فيه؟؟؟ سعره 2050ريال

وعليكم السلام
حياك الله اخوي المترس ولا اشغلتنا يالغالي ولاشي ابد خذ راحتك...
بالنسبة للكانون canon1000d هذي اول شي تختلف عن الكاميرات اللي تحدثنا عنها قبل اللي قبل شبة احترافية يعني تكون بعدسة مدمجة ثابتة ما تقدر تغيرها..
لاكن canon1000d احترافية يعني تركب عليها انوع مختلفة من العدسات اذا فيك حيل على العدسات ومصاريفها
او تكتفي بالعدسة اللي معها فتوكل على الله وخذها مع العلم ان العدسة اللي معها ممتازة لتصوير الطبيعة والاشخاص لاكن يعيبها الزوم قصير مرة
وهذي معلومات بسيطة ذكرتها قبل عنها ان شاء الله تفيدك

اما الكانون D1000

مميزاتها وتقييمها ( هنا ) و ( هنا )

ابرز المميزات

معالج DIGIC III الجيل الثالث و10.1 ميغابكسل

شاشة LCD 2.5 بخاصية Live View (المشاهدة الحية اثناء التصوير )

وعدستها الاصلية (EF-S 18-55mm 1:3.5-5.6 IS Lens)

وسعرها لدى كام فور سيل ( هنا )

اتمناء لك التوفيق ,,, وتقبل تحياتي

[هديب الشام]

عافاك الله اخوي خالد يعني اتوكل على الله واشتريها ب 4600
بس العدسة اللي معها 18-105 Vr وان ودي بعدسة 18 - 200 وش رايك العدسة الاولى تفي بالغرض لان الثانية غالية

[khaled77]

عافاك الله اخوي خالد يعني اتوكل على الله واشتريها ب 4600
بس العدسة اللي معها 18-105 Vr وان ودي بعدسة 18 - 200 وش رايك العدسة الاولى تفي بالغرض لان الثانية غالية

الله يعافيك وحياك الله اخوي هديب الشام

طبعا العدسة 18-105 ممتازة بتصوير الطبيعة والاشخاص يعني الاشياء القريبة ولا تختلف في هالجانب عن العدسة 18-200 لاكن راح يكون الاختلاف بالزوم 18-200 زومها اكبر يصل مدها الى 200مم اما الاول بينما الاولى يصل مدها الى 105 مم فقط وكلهن فيهن مانع اهتزاز ولهن نفس فتحة العدسة اذا ما يهمك الزوم فان شاء الله انها تقوم بالواجب عموما يالغالي هذا موقع ونماذج من تصوير العدسة 18-105 ( هنا )

اتمناء اني قدمت ما هو مفيد لك ,,, وتقبل تحياتي

[مطارد المطر]

الف شكر لك اخوي خالد ..

وماقصرت ..

لكنك ماجبت اللي ابيه بالظبط ..

جبت شيء حوله ..

صدق والله شكلك مكثر من الفول ..

بس استفسار اخير ..


انا عندي بنفس الكمرة الي تكلمت عنها ..

وضع اسمه مساعد الدمج ..

ووضع نفسه ثاني اسمه مساعد الدمج ..

فوق الشاشاة موضوع سهم متجه لليمين ..

وايضا بالوضع الثاني سهم متجه لليسار ..

وكاتب فوق عد للصور ..

اتمنى انك تفيدني وش هالوضع هل هو وضع البانوراما ام لا ..

الف شكر ..

[khaled77]

الف شكر لك اخوي خالد ..

وماقصرت ..

لكنك ماجبت اللي ابيه بالظبط ..

جبت شيء حوله ..

صدق والله شكلك مكثر من الفول ..

بس استفسار اخير ..

انا عندي بنفس الكمرة الي تكلمت عنها ..

وضع اسمه مساعد الدمج ..

ووضع نفسه ثاني اسمه مساعد الدمج ..

