15 نوفمبر 2015 - 16:514 نوفمبر 2015 - 21:27 منتديات مكشات


لمتابعة "الأحوال الجوية والرحلات" عبر جوال مكشات أرسل الرقم 1 إلى 809207 (اتصالات) - 601259 ( موبايلي )

::::::: تابعونا على تويتر مكشات :::::::


المنتدى لازال قيد التطوير ، وسيتم حل المشاكل وإكمال النواقص قريبا إن شاء الله

::::::: تطبيق مكشات للأجهزة الذكية :::::::


تفعيل العضوية

إرسال كود التفعيل

مركز تحميل الصور

باحث قوقل لمكشات

الرصد الجوي

رادارات المناطق

إستعادة كلمة المرور

تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية
صفحة 1 من 2 12 الأخيرةالأخيرة
النتائج 1 إلى 15 من 16

الموضوع: قصائد القنص والطيور

  1. #1
    تاريخ التسجيل
    Sep 2002
    الدولة
    فى ارض الله الواسعة
    المشاركات
    4,489

    قصائد القنص والطيور

    الصبح تلقـى للحبـاري مماشـي=ومقيضات ماثعـو هـن صقاقيـر
    وطلعت قرناس بصـدره نقاشـى=ومجرب ماهوبـرا عـى تناكيـر
    لاشاف طلعه زان وجهه وهاشـي=ثم انطلق والكف يرخي له السيـر
    وسقنا خلافه مع حروف الدشاشى=متجنبين الروض هـو والعثاميـر
    سواقنا ماهـو خطـات الجغاشـي=متعلمن للطرد فـي ديـره الطيـر
    حول من اللجه تقل وبـل ناشـي=وصاد المخيش واكتنفنا المخاميـر
    وثارن عليهم بالمكـن والنواشـي=ماطار طاح ونومسن راعي الطير
    ويازين عقب العصر وقت المعاشي=وتعليمنا لـو حوشنـا بالمواكيـر
    هب البراد وصار فيهـا رشاشـي=ثـم انحرفنـا للـدلال المباهـيـر
    في وسط صيوان ملي بالفراشـي=فيه النشامـا والوجيـه المسافيـر
    رفقه خلاما هـي بخـوه معاشـي=وبين اخويانـا ماتهـم المخاسيـر

  2. #2
    تاريخ التسجيل
    Sep 2002
    الدولة
    فى ارض الله الواسعة
    المشاركات
    4,489
    الشاعر حمد السعيد
    شاعر كويتي شاب عشق المقناص والصحراء والوسم والربيع والبارق والمطر كأي شاب بدوي فهذا عشقنا وهذا ماجبلنا وتربينا عليه ..
    لشاعرنا الشاب حمد السعيد الكثير من القصائد بالمقناص .وتميز شعر حمد السعيد بالعذوبة ووصفه الدقيق للطير لكثرة علاقته به وقربه لنفسه ..
    اول قصائد الشاعر والتي سأعرضها عليكم من خلال هذه المشاركة التي سأورد فيها قصائد شاعرنا هي قصيدة الطلح ..والطلح هي شجرة ذات اشواك تنبت في الصحراء وكانت مناجاة وحديث شجن بين شاعرنا الذي يحاكي شجرة الطلح من خلال قصيدة رائعة وهو يسأل الشجرة عن طيره الذي فقده ...
    بأسلوب سلس وشيق وفي نفس الوقت يبين لنا الشاعر حمد السعيد مدى العلاقة والحب الذي يجمع بينه وبين الصقر ..
    اترككم مع القصيدة

