محتار ,, فدلوني على أفضل أنواع ثلاجات السيارات

[تيتشر]

بسم الله الرحمن الرحيم

اخواني الأعزاء السلام عليكم ورحمة الله وبركاته

أنوي شراء ثلاجه للسياره للتبريد والتجميد

ووجدت أن هناك من يمدح ثلاجة الرمايه وهناك من يمدح ثلاجة الطمره ...الخ

اللي ابيها ثلاجه 80 لتر او 90 لتر اذا فيه .. يعني شي كبير

ابي ثلاجه تكون متينه وقويه وما ينخاف من خراباتها وياحبذا تكون خدمات ما بعد الشراء معقوله .

فياليت كل واحد يدلي بدلوه بنوع الثلاجه وسعرها تقريبا ووكيلها , وأي معلومه قد تهمني

مع جزيل الشكر مقدماً

[كشّات شتوي]

كان ودي اخدمك لكن للأسف .... حتى أنا محتاج ثلاجة وأنتظر ردود الشباب معاك.

[سيف الظفير]

بسم الله الرحمن الرحيم

اخواني الأعزاء السلام عليكم ورحمة الله وبركاته

أنوي شراء ثلاجه للسياره للتبريد والتجميد

ووجدت أن هناك من يمدح ثلاجة الرمايه وهناك من يمدح ثلاجة الطمره ...الخ

اللي ابيها ثلاجه 80 لتر او 90 لتر اذا فيه .. يعني شي كبير

ابي ثلاجه تكون متينه وقويه وما ينخاف من خراباتها وياحبذا تكون خدمات ما بعد الشراء معقوله .

فياليت كل واحد يدلي بدلوه بنوع الثلاجه وسعرها تقريبا ووكيلها , وأي معلومه قد تهمني

مع جزيل الشكر مقدماً

يا بعد حيي توكل على الله وخذلك ثلاجة الرماية ومر عليهم في شارع التحلية وشد عليهم لا تاخذها بدون خصم الـ 40 لتر او 45 بـ 1800 ريال

[شرق الصمان]

يوجد ثلاجات في محل البرية للرحلات بالرياض
صينية الصنع وتجي ثلاث مقاسات 40 و60و80 لتر
عليها ضمان سنة على الكمبرسر ويوجد قطع غيار
للثلاجة بالمحل
تشتغل على بطارية وكهرباء220 تحكم تبريد وتجميد
حتى 22 درجة تحت الصفر
ستانلس ستيل قوية ومتينة
وسعر 80 لتر 2500 ريال
و40 2000ريال
و60 2300ريال
شريت ثلاجة 80 لتر قبل سنة
وماأدري هل الكمية خلصت
ام إلى الآن موجودة

[سيف الظفير]

هذي يالغاي ثلاجة الرماية



بسم الله

السلام عليكم جميعا ..

ماشاء الله تبارك الله .. ...




داخل السيارة مع وجود التانكي ( الثلاجة 80 لتر)






وهنا مقارنة بين الاختين (الفرق بالارتفاع فقط )





اشكر كل من شارك وكل من سام السومات الطيبة اللي وصلت ( 1800) ولكن اعتقد انه ليس حق الثلاجة... لذلك انا اشتريت الاخت الصغيرة وفضلت عدم الاستعجال بالبيع .....ومتاكد انه سياتي اليوم اللي ان شاء الله ببيعها بقيمتها الحقيقية... مايجعلني اقول ذلك: 1- مزايا الثلاجة الممتازة..ومنها الكومبريسور الالماني ووجود ثلاث مراوح تبريد مع ثلاث جهات,, وسمعتها الطيبة,,وقوتها ومتانتها,,واحكام اغلاقها.. 2- ذكر لي احد الاشخاص ان اسعارها الحالية هي اسعار ترويجية ( عرض ), وان هناك سحب كبير ( من الموزعين ) على الثلاجة خصوصا الـ (80 لتر )..وان سعرها قد يرتفع عن ماهو عليه الان .....وقال لي اصبر وبتبيع براس مالها اذا منتب طماع....خصوصا انها جديــدة مااستخدمت..

[تيتشر]

جزاكم الله خير
بصراحه انا معي ونيت جمس
وناوي آخذ لي وحده 80 او 90 لتر
فاشوف الاخوان الحين يقولون ثلاجة البريه وثلاجة الرمايه وعاد مدري وشي الزينه بينهم
واستغرب محد تطرق لثلاجة الطمره

[سيف الظفير]

ردي اعلاه منقول من موضوع احد الاعضاء

[تيتشر]

للرفع للاستفاده من خبرة البقيه ولا هانوا الاخوان اللي شاركوا بالموضوع

[العائم بالصحر]

كان بودي اني افيدك ايهن ازين لكن انا شريت قبل سنتين تقريبا الفريز اللي يجي مقصوص وما عندك بازين منه ولاهو مدح لكن لا خراب ولا غيره وبعدين احطه بالصندوق باخر السيارة والى الحين ماشي على اعلى مستوى وعلىفكرة يثلج وسعره تقريبا على ما اظن 600او 500 ريال بس وهذي الصور

[الوانيت1]

كان بودي اني افيدك ايهن ازين لكن انا شريت قبل سنتين تقريبا الفريز اللي يجي مقصوص وما عندك بازين منه ولاهو مدح لكن لا خراب ولا غيره وبعدين احطه بالصندوق باخر السيارة والى الحين ماشي على اعلى مستوى وعلىفكرة يثلج وسعره تقريبا على ما اظن 600او 500 ريال بس وهذي الصور

الله يبارك لك فية
لو تكرمت أحى من وين شريت الفريزر هذا
ومامعنى كلمة مقصوص هل يوجد بة كمبريسر ويشتغل على الكهرب أم ثلج فقط
يرجى لو تكرمت المزيد من المعلومات وشكرا لك ...////.

[طاش]

ممكن رقم المحل ثلاجة الرماية واذا فيه في الشرقية ولا الحساء لاني من قطر

[كوماندز]

اخوي العائم بالصحر ممكن تفيدني اكثر عن الثلاجه او ممكن ترسل لي رقم جوالك ابي استفسر منك لاني حاولت اراسلك بس انت مانع الرسائل

[سرهيد]

السلام عليكم

هلا بك

اهل اصيد والروحات والجيات يمدحون الطمرة

انا عني ماجربتها ولا جربت غيرها

بس احببت انقل كلام بعض اخواني اللي يملكونها

تقبل احترامي

[مخاوي الليل1]

السلام عليكم ورحمة الله وبركاته
اخوي العائم بالصحر
انا عندي نفس الثلاجه خط 110 ماعرفة اشغلها على محول السياره مع اني المحول 220 وحطية محول من 220 الي 110 ولا اشتفلت ممكن اخوي الطريقه الي انت مشغل فيه
واخر كلامي سلامي الجميع
والحمدلله رب العالمين

[مخاوي الليل1]

لسلام عليكم ورحمة الله وبركاته
اخوي كوماندز
حاولت ارسل لك على الخاص بس المنتدى ماسمح لي مشركاتي اقل من 50 مشاركه
اخوي
في اي محل بيع الثلاجات بتحصله بس 12 فلت تشتغل على المحول السياره
واذا تامر على الي عندي من عيوني والله ماتغلا ياغالي
واخر كلامي سلامي على الجميع
والحمدلله رب العالمين