فوق الشاشاة موضوع سهم متجه لليمين ..

وايضا بالوضع الثاني سهم متجه لليسار ..

وكاتب فوق عد للصور ..

اتمنى انك تفيدني وش هالوضع هل هو وضع البانوراما ام لا ..

الف شكر ..

حياك الله اخوي مطارد المطر

شف يالغالي الصورة هذي اذا هي مثل الكاميرا اللي عندك وضح عليها وش المطلوب وابشر بعزك...

مع العلم اني ما قد جربت مثل هالنوع من الكاميرات لاكن ان شاء الله اقدر افيدك

في انتظار ردك يالغالي...

[هبوب الصبا]

اخوي خالد الله يفتح لك كل خير ومن يقرأ

ابعطيك عدة كامرات وابيك لاهنت تقول هذي افضل او هذي يعني تختار لي لاتجيب لي مواصفاتهن الله يجزاك خير ,,,, لأني ابي ارسي على وحدة

كانونsx1

كانونsx20

كانون sx200

نيكون p90

سوني hx1


كانون g10

اوليمبس 590sp

الله يعطيك العافية ولو رتبتهن من حيث الأفضلية وتكون تجمع بين نوعي التصوير

ومشكور

[سنا البرق]

السلام عليكم
أخواني والمشرف زيزوم
الرجاء إفادتي عن مواصفات هالكميره ومميزاتها وشرح طريقة استخدامها تصوير مزن جبال شعاب ربيع
ياليت الإفادة خصوصا أني قدطرحت الموضوع من زمان ولاقصروا الإخوان لكن لم يأتي الجواب عن استخدامها
وشرح الطريقه المثلى لها أوكيفية التعامل معها في جميع الأحوال
الكاميره سوني DSC-W70
الدقه 7,2 ميقا بكسل
على نفس الموضوع
http://www.mekshat.com/vb/showthread.php?t=139668

[الذود العفر]

السلام عليكم

صبحكم الله بالخير
مساكم الله بالخير
كلن يقراء اللي بحزته

انا جاني كاميرا هدية البارح من رجال شرواكم
و ما اعرف عنه اي شيء
الا انه 14.7 ميقابكسل
وانا اللي فاز بجوالي اول

المهم فزعتكم ابي تعطوني كل ما تعرفون عنه لانه باين انه معقده
فيها ازرار و دواوير كثار

اسم الكاميرا CANON ixus980 is
سوداء
و عند تشغيله يطلع له زقم

لاهنتوا
منتظر معلوماتكم

[مدمن الشات]

أعزائي الأعضاء أبي برنامج يضيف مقطع صوتي للفيديو

بمعنى أنا عندي لقطات فيديو وأبي أضيف لها أصوات

[AKTD]

اخوي خالد

ابشرك توني دخلت عالم تصوير
المناظر الطبيعيه والصور التذكاريه

فا حاب استشريك وش النوع اللي تفضله يناسبني من ناحية جودة الصور
بغض النظر عن السعر

بالنسبة لي انا افضل هذه النوع الكاميرات نوع ديجتل لا نها سهلة الحمل والتنقل افضل عندي من كانون D500

فا ليت تفيدني عن الشي مميز والرائع

يعني بالعربي صور وانت مرتاح
ومبسوط من صورك

[khaled77]

اخوي خالد الله يفتح لك كل خير ومن يقرأ

ابعطيك عدة كامرات وابيك لاهنت تقول هذي افضل او هذي يعني تختار لي لاتجيب لي مواصفاتهن الله يجزاك خير ,,,, لأني ابي ارسي على وحدة

كانونsx1

كانونsx20

كانون sx200

نيكون p90

سوني hx1

كانون g10

اوليمبس 590sp

الله يعطيك العافية ولو رتبتهن من حيث الأفضلية وتكون تجمع بين نوعي التصوير

ومشكور

حياك الله اخوي هبوب الصبا واسف على التاخير يالغالي

وما شاء الله عليك محتار بين هالانواع كلها ولا يهمك يالغالي مع اني ذاكر اغلبهن لاكن برجع واذكرها بس بشكل مفصل نوعاً ما ....

