تقرير جديد .. الاميروالاستكوزا ... فنيات الطبخ .. طاجن شوي شوربة ..لا يفوتك !!

[كونكوردالبحر]

السلام عليكم ورحمة الله وبركاته
مرحبا بكم اخواني اعضاء مكشات من جديد انا مشرفكم كونكوردالبحر (محمد العقبي) وهذه احدى رحلاتي القريبة العهد التي استمتعت بها مع نخبة من الشباب الطيبين من اهل جدة برفقة صاحب السمو الامير خالدبن سعد وقد تشرفت بصحبته ومن معه كما وفقت بمقابلة اخوان لنا فرحت بلقائهم والسلام عليهم كامثال ابو عبدالله وابوابراهيم ورفاقهم كما سعدنا بمرافقة كبير المدربين وعملاق الغوص ابوعاصم العقبي اخي الاكبر ومعلمي الاول الذي شارك الجميع بغوصة وخبرته ولن اطيل فالصور اكبر معبر عما حدث في رحلتنا الرائعه .

هنا قابلنا احبابنا واصدقئنا ابوعبدالله الفريح وابوابراهيم النملة لحظة وصولي الى المنطقة انا وصديقي الغالي ابوفهد على وجبة دسمة من العشاء وقد اعجبتني الطريقة فقد كانت مميزة ودسمة ولذيذه كثر الله خيرهم ورحم الله والديهم





لحظة وصول الامير خالد بن سعد الى المنطقة وكانت جلسة رائعة استفاد الجميع منها حيث تدارس الجميع برنامج الغوص وخططه والاتفاق عليه





لحظات ابوية وتوجيهات من كبير المدربين ابوعاصم لابنه اسامه حيث كانت توجيهات قوية وصارمة والصور اكبر معبر لما يدور بينهما





المشاكسان كما اطلق عليهم قديما .. ابوثامر وابوفهد لحظات سعيدة في هذا الجو الرائع وقد اتفقا على رحلة الى ..... ياويلكم من حريمكم .. لو يتابعون التقرير






مازال ابوعاصم ترتسم عليه ملامح الجد واللاهزل عند الاستعداد لاي غوصة .. شكرا لك اخي ابوعاصم على النصائح والتوجيهات.. شعار الامان والسلامة في اي غوصة .. قولوا ماشاء الله ..






الجيمع يستعد للغوصة .. ويظهر ابوفهد وطاقيته الي ماتفارقه .. حتى في الغوصة .. حتى خارج السعودية ..بس لو يرفعها عن خشمة تطلع الصورة احلى






الامير خالد ولحظة تحليق وقد اصطاد سمكة .. نعم الرجل عرفناه غواص متمكن هدوء في الماء .. مبادئ السلامه اولا .. استمتعنا بالغوص معك ابو سعد وننتظرك قريبا ..





ابوفهد ولحظة هدوء وروقااااااااااااااااان .. ماشاء الله عليه يعرف يتصور .. مادري ايش السر .. كل صورة حلوه .. تستاهل الصور ياكابتن ..




الغواص الجداوي ياااااااااااااسر .. سعدنا بلقائك وحركة جميلة .. كلك حركات .. لاعاد تنزل بمنظم ماتعرفه .. ربك سترها





ابو ساره .. فاكهة الرحلة .. ونحلة البستان .. ماشاء الله عليه ابدع بكل معنى الكلمة .. تبغون الدليل اسالوا الامير خالد ..





صورة ثلاثية للشباب بعد الانتهاء من الغوصة النهارية التي اجمع الجميع على انها من اروع الغوصات .. مكان رائع وقروب اروع .. والصيد طيب كله احمر شريفي





صورة اخرى جماعية ويظهر كونكوردالبحر ابو مروان وابوسارة وابوسعد وابو فهد مع الصيد المنوع احمر وحريد





ابوسعد وصورة خاصة بجانب الصيد بعد الانتهاء من الغوصة .. كفو ابوسعد




ابوفهد المشاكس بين الاخوين الرائعين ( شباب جدة ) تشرفنا بالتعرف عليكم كنتم خير سفير لاهل جده ادبا وخلقا وتعاملا .. احببناكم .. وننتظر زيارتكم الثانية





كان للسنوركل نصيب كبير بالرحلة .. وهذا ياسر وحركات بهلوانية امام الكاميرا ..

