هل اقدر اركب علبة دركسون هواء لددسن عاديه وكم تكلف وهل تنصحوني بها

[الربذي]

السلام عليكم

اخواني بصراحة الددسن مايستغنى عنها للبيت حبيبه وخدومه اغراض اسطوانات شيل حط كد واقتصادية لكن لقيت وحدة نظيفه بس عيبها دركسونها ثقيل مرة موديلها 95 ب15الف فقط غمارتين مكيف ولافيها سمكرة الاستمارة طايفة سنتين
ولقيت جي ال 94ب26الف واخرى ب24الف وشوفووا الفرق عشانها جي ال والدركسون خفيف ابي

اي واحد يعرف كم تكلف شغل يد وقطع من التشليح يمكن احد سال ولا شي ..

اخوكم

[الربذي]

استغفر الله العظيم واتوب اليه

[الشهابة]

و الله يا الربذي حالي مثل حالك .. ادور لي ددسن .. و لقيت وحده حليله بس ياليت عيبها دركسونها عادي إلا ما فيها مكيف .. و الرجال حادها بسعر معقول .. بس بصراحه بدون مكيف صعبه .. و ودي اعرف اذا اقدر اركب لها مكيف او لا .. و اذا ركبت بينفع و الا كل يوم خربان ؟!!

و الله يسهل امورك .. و جميع المسليمن ..

[الربذي]

ينفع لكن الافضل شد بلد لان الفرق مايسوى................ انا يارجل الفرق عندي تصدق فوق 10الاف اقل شي .................

وشكرا لك اخوي وش الددسن الي لقيت وكم سعرها
جاري مشتري 97 غمارتين جي ال مادقه الشاكوش ب20 الف بس يقول قعدت اتصيد بالمعارض اسبوعين كل يوم اروح وترا الي برا يلفون ولا ملبقين ارخص من الي موقفات بالمعرض بفرق 6000بالموديل نفسه

يعني لقيت 94ب26الف وجاري مشتري 97 ب20 .....ولقيت 98 مع شايب جي ال مسيزمه ب26 الف خارج المعارض انت وش الموديل الي تبي وادور لك معي ان شاء الله اذا رحت للمعارض ....اذا لقيت صيدة هههههههههههههههههههههههههههههههههههههههههههههههههه ههههههههههههههههههههههههههههههههههه طالعين قنص خربونا الشريطيه ياكثر مااسمعها معهم ...

ذكرتني بسيارة اشتراها لي الوالد الله يحفظه ويطول عمره على عمل الخير .. كاول سيارة 5 غيار كانت 90او 91 ناسي ومكيفها مركب تركيب الظاهر لانه شكله غريب ويبلشني يثلج ويتسدد ثم اطفيه لين يروح الثلج واشغله وكذا انساه ولا اذا طفيت الكمبرس يدوي كل خمس دقايق مايثلج حااااااااااااااااااااااااااااااااااالة ههههههههههههه ايام زماااااااااااان عام 1411

[ياليل خبرني]

هلا باخونا الربذي
تكلفك ترهيم الطارة قطع وكالة اصلية ب1800 الى 2000 ريال عند ورشة الطائر للهيدروليك
بالصناعية القديمة وهو متخصص بشغل دودة الدركسون

[سلطا ن]

اخوي توجه الى الصناعيه القديمه واسأل عن التكلفه
واتوقع انها تكلف 1000الى 1200
ولكن اسأل بالصناعيه القديمه ويفيدونك هناك

[أبو أسامة]

وعليكم السلام ورحمة الله وبركاته

أخي الكريم :

يبيلك أربع أشياء :
1: شراء علبة دركسون .
2: شراء بكرة .
3: شراء ليين واحد الداخل والآخر الخارج من العلبه للدوده .
4: شراء سير حجمه أطول .

وأنصحك تريح راسك وتأخذها من محل واحد بالتشليح ويركبها لك على الشرط بحدود 1000 ريال بالكثير ... وترى يركب عليها قطع ددسن موديل 2004 ....

والله يوفقك .....

بالنسبه لتوليف مكيف فمشكلته يبيله ثلاجه ويبيله كمبروسر ويبيله بلووف ويبيله سخان ويبيله علبة مكيف ويبيله ليات ومواصير المكيف ويبيله حساس المكيف ويبيله علبة مفاتيح المكيف ... ويبيله فك الطبلون من أجل تركيب السخان والثلاجه يعني قصه طويله عريضه ..... والله يوفقكم جميعاً.

[sameer_1798]

والله ياخوي أنصحك ماتغيره يازين دركسونات أول ماكنا نعرف خرابات الدوده ومشاكلها
والدركسون عادي تتعود عليه .

[الربذي]

هلا باخونا الربذي
تكلفك ترهيم الطارة قطع وكالة اصلية ب1800 الى 2000 ريال عند ورشة الطائر للهيدروليك
بالصناعية القديمة وهو متخصص بشغل دودة الدركسون

جزاك الله خير اخوي ياليل خبرني وانا الشمال والرياض بعيدة وللكن تكفي طلتك البهيه وشكرا لك اخي من القلب ...........

.....
.................................................. .................................................. ..
.......سلطا ن
اخوي توجه الى الصناعيه القديمه واسأل عن التكلفه
واتوقع انها تكلف 1000الى 1200
ولكن اسأل بالصناعيه القديمه ويفيدونك هناك..
بارك الله فيك اخوي سلطان وجزاك الله خيرا ..شي طيب رخيصة نوعا ما ............
..................................................
.



...أبو أسامةرد: وعليكم السلام ورحمة الله وبركاته

أخي الكريم :

يبيلك أربع أشياء :
1: شراء علبة دركسون .
2: شراء بكرة .
3: شراء ليين واحد الداخل والآخر الخارج من العلبه للدوده .
4: شراء سير حجمه أطول .

وأنصحك تريح راسك وتأخذها من محل واحد بالتشليح ويركبها لك على الشرط بحدود 1000 ريال بالكثير ... وترى يركب عليها قطع ددسن موديل 2004 ....

والله يوفقك .....

بالنسبه لتوليف مكيف فمشكلته يبيله ثلاجه ويبيله كمبروسر ويبيله بلووف ويبيله سخان ويبيله علبة مكيف ويبيله ليات ومواصير المكيف ويبيله حساس المكيف ويبيله علبة مفاتيح المكيف ... ويبيله فك الطبلون من أجل تركيب السخان والثلاجه يعني قصه طويله عريضه ..... والله يوفقكم جميعاً. اليوم 01:29 AM


الغالي ابو اسامه لافقدنا هالطله شرح وافي كافي ضافي من الي قلبه صافي ...

جزاك الله خير اخوي وافدتني وافدت زميلي شكرا من القلب لكم جميعا