الكفرات الامامية ترج

[العشة]

السلام عليكم

شباب عند واحد من اخوياي جيب ربع


اذا مشى بالسبعين الا الثمانين يبدن الكفرات الامامية يرجن مرة

والموتر يبدا كله يرج تقول بنشاف حق الملابس اذا صار يضرب

ودورانه غير صحيح

وش الحل معه ؟؟

وشكر ا لكم .

[سوبر VTC]

و عليكم السلام و رحمة الله

الرجه موجوده بالجيب الحوض و الربع

بعضهم رصص الجنوط ترصيص عادي
بعضهم رصص ليزر
الجنوط سواءا شنبر ام كروم ترصصهن كله واحد ما يزين

بعضهم غير مساعد الدركسون و بعضهم دبل المساعد ماستفاد

و الحل؟؟؟؟؟؟؟؟؟


الحل طال عمرك شف عندك الذراع اللي يلف الكفر
اللي راكب على الكليبر
تلقى بنهايته مع الجنب تيله او مسمار
هاذي تفكه اذا فكيته يصير بوجهك صاموله كبيره جدا
تجيب مفتاح عادي سكروب مهب مربع
و تشد على الصامولة تقريبا نص دورة
و تروح للكفر الايمن و تشد نص دورة
يعني توازن بينهن لازم
و تشد على كلهن حتى يوقفن نهائيا يعني يتكن
طبعا الكفر الايسر تلف الكفر يسار لاخر شي و تطلع التيله السابقة
اما الكفر الايمن لا
لازم تفك الكفر لان المكان ضيق

طبعا فيه بديل عن السكروب
و هو تجيب مفتاح عجل شف بنهاية الممسك به راس زي السكروب العادي
هذا اللي يفكون به طاسة الكفر سواء جمس او فورد او غيرهن

هذا الراس تقدر تشد به الصامولة

اذا خلصت تركب التيل مرة ثانية

علمن وش يصير معك

و هذه الطريقة احد الزملاء ياخذ منك 300ريال و تضبط الشغله و مع الضمان على الشغل

لان فيه اشخاص غيروا اشياء و لا استفادوا خساير

تحياتي

[aboteef]

ما شاء الله تبارك الله عليك يا سوبر فتك

انا اكتب الحل للخ لكنك سبقتني
الله يوفقك ويجعلك سباق الى الجنة

[سوبر VTC]

ما شاء الله تبارك الله عليك يا سوبر فتك

انا اكتب الحل للخ لكنك سبقتني
الله يوفقك ويجعلك سباق الى الجنة

هههههههه

مايمديك تسبقن

اللهم امين و ياك و كل مسلم

هذا من حسن ذاتك و اخلاقك

تحياتي

[العشة]

الله يجزاك خير سوبر فتك

وابجرب وارد لك خبر

وشكرا لك ابو تيف

[البرتقالي]

اللي اعرفه الرجه على سرعة ثمانين تسعين ترصيص

[سوبر VTC]

اللي اعرفه الرجه على سرعة ثمانين تسعين ترصيص

كلامك على متمه
بس ربعي رصصوا جميع انواع الترصيصات
حتى دبلوا المساعد و
لا استفادوا

الا بهذه الحركه السابقه

[ذيب العك]

سوبر السلام عليكم موجود اخوي حياك الله

[سوبر VTC]

سوبر السلام عليكم موجود اخوي حياك الله

وعليكم السلام و رحمة الله
الله يحييك

[البرتقالي]

كلامك على متمه

بس ربعي رصصوا جميع انواع الترصيصات
حتى دبلوا المساعد و
لا استفادوا

الا بهذه الحركه السابقه

ولاتهون يابعدي ترى كلامي اضافه لكلامك مهوب اعتراض عليه
اخاف خوينا طلع عليه رصيف وراحت فيها الجنوط

[سوبر VTC]

ولاتهون يابعدي ترى كلامي اضافه لكلامك مهوب اعتراض عليه
اخاف خوينا طلع عليه رصيف وراحت فيها الجنوط

كل شي جايز

و حتى غالبيه الجنوط هالحين اكثرهن تجاري

[العشة]

يعطيكم العافية على اثراء هالموضوع الهام لاصحاب الشاصات والربع

اخوي سوبر فتك

ياليت تعطين رقم جوال الرجال اللي يزبطه ب 300

[سوبر VTC]

يعطيكم العافية على اثراء هالموضوع الهام لاصحاب الشاصات والربع

اخوي سوبر فتك

ياليت تعطين رقم جوال الرجال اللي يزبطه ب 300

هلا اخوي راعي العشه

بشر وش صار على موترك

الرجال اللي يصلح هالمشكله اشوف عنه بكره ان شاء الله

مع انه تاركن الشغله له 6 اشهر تقريبا

تحياتي

[عزيز2100]

و عليكم السلام و رحمة الله

الرجه موجوده بالجيب الحوض و الربع

بعضهم رصص الجنوط ترصيص عادي
بعضهم رصص ليزر
الجنوط سواءا شنبر ام كروم ترصصهن كله واحد ما يزين

بعضهم غير مساعد الدركسون و بعضهم دبل المساعد ماستفاد

و الحل؟؟؟؟؟؟؟؟؟

الحل طال عمرك شف عندك الذراع اللي يلف الكفر
اللي راكب على الكليبر
تلقى بنهايته مع الجنب تيله او مسمار
هاذي تفكه اذا فكيته يصير بوجهك صاموله كبيره جدا
تجيب مفتاح عادي سكروب مهب مربع
و تشد على الصامولة تقريبا نص دورة
و تروح للكفر الايمن و تشد نص دورة
يعني توازن بينهن لازم
و تشد على كلهن حتى يوقفن نهائيا يعني يتكن
طبعا الكفر الايسر تلف الكفر يسار لاخر شي و تطلع التيله السابقة
اما الكفر الايمن لا
لازم تفك الكفر لان المكان ضيق

طبعا فيه بديل عن السكروب
و هو تجيب مفتاح عجل شف بنهاية الممسك به راس زي السكروب العادي
هذا اللي يفكون به طاسة الكفر سواء جمس او فورد او غيرهن

هذا الراس تقدر تشد به الصامولة

اذا خلصت تركب التيل مرة ثانية

علمن وش يصير معك

و هذه الطريقة احد الزملاء ياخذ منك 300ريال و تضبط الشغله و مع الضمان على الشغل

لان فيه اشخاص غيروا اشياء و لا استفادوا خساير

تحياتي

صحيح انا معي حوض وصارت معي نفس المشكلة وبعد الترصيص وتغير المساعد ووو الخ من الخساير

زينت هالطريقة والحمدلله ضبطت

تحياتي