[كونكوردالبحر]

يحي بمنظر عجيب داخل البحر.. يقول انه يسنكر .. يعطيك العافية وعقبال الغوص ان شاء الله





السمكة الاسد وقد انزعجت من الغواصين .. كانها تقول ارحموا حالكم يكفي غوص .. مستعدة بوضع التحليق والهجوم .. انتبهوا ترى هجومها شرس ..لا يغركم منظرها .. قرصتها والمستشفى






حبيب الكل ابو محمد .. شاب بمواصفات كثيرة شيف ممتاز جلسة ماتملها معه .. معلومات طبية رائعة .. تشرفنا بمعرفتك .. وسعدنا بجلستك ..






ابو محمد من جديد ولمسات ثقيلة في المطبخ وتقطيع الاستكوزا .. ياناس عليه طبخ مو طبيعي شيئ رائع ونفس رايق .. اللهم بارك لا احسده .. يعطيك العافية شيفنا الكبير .. ويظهر عبدالله منغمس في تقطيع خيار البحر مايدري وش الي بيده ولا خلصه علينا ..






صورة توضع طريقة تقطيع خيار البحر .. وتقطيع بعض اللحم من السمك الذي يوضع بالخل وووووو ... شباب فله .. كل شي يعرفونه






ياسلام مقلقل سمك ( حريد ) بالطريقة الجداوية .. مررررررررررررره حلوه







اسامة (الوحش ) كما اطلق عليه الشباب .. من البحر عالمطبخ واحلى شوربة سمك واحلى طاجن خيار بحر .. يعطيك العافية ابو ساره





العشاء جاهز استعداد لتواجد الشباب جميعا .. حياكم الله اعضاء مكشات والله كنت اتمنى تواجد الجميع بس خيرها بغيره ..





ابوسعد والجميع على وجبة عشاء الذ مااكلت في حياتي .. ويظهر احد ضيوف ابوسعد وقد اعجبته شوربة السمك ..






الامير خالد يحمل المشكات المملتئة بالصيد ماشاء الله عليه .. صياد بارع وغواص متمكن .. كفو ابوسعد





لحظات اميرية مع الاميرات .. ابوسعد مع الاستكوزا .. سعدنا بتواجدك .. ومتى الرحلة الجاية .. لا يكون بعيده ..نبي نغوص بس بعيد جهة الشمال تراني جاهز ..





صورة جماعية للقروب وهم يحملون الاستكوزا .. حتى فطورنا كان استكوزا .. يعطيكم العافية ماقصرتم ..





ابوساره يعشق الاستكوزا وصورة انبطاحية مع الاستكوزا ..وابو فهد مبسوط عالااااااااخر .. شي يييض الوجه اذا رجع اقول ايش صارلك بعد الاستكوزا ههههههههه





ابوسعد يشارك بكل صغيرة وكبيرة .. ما انسى شكشوكة الاستكوزا .. لذييييذة والله يابوسعد .. ولمسات فنية في المطبخ

[كونكوردالبحر]

الشباب منغمس باعداد وجبة الفطور .. تعاون اسامة مع ابومحمد على ابو سعد فكونا فريق عجيب في الطبخ .. تحديات وفنيات وكانت النتيجة طبخات منوعة لذيذة





شكشوكة ابوسعد .. طعم ملكي .. عجيب .. شكشوكة استكوزا وعلى السطح شرائح الجبن اللذيذ .. تسلم ابوسعد طعم لا ينسى .. الحين اكتب وانا ابلع ريقي





وجبة خفيفة سريعة بين الغوصتين .. ابدعتم والله ياشباب بالطبخ .. يعطيكم العافية .. يظهر ابوسعد وبجانبه ياسر لسه ماصحح ناسي منشفته عليه ..





لا يمنع لحظات تبريد من حرارة الشمس بقطغ من الشمام البارد .. ويظهر الامير خالد وكونكوردالبحر ابومروان بعد غوصة عصرية حلوه .. واستلذاذ بطعم الشمام السكري





صورة جماعية ضمت ابوناصر بن باز .. والشاب الشهم عبدالله.. والشبلان عاصم ومالك وهم يحملون الصيد .. حياك الله ابوناصر سعدنا بمقابلتك والغوص معك .. اهم شي لاتنسى المره الجاية نبي اقل شي 6 غوصات ..





