الإيجار المنتهي بالتمليك والنكبات بين التأييد والمعارضه

[ابوووهلا]

السلام عليكم ورحمة الله وبركاته
اخواني أعضاء مكشات من جميع أنحاء المملكه ............من متواصل ومتقدم وبرونزي وفضي وذهبي.................
أسعد الله أوقاتكم بكل خير ...
كماتعلمون في السنوات الأخيره ماتقدمه الشركات من عروض لتملك السيارات وتجدها في كل لوحه اعلانيه .....جريده.....مجله.......شاشه......منتدى (تملك سيارتك بدون كفيل ...دفعه أولى......الأقساط تبدأ بعد 3 أشهر ) انه الإيجار المنتهي بالتمليك وماأدراك ما.......................

###أحد معارفي اشترى جيب gxr 2001 ايجار منتهي بالتمليك طبعا 40000دفعه أولى وأقساط تقصم الظهر ... والمبلغ كاملا180000وبعد استخدامه فتره ادخله على الوكاله لفحصه على الضمان 40000 كيلو ...اذا هو يتفاجأ بتخبيط الماكينه وبعد الشيل والحط الهواش تحملت الشركه الفاضله 10000 من قيمة التصليح وهو 3000 وبعدها بأيام يصدم على الكفرالخلفي صدمه محترمه ......
###رجل آخر من الزملاء كل شهر والجيب محكوك والتأمين لا يحمي السياره من الخدوش الخفيفه القيمه .......240000 gxr 2006 القسط 3000 ريال والدفعه الاولى 40000 والمؤخر 40000
كل شيء بقضاء الله وقدره لكن ماهو الحكم في الدفعه الأخيره أربعون الف ريال ان لم تستطع سداده تقسط عليك ب53000 ريال .....
هذا غيض من فيض و لا أريد الإطاله أشكركم حسن تجاوبكم


مأكتبه فقط هو وجهة نظر تعبر عن رأي لاأكثر ولا أقل

[راعي السيل]

و عليكم السلام ورحمة الله وبركاته
شكرا لك على طرح هذا الموضوع اخي لاني ان شاء الله ناوي اشتري سيارة بالاقساط وحتى الان لا اعرف الطريقة الافضل ، سواءا كانت الايجار المنتهي بالتمليك ، او قرض من البنك.

[برهان1]

مشكور اخوي على الموضوع انا ارى ان التأجير المنتهي بالتمليك هو اكبر كذبه ندفع ثمنها الان لاني احد المتورطين جيت ووقعت على 11 ورقه كل ورقه فيها مدري كم بند كلها يلتزم الطرف الثاني اللي هو انا ولا فيه اي بند يلتزم فيه الطرف الاول بشيء اللي هو البنك الاهلي

لاكن مشكلتنى نظرتنا محدوده نسأل وين مفتاح السيارة ولا ندري وش وقعنا عليه

نصيحه لمن لم يتورط بهذا التأجير انه يرفع ثوبه وينحاش ويدور موتر على قد قروشه ويفتك

وانا والله توبه توبه توبه

[سهم القارمن]

السلام عليكم
اعتقد ان المشكلة فينا
نحن عطيناهم الفرصة لاستقلالنا
المواطن محتاج والبنوك والوكالات ينتظرون شفط با قي الراتب
الحكومة ساكته لا تنبيه ولا مراقبة ولا قوانين

المواطن يبي سيارة جديدة باي طريقة
والجهل مصيبة
ومثل ماقال اخي الغالي برهان يازيننا في التوقيع
اهم شي المفتاح
اذا نصحت محد يسمع
وانا اولهم
شعب ماله حل
مسروق من كل صوب

الله يفرج على الجميع
ويرزقنا من حيث لانحتسب

[وتد]

السلام عليكم ورحمه الله وبركاته
ياخوان الايجارالمنتهي بالتمليك مايجوز حرام 00000

[ابوووهلا]

الموضوع للرفع

[محمد بن سعيد]

نصيحة لوجه الله لا احد يشتري تأجير منتهي تمليك لأن ما فيه خير لأن فيه شبهه

[ابوووهلا]

الموضوع للرفع

[Bader-M]

الايجار المنتهي بالتمليك مشاكله كثيرة جدا
اولا
النسبة العالية جدا تكون بين 8.5 % الى 12% في بعض الشركات
ثانيا
لا يمكنك التصرف في السيارة اثناء الاقصاد
ثالثا
لا يمكن السفر بها خارج البلد الا بورقة من المقسط (البنك او شركة)
رابعا
يحق للشركة التصرف بالسيارة اذا تاخرت عن السداد لي سبب من الاسباب دون الرجوع اليك

.........
مثال
سيارة سعرها 100 الف و نسبة الفائدة كحد متوسط 9 % و المده 4 سنوات

يعني الفائده تكون 36%
سعر السيارة مع الفوائد يكون 136 الف ريال
القسط الشهري 136/48 (عدد الاشهر خلال 4 سنوات) = 2830 ريال
بعد اربع سنوات يكون سعر السيارة بعد الاستعمال 60 الف ريال بمقادر 10 الف ريال كل سنه
136 مجموع المبلغ - 60 سعر السيارة = 76 الف ريال خسارتك خلال 4 سنوات بمعدل 17 الف ريال سنوي تقريبا وهذا غير الصيانة الدورية و البنزين والزيت يعني تصل 20 الف ريال بالسنه كحد ادنى
و الموظف و المدرس و العسكري لا يتعدى 600 ريال بدل النقل يعني بسنه الواحد يتقاضى الموظف
7200 ريال بدل نقل وهذا المبلغ لا يغطي الى ثلث مبلغ السيارة بسنه الواحده

تحياتي للجميع

[راعي السيل]

طيب يا شباب وش رايكم باخذ قرض من البنك ثم شراء السيارة كاش؟ بكذا تكون حصلت على السيارة باسمك على طول.

[aooa]

ليس لنا الا الله سبحانه وتعالى

وليس هناك من يحمينا من الشركات او المؤسسات ولا حتى من مكاتب العقارات

يسوون العقود على مزاجهم وليس هناك جهه رقابيه تكون في صف المواطن ...

المواطن بين مطرقة الجشعين وبين سندان الحاجـــــه

لك الله ايها المواطن المغلوب على امره ..

[العراك]

اشكرك على التنويه البناء ويلمس شريحه كبيره من شعبنا الطيب ونقول الله يفرجها وندعو مشايخنا الافاضل طرق تلك القضيه الهامه وبيان الحلال والحرام وبيان التحايل والمسميات المشبوهه ودمتم بود

[ابرق نثيل]

مشاكله واجد الاجار افضل حل الواحد يضغط على نفسه ويوفر نص قيمة الموتر ثمين يقسط الباقي ،،

والواحد لايستعجل ترا العجله هي سبب الدهوره

والله اعلم

[أبوحمد 505]

طيب لازم سيارة جديدة
يعني وش فيها المستعمل النظيف والله تلقى ب20000 سيارة تمشيك خمس سنوات
وإذا الله رزقك أشتر جديدة
فية غيرنا عايشين على دبابات وسياكل بس نقول الحمدلله

[ابوووهلا]

الموضوع للرفع