وابد طال عمرك بالكانون G10 بحكم انها مختلفه عن غيرها من نحاية عدستها فهي مخصصة لتصوير الطبية والاشخاص لذالك زومها قصير لاكن بصور الطبيعة هي مميزة عن غيرها وبهذا المجال هي الافضل من فئتها الشبة احترافية...

نجي لمواصفاتها

معالج DIGIC 4 الجيل الرابع وبسنسور CCD 1/1.7 والبكسل بمقدار 14.7 وزوم (5x)

عدسة وايد انجل الرائعة اقل بعد بؤوري 28مم وابعد بعد لها يصل الى 140مم

Aperture range (فتحة العدسة ) (F2.8 - F4.5)

shutter ( غالق العدسة ) (1/4000 sec)

الايزو (ISO) (80-3200)

شاشة LCD 3.0 inch

تصوير الفيديو بجودة VGA movies

بطاريات من نوع AA أصابع

تدعم اللغة العربية

لمزيد من المواصفات تجدها هنا من موقع dpreview ( هنا ) ومن موقع imaging ( هنا ) ومن موقع كانون ( هنا )

وسعرها من موقع كام فور 1850 ريال ( هنا )

اذا ما يهمك الزوم والفيديو فهذي الكاميرا هي الافضل بشهادة المواقع العالمية لها وايضاً من جربها..

::

:::

::

نجي الان للكاميرات ذات الزوم العالي

ونبدا اولاً بالكانون SX1

معالج DIGIC 4 من الرابع وبسنسور ( CMOS 1/2.3 ) السنسور هذا يسخدم بالكاميرات الاحترافية
والبكسل 10.0 والزم (20x)

عدسة وايد انجل الرائعة اقل بعد بؤوري 28مم وابعد بعد لها 560مم

فتحة العدسة (F2.8 - F5.7)

الايزو (80-3200)

سرعة غلق العدسة 1/3200 sec واسرع غلق للعدسة 15 ثانية

شاشة متحركة LCD 2.8 inch

تصوير فيديو بخاصية HD عالي الدقة بدقة تصل الى (1080)

بطاريات من نوع AA أصابع

تدعم اللغة العربية

وللمزيد من المواصفات من موقع dpreview ( هنا ) ومن موقع .imaging ( هنا ) ومن موقع كانون ( هنا )

وسعرها لدى كام فور 1950 ريال ( هنا )

::

:::

::

كانون SX20

معالج DIGIC 4 من الجيل الرابع وبسنسور CCD 1/2.3 والبكسل 12.1 والزوم (20x)

عدسة وايد انجل الرائعة اقل بعد بؤوري 28مم وابعد بعد لها 560مم

فتحة العدسة (F2.8 - F5.7)

الايزو (80-3200)

سرعة غلق العدسة 1/3200 sec واسرع غلق للعدسة 15 ثانية

شاشة متحركة LCD 2.5 inch

تصوير فيديو بخاصية HD عالي الدقة بدقة تصل الى (720)

بطاريات من نوع AA أصابع

على ما اعتقد تدعم اللغة العربية

وللمزيد من المواصفات من موقع dpreview ( هنا ) ومن موقع .imaging ( هنا ) ومن موقع كانون ( هنا )

وسعرها لدى كام فور 1775 ريال ( هنا )

مقارنة بين sx1 و sx20 بحكم تشابة بعض المواصفات تجدة ( هنا ) والافضل من رايي sx1

::

:::

::

كانون SX200

معالج DIGIC 4 من الجيل الرابع وسنسور CCD 1/2.3 وبالكسل 12.1 والزوم (12x)

عدسة وايد انجل الرائعة اقل بعد بؤوري 28مم وابعد بعد لها 336مم

فتحة العدسة (F3.4 - F5.3)

الايزو (80-3200)

سرعة غلق العدسة 1/3200 sec واسرع غلق للعدسة 15 ثانية

شاشة LCD 3.0 inch

تصوير فيديو بخاصية HD عالي الدقة بدقة تصل الى (720)

بطاريات من نوع Custom LiIon

على ما اعتقد تدعم اللغة العربية

وللمزيد من المواصفات من موقع dpreview ( هنا ) ومن موقع .imaging ( هنا ) ومن موقع كانون ( هنا )

وسعرها لدى كام فور 1370 ريال ( هنا )

::

:::

::

خلاصنا من الكانون نجي للسوني hx1

معالج BIONZ وبسنسور CMOS 1/2.4 والبكسل 9.1 والزوم (20x)

عدسة G اقل بعد بؤوري 28 مم وابعد بعد لها 560 مم

فتحة العدسة (F2.8 - F5.2)

الايزو (125-3200)

سرعة غلق العدسة 1/4000 sec واسرع غلق للعدسة 30 ثانية

شاشة LCD 3.0 inch

تصوير فيديو بخاصية HD عالي الدقة بدقة تصل الى (1080)

بطاريات من نوع Custom LiIon

تدعم اللغة العربية

وللمزيد من المواصفات من موقع dpreview ( هنا ) ومن موقع .imaging ( هنا ) ومن موقع سوني ( هنا )

وسعرها لدى كام فور 1750 ريال ( هنا )

::

:::

::

الاوليمبس 590sp

معالج TruePic™ III من الجيل الثالث وسنسور CCD 1/2.33 والبكسل 12.0 والزوم (26x)

عدسة ؟؟؟؟ اقل بعد بؤوري 28 مم وابعد بعد لها 560 مم

فتحة العدسة (F2.8 - F5.0)

الايزو (80-1600)

سرعة غلق العدسة 1/2000 sec واسرع غلق للعدسة 15 ثانية

شاشة LCD 2.7 inch

تصوير الفيديو بجودة VGA movies

بطاريات من نوع AA أصابع

تدعم اللغة العربية

وللمزيد من المواصفات من موقع dpreview ( هنا ) ومن موقع .imaging ( هنا ) ومن موقع اوليمبوس ( هنا )

وسعرها والله ما لي فيه علم يالغالي

::

:::

::

نيكون p90

المعالج على ما اعتقد EXPEED ( مو اكيد ) وسنسور CCD 1/2.33 والبكسل 12.1 والزوم (24x)

عدسة NIKKOR اقل بعد بؤوري 26 مم وابعد بعد لها 624 مم

فتحة العدسة (F2.8 - F5.0)

الايزو (64-6400)

سرعة غلق العدسة 1/2000 sec واسرع غلق للعدسة 8 ثانية

شاشة LCD 3.0 inch

يوجد فيها تصوير فيديو بس ما ني متاكد من جودته وعلى حسب ما سمعت انك ما تقدر تستخدم الزوم بتصوير الفيديو!!! بس ماني متاكد من هالكلام...

بطاريات من نوع Custom LiIon

تدعم اللغة العربية

وللمزيد من المواصفات من موقع dpreview ( هنا ) ومن موقع .imaging ( هنا ) ومن موقع نيكون ( هنا )

وسعرها لدى كام فور 1650 ريال ( هنا )

::

:::

::

بالنسبة يالغالي لترتيبهن انا ما رتبتهن حسب الافضل هذي المواصفات موجودة اختر اللي تشوفه مناسب لك

واذا كنت تبي رايي فا انا اشوف ان الكانون G10 هي افضل كاميرا اذا الزوم ما يهمك لاكن اذا كان الزوم مهم الكانون SX1 او السوني HX1 هذا من رايي الشخصي

اتمناء ان قدرت افيدك ولو بشي بسيط والعذر والسموحة كاني قصرت بشي واي استفسار انا حاضر ,,, تقبل تحياتي

[khaled77]

السلام عليكم
أخواني والمشرف زيزوم
الرجاء إفادتي عن مواصفات هالكميره ومميزاتها وشرح طريقة استخدامها تصوير مزن جبال شعاب ربيع
ياليت الإفادة خصوصا أني قدطرحت الموضوع من زمان ولاقصروا الإخوان لكن لم يأتي الجواب عن استخدامها
وشرح الطريقه المثلى لها أوكيفية التعامل معها في جميع الأحوال
الكاميره سوني DSC-W70
الدقه 7,2 ميقا بكسل
على نفس الموضوع
http://www.mekshat.com/vb/showthread.php?t=139668

وعليكم السلام ورحمة الله وبركاته

حياك الله اخوي سنا برق واسف على التاخير

بالنسبة لهذا النوع من الكاميرات ما راح اقدر افيدك بشكل كبير بس ان شاء الله راح اشرح لك الاشياء الضاهرة بالكاميرا مثل الوضعيات وايضا راح اذكر اهم مواصفاتها

اهم مواصفاتها

7.2 ميقابكسل وبسنسور CCD 1/2.5
زوم بصري مقداره (3x)
الايزو
(80-1000)
تصوير فيديو برؤية 480X640 و 112X160
فتحة العدسة (F2.8-5.2)
سرعة فتح وغلق العدسة من 2 الى 1/2000
ذاكرة داخلية 58 ميقا
7 أوضاع تصوير مختلفة ( راح ارجع لها بتفصيل اكثر )
أقصى إبعاد صوره ممكن 2304X3072
امتداد صور JPEG

بالنسبة لاوضاع التصوير شف الصورة والشرح تحتها

الدائرة الاولى هي لوضعيات التصوير وراح اشرحها بالترتيب

1- رف P ضبط آلي للضوء
2- للي على شكل كاميرا ضبط تلقائي
3- صوير فيديو
4- صوير الاشخاص
5- تصوير الطبيعة ( جبال )
6- لتصوير الطبيعة (شواطئ ومناظر بحرية )
7- لتصوير الطبيعة ( ثلوج )
8- لتصور صور خافتة بفلاش
9- لتصوير مناظر ذات اضاءة خافتة ويلزمك الحامل الثلاثي
10- تصوير حساس بدون فلاش

بالنسبة للدائرة الثاني

فوق اللي هو فلاش

اليمين اللي هو التركيز الؤري على الاحداف القريبة وعزل للخلفية

تحت الموقت الذاتي واخيرا اليسار ما ادري بالضبط بس اعتقد انها التحم بحدة الصورة

بالنسبة لاعداداتها الداخليها فما املك معلومات عنها

ان شاء اني قدرت افيدك واي استفسار انا حاضر ,,, تقبل تحياتي

السلام عليكم

صبحكم الله بالخير
مساكم الله بالخير
كلن يقراء اللي بحزته

انا جاني كاميرا هدية البارح من رجال شرواكم
و ما اعرف عنه اي شيء
الا انه 14.7 ميقابكسل
وانا اللي فاز بجوالي اول

المهم فزعتكم ابي تعطوني كل ما تعرفون عنه لانه باين انه معقده
فيها ازرار و دواوير كثار

اسم الكاميرا CANON ixus980 is
سوداء
و عند تشغيله يطلع له زقم

لاهنتوا
منتظر معلوماتكم

وعليكم السلام ورحمة الله وبركاته

حياك الله اخوي الذود العفر والله يصبحك بالنور والسرور

ومبروك عليك الهدية والله يعطيك خيرها ويكفيك شرها

اجل تقول اذا شغلتها يطلعلها زقم

عموما يالغالي هذا رد لنفس استفسارك تقريبا وان شاء الله يفيدك

او شي الدائرة الحمراء رقم واحد بالترتيب من الاعلى الى الاسفل

1- الضبط التلقائي
2-التحكم بالتعريض الضوئي والضبط الالي
3-للتصوير الرياضي والمتحرك
4-للمناظر الطبيعية
5-تصوير الفيديو