    "
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    يالطلح مامرك مع الصبـح صافـي=طيرٍ غدا لي امـس والشمـس حيـه
    اتلى العهـد بـه راح يطـرد مقافـي=خبري بـه اومـا فـي جناحـه هنيـه
    لاوالله الا مـرنـا الـعـصـر وافـــي=كــنــه غــــلامٍ مسـتـغـيـر بـهــيــه
    اقـبـل عليـنـا ثــم اخــذ بانحـرافـي=يـوم الحـبـاري وقـعـن لــه سـويـه
    يالطلـح قـل لـي عـل مابـه خلافـي=الـبـارحـه بـــرد وشـمــالٍ قــويــه
    كانـه تعـشـى قـلـت عـلـه عـوافـي=والحـي يجمعـه الولـي مـع خويـه
    لاوالله الا صــاد خــرب متـعـافـي=واخـذ علـيـه مــن الثـنـادي شـويـه
    لامـفـلـسٍ مـــره ولاقـــال كـافــي=يــوم اخلفـنـه عــن عـشـاه حقبـيـه
    خــابــره والله قــاطــعٍ مـايـخـافـي=دايم على الصيـده تجـي لـه حميـه
    انـشـدك بالـلـي منبـتـك بالسـوافـي=عـسـاه فــي خـيـرٍ ولافـيــه سـيــه
    خبري به اقرش في سبوقه خلافي=مابه بـلا وامـرح علـى هالحصيـه
    والفجر شخّص بالنواظـر وشافـي=طـلـعـه بـعـيـد ويـمـتــه سـاحـلـيـه
    يالطـلـح ذا حـبـه ولاهــو بـخـافـي=مـتـعـادلٍ حــبــه بــحــب الـبـنـيـه
    بعض الطيور ان راح قلنا عوافـي=لاشــك هــذا ويــن ابلـقـى حـلـيـه
    اتعـب عليـه وعـادت الحـر يـافـي=اضـرب سهلهـا والوعـر والشقيـه
    يجـيـبـه الـلــي رازقٍ هالعـجـافـي=بهـايـمٍ تمـشـي عـلــى غـيــر نـيــه
    يالطلح لك مني يابو غصن ضافـي=لاجـابــه الله وكـــل نـيــه مـطـيــه
    لاجيك انا فـي موتـر القـش هافـي=واسقـيـك هـالـلـي بـاقــي بتانـكـيـه
    وآطـا علـى رملـة سوافيـك حافـي=وكـلٍ عـلـى ماقـيـل يـذكـر خـويـه



    التعديل الأخير تم بواسطة ابو عايد ; 18/08/2004 الساعة 11:30 PM

  3. #3
    تاريخ التسجيل
    Sep 2002
    الدولة
    فى ارض الله الواسعة
    المشاركات
    4,489
    كما ذكرت لكم اخواني واخواتي في الجزء الاول ان هناك تكملة لما حصل مع الشاعر حمد السعيد ومناجاته لشجرة الطلح وهو يسألها عن صقره الذي فقده اثناء المقناص .وبينت لكم الحب والعلاقة التي تربط القناص بصقره .
    لم يعثر حمد السعيد على صقره وحزن كثيراً لفقده وكان كل مابتمناه ان يكون الطير في خير وشبعان وان البرد لم يؤثر عليه
    وصلت قصيدة الطلح الى مسامع الناس عبر الصحف واللقاءات مع الشاعر حمد السعيد وسمع بها سمو الامير عبد العزيز بن سعود((السامر)) والامير عبد العزيز من عشاق القنص ومن عشاق طير الحر وتألم لاحساسه بمعاناة شاعرنا حمد السعيد وهو يناجي شجرة الطلح وينشدها عن طيره
    واختار سمو الامير اطيب صقوره وارسلها الى الشاعر حمد السعيد لعله يعوضه عن صقره او يخفف بعضاً من معاناته ..
    وكان لابد ان يسجل هذا الموقف لسمو الامير عبد العزيز بن سعود
    وكانت هذه الابيات التي كتبها الشاعر حمد السعيد وهو يصف طيب سمو الامير عبد العزيز بن سعود من خلال دمج كل ذلك مع الوصف الدقيق والرائع للصقر ..
    اترككم مع القصيدة لتستمتعوا




    يالبازعي طيري طلع مثل راعيه=زولٍ وفعلٍ والمـواري تشابـه
    بالطلع موقف مالقى من يماريـه=عساه يسلم سيـدي يـوم جابـه
    له ماكرٍ في بر فارس محاريـه=كني اشوفه يوم خاطـو اقطابـه
    صفاة وجهه مع شـدوده توديـه=ضمن الحرار ولاوراها اااطلابه
    النادر اللي يوم عزمـت اسميـه=سميته (السامر) واشوفه زهابـه
    اليـا قفيتـه شفـت دقٍ محنيـه=واليا نطحته من عيونـه تهابـه
    كن الثريا في قواطـي مواميـه=ابيض نحر كنه يشع الضوا بـه
    هجرٍ..قصير الساق..جبره ثناديه=وله عاتقٍ يعطي شموخ ومهابـه
    اليا مسح وجهه ونهض مواطيـه=يطري علي اللي عزيـزٍ جنابـه
    به من طبوعه مشبع اللي حواليه=وماخذ من طبوعه ليان بصلابـه
    وجهه ليامن صاد يشبه محاليـه=لابشر بضيـفٍ وردد هـلا بـه
    لاتل سبقـه قلـت ياطيـر لبيـه=واقفى وكني كاسبٍ بـه ثوابـه
    وجاهن وهو كن المنايـا تباريـه=زيزوم قـوم وفزعـوه القرابـه
    اللي معه بالطلع ماعـاد يمديـه=ياصل مطاليعه وهو مادرى بـه
    من عادته برق الدواغر مداميـه=في صيدته الطير غمقٍ صوابـه
    اليا ضرب ماوافق الضرب يفريه=كن بيمينه من سيوف الصحابـه
    ينقى كبير العرف ماهـو يخليـه=من خيشت قدمـه نهبهـا نهابـه
    ياسعد عين اللي قنص عانيٍ فيه=طيرٍ وماخذ من طبـوع الذيابـه
    لاصارت الدعوا عناد ومشاريـه=اخذه وكنك ماخـذٍ معـك لابـه
    الطير احبه حيل من حب راعيه=عبد العزيز اللي عزيـزٍ جنابـه
    الشاعر / حمد السعيد