ابومحمد اصر الا وضع فنيات الطبخ مع السمك .. وخاصة بعد ان جربنا جميع انواع الطبخ .. فجهز لنا معرق سمك ( سمك مقصدر ) .. تسلم ايدك ..






ابومروان وابوفهد بعد الانتهاء من غوصة الليل .. ولحظات من المرح .. بس مرح بجوع






ابوسعد وضيوفه على وجبة عشاء شهية بعد الانتهاء من غوصة ليل .. كان صيدها طيب ولله الحمد ..





ابوسعد واستعراض بالاستكوزا .. كفو يابوسعد .. ماقصرت ابدعت في جميع غوصاتك





كونكوردالبحر ابومروان والامير خالد ولحظة سريعة مع الاستكوزا ..

[كونكوردالبحر]

اسامة وصاروخ ..يحملان الصحن المليئ بالاستكوزا بعد غوصة ليل سنوركل ويظهر ابو محمد مبتسما ..





الشباب يجهزون النار لتجربة الاستكوزا المشوية وتظهر السعادة على وجوههم .. يحي وياسر وعبدالله .. يعطيكم الف عافية





النار جاهزة وبجانبها الاستكوزا ومن خلف الاستكوزا رجال ينتظرون نضجها باحر من الجمر ..




الاستكوزار على الجمر وقد تغير لونها .. وقد تغيرت الوان الشباب استعدادا للهجوم عليها ..







ابوسعد ولمسات اميرية مع الاستكوزا .. شوي طيب .. وطعم طيب




الاستكوزا وقد اصبحت جاهزة للاكل





ابوسعد يقولكم هذه هي الاستكوزا .. وحياكم الله اعضاء مكشات على ماشفتم .. وبعد هذه الوجبة .. تشبع الجميع من الاكلات البحرية ..






في اليوم التالي .. احب الشباب التغير من الماكولات البحرية باحضار تيس لبني .. هنا وقد تم ذبحة على يد ابوسعد يعطيه العافية .. استعادادا لاكلات منوعة من اللحم .. وايذانا بايقاف الاكل البحري لحدوث بعض المواقف الصعبة ووسفر البعض ثم المجيئ بنفس اليوم هههههه .. ليش الله اعلم ..هههههه


تم اخفاء الصورة بواسطة السرالكبير

ابومحمد واسامة يعطيهم العافية يقومون بسلخ الذبيحة .. وكل يقدم خبرته الحجازية والشمالية ...






الجيمع يشارك في تقطيع اللحم






ابوسعد وقد توزعت الصحون حولة لتجهيز معرق لحم ( لحم قصدير ) ..





ابوفهد يشارك في اعداد هذه الطبخة وتعلم بعض فنيات الطبخ .. يحااااول .. ونشوف





شكل قصدير اللحم قبل اغلاقة






شكل قصدير اللحم بعد فتحة .. طعم لذيذ وبهارات خاصة ملكية .. ابداع في ابداع





اصر ابومحمد كعادتة على طبخ لحيمات بدون اي اضافات ويقول ذوق وانت احكم .. وفعلا كما قال طعم لذيذ وطبخ رائع

[كونكوردالبحر]

صورة للقروب الرائع بقيادة الامير خالد .. على وجبة العشاء الاخيرة .. وقد ضهرت ملامح التعب على الجميع بعد ايام ليست باللقليلة مليئة بالغوص ..





الشباب على وجبة الفطور والغداء معا في اليوم الاخير .. الذي بعده توجه كل الى اهله واعماله ..