بالنسبة للدائر الحمراء الثانية

1-iso هي وحده مقايس حساسيه الشريحه لضوء
كل ما اخترت رقم اكبر كل ما حصلت على سرعه غالق اكبر ولكن تفقد من دقة الصوره لذلك استخدمها عندما يكون الحصول على اضائه كافيه امرا صعبا
2-صورة الوردة وهي تعني التركيز البؤري
3-صورة الجبال او الاهرامات وهي لتصوير المناظر الطبيعة
4-اللي على شكل صورة متتالية فتعني تصوير متتالي ما عليك الا تستمر بالظغط على زر التصوير
5-اللي على شكل ساعة وهو الموقت الذاتي

ان شاء الله قدرت افيدك ولو بالقليل واسف على التاخير

وتقبل تحياتي

واذا في شي ما فهمته لا يردك الا الكيبورد ,,, تقبل تحياتي

[khaled77]

أعزائي الأعضاء أبي برنامج يضيف مقطع صوتي للفيديو

بمعنى أنا عندي لقطات فيديو وأبي أضيف لها أصوات

حياك الله اخوي مدمن الشات وتحصل مطلبك ( هنـــــا )

اخوي خالد

ابشرك توني دخلت عالم تصوير
المناظر الطبيعيه والصور التذكاريه

فا حاب استشريك وش النوع اللي تفضله يناسبني من ناحية جودة الصور
بغض النظر عن السعر

بالنسبة لي انا افضل هذه النوع الكاميرات نوع ديجتل لا نها سهلة الحمل والتنقل افضل عندي من كانون D500

فا ليت تفيدني عن الشي مميز والرائع

يعني بالعربي صور وانت مرتاح
ومبسوط من صورك

حياك الله اخوي اكتد وان شاء الله نشوف ابداعاتك

بالنسبة لاستفسارك يالغالي اذا كنت تقصد كاميرا رقمية صغيرة الحجم وتصويرها حلو فعندك هذي

كانون SX200

معالج DIGIC 4 من الجيل الرابع وسنسور CCD 1/2.3 وبالكسل 12.1 والزوم (12x)

عدسة وايد انجل الرائعة اقل بعد بؤوري 28مم وابعد بعد لها 336مم

فتحة العدسة (F3.4 - F5.3)

الايزو (80-3200)

سرعة غلق العدسة 1/3200 sec واسرع غلق للعدسة 15 ثانية

شاشة LCD 3.0 inch

تصوير فيديو بخاصية HD عالي الدقة بدقة تصل الى (720)

بطاريات من نوع Custom LiIon

على ما اعتقد تدعم اللغة العربية

وللمزيد من المواصفات من موقع dpreview ( هنا ) ومن موقع .imaging ( هنا ) ومن موقع كانون ( هنا )

وسعرها لدى كام فور 1370 ريال ( هنا )

اذا كان هذا مقصدك فا اتوقع ان هذي هي الافضل واذا كنت تقصد شي ثاني وضح لي وان شاء الله تلقاء اللي يسرك ,,, تقبل تحياتي

[الأبرق2006]

السلام عليكم ورحمة الله وبركاته
اخواني الأعزاء مساكم الله بالخير واللهم اجعل الوسم هذا العام خير وبركة وامطار وربيع قولوا آمين
اخوكم في الله طلبت كمره من زميل شرواكم جاي من امريكا وجاب لي كمره وهذا اسمها
olympus sp_570uz
من يتفضل ويشرح لي مواصفاتها وهل هي مناسبه لتصوير المناسبات العائليه والمناظر الطبيعيه لاهنتوا