  4. #4
    تاريخ التسجيل
    Sep 2002
    الدولة
    فى ارض الله الواسعة
    المشاركات
    4,489
    قصيدة اخرى للشاعر حمد السعيد بعنوان الشيح
    والشيح نبات صحراوي طيب الرائحة والطعم حيث انه بعد تجفيفه يشرب مع الشاي او يشرب لوحده وله طعم طيب ورائحة طيبة ..وفي الفياض اللي يكثر فيها الشيح يشبونه ليستدفؤا بناره
    وهاهو شاعرنا من جديد يناجي هذه النبتة بأسلوب شيق وهو يودعها بعد مضي فترة في الصحاري للقنص وقد غلبه الشوق لابنه ((خالد)) . الا انه يعتذر من هذه النبتة لانه سيغادر الى الديره والاهل ..وحمد السعيد تميز بهذا الاسلوب فكما سمعناه وهو يقول بيتين شعر ويرد على نفسه بلسان شجرة الطلح ..وهنا يتحاور مع نبتة الشيح ويحاورها بأسلوبه المميز وشاعريته المرهفة ومفرداته البدوية الاصيلة ..
    هذا الملف لقصائد القنص وهذه القصيدة لم يذكر بها حمد السعيد الطير ولكنها قريبة لقلوبكم لانها تصف اماكن المقناص وهدة الطير وهي جزء من هذا الملف الذي ارجو ان اضع به كل ماتقع عليه يدي لأعرضه لكم بهذه الطريقة التي اتمنى ان تحوز على اعجابكم
    واترككم مع القصيدة


    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    ماجيت منك وخاطري فيك يالشيـح=ماجيت منك الا وانا خالـصٍ منـك
    طرت على قلبي طواري المراويـح=للديره اللي شوفها يعوضنـي عنـك
    الله اكبـر كـن مالـك مسـاريـح=بفياضنـا ذي جـرتـك ذا تفنـنـك
    ماكـن مريتـو قنـوصٍ مصابـيـح=من كثر صيدي عقب الامحال مسمنك
    ودعـت بـك ربـعٍ كـرامٍ مفاليـح=بعيونهـم عشـقٍ قديـم لمواطـنـك
    وانا دموعي مثـل دمـع التماسيـح=ياموطني يالله عسى الخيـر يسكنـك
    يرزقني اللي منشي السحب والريـح=وبـلٍ يخلـي كـل روضٍ يجننـك
    واللي قعدوا عندي عساهـم مرابيـح=فقعٍ وصيدٍ وانت يالعجـل ماارعنـك
    يالشيح دوك ايدي شهـبٍ مجاريـح=من قو بـردك نشعلـك ثـم ندفنـك
    ولالقيت ابـك الدفـا وهبـة الريـح=كـم ليلـةٍ ازرت ظلوعـي تزبنـك
    مثلك يبي رمثٍ وبيضٍ صحاصيـح=يـاذا المسافـر تـو بينـت معدنـك
    روح..وباكـر لالفيـتـو مشافـيـح=والله لادسس كـل ماتشتهـي عنـك
    يالشيح ماقصدي ملل يوم انا اصيـح=يالشيح شوق لديرتي وانت ماازينـك
    يطري علي (خالد)عقب وقفة الريـح=واهـل دمـعٍ لـو تحسـه يحزنـك
    انا اتحضـن وهـم وافـز واطيـح=وانت السحاب وكل نجمه تحضنـك

    التعديل الأخير تم بواسطة ابو عايد ; 03/03/2005 الساعة 12:05 AM

  5. #5
    تاريخ التسجيل
    Mar 2004
    المشاركات
    7,648

    السلام عليكم ورحمة الله وبركاته

    أخي ابو عايد

    أختيار موفق وسلس قصائد عذبه وجميله جدا
    مناجاة شاعر وقناص متمكن
    محاوره جميله جدا
    صح لسانك يابن سعيد