كونكوردالبحر يقول لكم هذا هو خيار البحر .. والذي تحدث عنه معلمنا السر الكبير .. هو نادر ولذيذ ومفيد ولكن لا تفني عمرك بحثا عنه ان وجدته فبها ونعمت وان اردته اطلبه في السوق .. ودع هراء الثراء والاتجار به






هدية القروب لي انا كونكوردالبحر .. وقد كانت هدية رائعة ومفاجاة كبيرة .. شكرا لكم اعزائي احببتكم وسعدت بمعرفتكم





وفي الختام اشكر اخواني الذين شاركوا في هذه الرحلة واخص بالذكر
سمو الامير خالد بن سعد الذي سعدت بمرافقته ..والشكر موصول لعملاق الغوص اخي ابوعاصم الذين شرفنا ببعض الغوصات الخاصة .. كذلك اشكر اخي ابوعبدالله الفريح وابوناصر النملة على حسن استقبالهم وكريم افعالهم .. سعدنا بلقاء الجمع والتعرف عليهم سعدت بلقائك اخي ابومحمد ( وصل الله ) واخي ياسر شرفتمونا .. كنتم سفراء لاهل جدة احببناكم وسعدنا بلقائكم .. تشرفت بلقاء الجميع ابوناصربن باز والسدحان وزياد وابومنصورالبراك وعبدالله واسامه ابوفهد ابوثامر ويحي وصاروخ وكل افراد القروب ..
اتمنى من اعضاء مكشات ان ينال التقرير استحسانهم وساوافيكم بالجديد باذن الله
وانتظر تعليقاتكم ولا بتنحرمون من التقارير المتواصلة ههههه
كونكوردالبحر ابومروان محمد العقبي
مدرب غوص وعضو الاتحاد العالمي لمدربي الغوص المحترفين

[abuufahad]

الله يعطيك العافيه كوكورد البحر على التقرير الرائع

وماشاء الله تبارك الله

وعقبال ما نزوركم قريبا ونسعد بصحبتكم

[يوسف حوته]

ما شاء الله تبارك الله
صراحه تقرير ممتاز جدا وصور الطبخ تألم الواحد على الصباح ههههه بالعافيه عليكم
يعطيكم العافيه وضحكني الي راحو بيوتهم ورجعو اليوم الثاني يحقلهم ههههههههه

هذي التقارير ولا بلاش

[فارس الوايلي]

ونستنى يابو مروان بالتقرير

صحبه ولا اروع
وصيد ماشاء الله

اما بالنسبه للاكل صراحه لا تعليق لاكن المفروض الواحد قبل ما يدخل على موضوعك يكون معبي بطنه
علشان ما يروح فيها من صور الطبخات اللي كل صوره احلى من الثانيه

اتمنى لكم التوفيق

[نجم بحري]

ما شاء الله تبارك الله
يا كدا الطلعات ولا بلاش
بس ما ني شايف إلا أكل أكل أكل.....

جوعتونا الله يسامحكم
وعموما بالعافية على قلوبكم

والله يجعلها رفقة الجنة إن شاء الله

[محترف غوص]

ما شاء الله تبارك الله

صراحه تقرير قمه الروعه

وصحبه ماشاء الله ولااحلى

وفقكم الله وسدد على دروب الخير خطاكم وجمعنا بكم في الجنه

بالعافيه عليــــــــــــــكم

[MrDolphin]

دائماً مميز يا ابو مروان سلمت يداك على التقرير الرائع وبكذا أنت تحمسنا نزوركم في تبوك ونسعد بصحبتكم , في أقرب وقت بعد تيسير المولى عزوجل

[البضيع]

ما شاء الله تبارك الله صراحه تقرير قمه الروعه وصحبه ماشاء الله ولااحلى
لكن لي عتب بسيط بالنسبة للاستكوزا ليكم ماطلعتوا الا الكبار بس ولا الصغار خلوها الين تكبر وطلعوها



تحياتي لك و للجروب اللي معك

[قناص البحر]

السلام عليكم ورحمة الله

ما شاء الله صيد طيب


ورحله طيبه وتستاهلون كل خير


وبارك الله فيكم وجمعكم ع طاعته

[أبو إبراهيم !!]

ماشاء الله تبارك الله
الله يعافيكـم والله رحلة ممتعة
والشباب كلهم متواجدين......وعليكم بلعافية
ـــــ ، ، ، 1 ـــشكر ،،،

[عاشق سفاري]

كنكورد البحر
بيض الله وجهك على الموضوع الرائع والجميل منك
وهذا ليس بغريب على ابومروان