    أخي أضافة لجمال هذا الموضوع فقد أدخلت الصور



    تحياتي

  6. #6
    تاريخ التسجيل
    May 2004
    الدولة
    الحفنه
    المشاركات
    562

    شكراً لك أخوي أبو عايد

    وأتحفتنا بالقصيد والقصص الجميله
    ونريد منك الزود
    وعلى قولتهم
    أنت كريم
    وحنا نستاهل

  7. #7
    تاريخ التسجيل
    Dec 2003
    الدولة
    جنون الشعر
    المشاركات
    204
    السلام عليكم ورحمة الله وبركاته




    شكرا لك وماقصرت


    كفيت ووفيت ...الله يعطيك العافيه



    وتسلم يمناك على هذا الاختيار


    تحياتي لك
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي




    www.3abs.com
    هذي عوايدنا إليا ثار هالقبــــــــــس

    ,,,, تلحق علي درب الطلابه طلابــــــــــــــــه 0

    حنا هل العادة سلايل بني عبـــــس

    ,,,, كم عايلٍ يزمي وحنا عـذابــــــــــــــــــه


  8. #8
    تاريخ التسجيل
    May 2003
    المشاركات
    1,048
    السلام عليكم ورحمة الله وبركاته

    مضوع جميل تشكر عليه يا ابو عايد ..
    عندي سؤال اذا ما فيه ازعاج نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    وهو وين ممكن القا قصايد الشاعر حمد السعيد
    على اشرطه مسجل بصوت الشاعر او غيره.
    علما باني في الرياض .

    مع الشكر ..

  9. #9
    تاريخ التسجيل
    Sep 2002
    الدولة
    فى ارض الله الواسعة
    المشاركات
    4,489
    أخي الغالي ريف النشاما مشكور على مرورك

    وعلى هذه الاطلاله الرائعه من مشرفنا الغالي

    وكلك ذوق .......... ويعطيك الف عافيه يابو عبد العزيز

    [line]

    هلا والله وغلا باخوي السهلي مشكور على مرورك

    وابشر والله من عيوني الثنتين وما عليك زود

    [line]

    وعليكم السلام ورحمة الله وبركاته

    مشكور يالغالي على مرورك .......... .

    وما عليك زود .... والله يعافيك ومن قال يسلم يالغالي

    [line]

    وعليكم السلام ورحمة الله وبركاته

    لا شكر على واجب ....... ومشور على مرورك اخوي قشاع الرمث

    على ما اعتقد ان الشاعر اشرطه تسجيل في الكويت

    ولكن ابحث عنها في مواقع التسجيلات الاسلاميه وانشاء الله تلقاها

    [line]

    واسف على التاخير يا رجال

    وتقبلوا تحيات العاشق الولهان

  10. #10
    تاريخ التسجيل
    Sep 2003
    الدولة
    السعوديه
    المشاركات
    727
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  11. #11
    تاريخ التسجيل
    Sep 2002
    الدولة
    فى ارض الله الواسعة
    المشاركات
    4,489
    هلا والله وغلا ببرق الشمال

    مشكور على مرورك والله يعطيك العافيه

    والشاعر قد اعجبني بقصائده وقمت بطرحها بصوته وله ديوان وله موقع معروف

    وتقبل تحيات // العاشق الولهان

  12. #12
    تاريخ التسجيل
    Sep 2002
    الدولة
    فى ارض الله الواسعة
    المشاركات
    4,489
    السلام عليكم ورحمة الله وبركاته

    عندي سؤال اذا ما فيه ازعاج

    وهو وين ممكن القا قصايد الشاعر حمد السعيد
    أخي قشاع الرمث هذا موقع الشاعر حمد السعيد من هنا

    وتقبل تحياتي // العاشق الولهان

  13. #13
    تاريخ التسجيل
    Aug 2004
    الدولة
    حفرالباطن
    المشاركات
    72

    ((( ماشاء اللــــــــــــــة )))

    السلام عليكم ورحمة الله وبركاته

    اخوي
    صح لسانـــــــــــــــ ـك

    ابي قصيدة عن جيب سفاري ولا تواخذني اذا قلت
    الموديل
    92 ومشكور على القصائدنقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    سوا لي الكيف وارهو لي الدلة &&&&&
    البن الاشقر يداوي الراس فنجالة &&&&

  14. #14
    تاريخ التسجيل
    Sep 2002
    الدولة
    فى ارض الله الواسعة
    المشاركات
    4,489
    هلا والله قناص الحفر

    مشكور على مرورك وصح ابدانك وانشاء الله الشباب مايقصرون

    وتقبل تحياتي // العاشق الولهان

  15. #15
    تاريخ التسجيل
    Nov 2007
    المشاركات
    62

    رد: قصائد القنص والطيور

    يعطيك العافيه اخوي ابوعايد ماقصرتنقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

صفحة 1 من 2 12 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •